Ævintýri líkast. Til hamingju!

Laufey Lín Jónsdóttir stekkur eins og í ævintýri inn í skærbirtu tónlistarinnar og skilur eftir fyrir aftan sig stór heimsfræg nöfn á borð við Bruce Springsteen. 

Til hamingju Íslandl hefur einhvern tíman verið sagt af minna tilefni; enn hefur bæst við nýtt nafn í safn heimskunnra listamanna. 

Það verður spennandi að sjá, hvað á eftir að spinnast úr þessum óvænta og gleðilega viðbori. 

Laufey hlaut Grammy-verðlaun

Dramatísk saga bræðra.

Fyrir nokkrum áratugum olli nýrnakrabbamein því að bróðir hins sjúka ákvað að gefa honum nýra úr sér. 

Hann þurfti að fara í rannsókn vegna þessa, og kom þá í ljós, að í nýranu, sem gefa átti, var mein á frumstigi, en sem betur fór það skammt, að full lækning fékkst á þeiri meinsemd út af fyrir sig. 

Leysa tókst vanda beggja bræðranna, og gjafmildin bar ríkan ávðxt.

Systirin greindist mánuði síðar

Kvikan í leit að vettvangi fyrir eldgos? Djúpavatn er ekki "á Reykjanesi."

Djúpavatn er skammt frá Trölladyngju og liggur við kvikjukerfi sem kennt er við Krýsuvík.  

Ein sviðsmyndin á Reykjanesskaganm kann að vera sú, að þð komi að því að storknuð kvika loki fyrir leið kvikunnar við Grimdavíkk og að ný leið fyrir miðju eldsumbrotanna opnist austar. 

Hvimleiður misskilngur veður stanslaust uppi um ýmsar staðreyndir varðandi heiti þeirra staða og svæða sem nefnd eru í fréttum. 

Í frétt um jarðskjálftann við Djúpavatn var í ljóavakamiðli sagt frá því að jarðskjálfti hefði orðið "við Djúpavatn á Reykjanesi." 

Er engu líkara en að stór hluti blaða- og fréttamanna haldi að allt sem er fyrir sunnan Hafnarfjörð sé "á Reykjanesi."

Hið rétta er, að Reykjanes er ysti tanginn á Reykjanesskaganum, og að til dææmis er nesið í meira en 30 kílómetra fjarlægð í loftlínu frá Djúpavatni. 

Og það er um 50 kílómetra akstur frá Reykjanesi til Djúpavatns.

Iðulega kemur fyrir, að blaðamenn telja að Sandskeiðið sé á Hellisheiði, þótt rúmlega 20 kílómetrar sé á milli og að þessir tveir staðir séu ekki í sama sveitarfélagi.   

3,3 stiga skjálfti við Djúpavatn

Furðufrétt. "Á Íslandi við getum verið kóngar allir hreint"

Furðulegt verður að teljast að lögregla telji sig tilneydda til handtaka fólk, sem telur sig yfir það hafið að fara eftir aðvörunum og tilheyrandi lokunum vega. Enn magnaðra er að þeir óhlýðnu skuli þar að auki geta tekið lögin í sínar hendur og opnað leiðir, sem lokað hefur verið með því að fjalægja merkingar og hindranir. 

Í hugann koma hendingarnar góðu í fyrsta Þorskastríðinu, lýstu stemninginni;

".. látum engan yfir okkur ráða, 

þótt ýmsir vilji stjórna okkur, bæði ljóst og leynt."

Hefðu venjulega ekki verið handteknir

Enn ný dæmi um afleiðingarnar af slæmri stefnumótun Boeing?

Nýjustu ummæli fyrrum starfsmanna Boeing þar sem þeir telja að röng forgangsröðun í stjórnun og rekstri Boeing verkmsiðjanna hafi lengi verið ágalli, sem kominn sé tími til að ráða bót á,  ættu  á verða aðalsmerki þessa mikilvæga fyrirtækis.

Meðal þess sem áður hefur verið minnst á hér á síðunni eru illa grunduð samskipti við misjöfn undirverktaka fyrirtæki sem  reyndist illa og hefur vonandi verður ráðin bót á. 

 

„Ég myndi alls ekki fljúga Max-flugvél“

Hraun rann alla leið til sjávar í Elliðavogi.

Húsfellsbruni er eitt af tíu stærstu hraunum á Íslandi.

Þegar hraun rann fyrir nokkur þúsundum ára alla leið til sjávar í botni Elliðavogs urðu Rauðhólarnir til sem gervigígar við það að hraunið komst í snertingu við vatn.

Hraunið í Elliðaárdal ætti að njóta álits sem merkilegt náttúruvætti, en hart er sótt að því með alltof mikilli skógrækt. 

Hvorki Reykjavíkurflugvðllur né Keflavíkur eru í hættu vegna hraunstrauma, en þó er nú staðið í kostnaðarsðmum undirbúningi fyrir stóran nýjan flugvðll á hraunflákunum suður af Straumsvík. 

Hraun úr Húsfellsbruna gæti farið enn lengra

Þegar rykið sest: Of neikvæð umræða um sveiflurnar í liði Íslands?

Þegar rykið hefur nú sest eftir hamaganginn á EM sést, að skammirnar sem íslenska liðið fékk eftir stórar sveiflur í leik liðins, voru full harðar þegar litið er á svipaðar sveiflur í leik annarra liða, svo sem úrslitaleikjanna. 

Þar sáust iðulega tíu mínútna langir kaflar þar sem allt gekk upp hjá öðru liðinu og síðan jafnvel kaflar þar á eftir sem þetta snerist algerlega við. 

Flest liðin lentu í því að ganga í gegnum "hrun" leiks síns þar sem ekkert gekk upp og ekkert eða eitt mark var skorað í hálfum hálfleik.   

Þetta bendir til þess að handboltinn sé einfaldlega íþrótt, þar sem sveiflukenndur leikur liggi í eðli leiksins, sem þrunginn geti verið óheppni og heppni á víxl. 

Guðjón Valur Sigurðsson minntist á það, að á glæsiferli hans sjálfs hefði hann tvívegis orðið að bíta´í það súra epli að missa af Ólympíuleikum.

 

Frakkland Evrópumeistari eftir magnaðan úrslitaleik

Málefni allrar þjóðarinnar. "Ég er Grindvíkingur."

Málefni Grindvíkinga snerta alla þjóðina og ber að leysa úr þeim samkvæmt þeirri hugsun og hafa reynsluna af úrvinnslu mála Vestmannaeyinga frá 1973 til notkunar í því efni. 

"Ich bin ein Berliner" sagði Kennedy Bandaríkjaforseti í Berlín þegar sú deila stóð sem hæst, og á sama hátt ættu allir Íslendingar að segja nú: Ég er Grindvíkingur.  

Grindvíkingar fara fram á íbúafund

Stefnir í langhlaup og hve langt getur það orðið?

Það hefur verið tekið þannig til orða hjá jarðvísindamönnum, að viðureign íbúa Grindavikur við eldsumbrotin á Grindavíkursvæðinu séu líkleg til að verða í formi langhlaups. 

Erfiðleikarnir nú eru til marks um það hve erfiðar aðstæður er glímt við. 

Meira að segja snjókoma getur stöðvað aðgerðir og í hvert skipti sem jarðeldur kemur upp, veit enginn nákvæmlega fyrirfram hvar það verður. 

Síðasta sprungan, sem opnaðist með hraunrennsli, gerði það innan þess svæðis sem átti að verja með tilbúnum varnargörðum! 

Enginn veit heldur hvort og þá hvenær eldgos byrja í Krýsuvíkurkerfinu eða slotar endanlega við Grindavík. 

Ekki hleypt inn í Grindavík um helgina

80 ára hefð fyrir ríkisafskiptum af kjaramálum.

Þær hugmyndir af afskiptum stjórnmálamanna af kjaradeilum,, sem rætt hefur verið um að undanförnu, eru ekki neitt nýjabrum. 

Við myndun Nýsköpunarstjórnarinnar 1944 réðu afskipti stjórnarflokkanna af kjaramálum úrslitum um það að aðgerðir varðandi almannatryggingar skópu jarðveg fyrir myndun ríkisstjórnar "þvert yfir" frá hægri til vinstri þannig að Framsóknarflokkurinn lenti í stjórnarandstöðu 

Félagssleg afskipti ríkisstjórna kom síðan við sögu 1955, í svonefndu júnísamkomulagi 1964 og öðru samnefndu samkomulagi 1965, og oft eftir það allar götur síðan.  

Reynslunni ríkari ættu forráðamenn þjóðfélagsins því að hafa tök á slíkri lausn nú. 

Ekki lengra haldið í óbreyttu formi