Fyrstu slysin í sögu áætlunarflugs á þotum urðu út af sprungum við glugga.

Upp úr 1950 fóru fyrstu stóru þoturnar að fljúga í áætlunarflugi og þessar þotur, af De Havilland Comet-gerð skópu Bretum nokkurra ára forskot í þotuflugi og þotusmíði. 

En þegar Comet þotur fórust hver af annarri með því að tætast sundur þegar þær voru að komast í farflugshæ, var framleiðslu þeirra hætt, og í hönd fór tímamótarannsókn á leifum einnar þeirra, sem leysti gátuna:  Gluggarnir voru ferkantaðir og nokkuð stórir. 

Vegna þrýstingsbreytinga þegar vélarnar náðu farflughæð, komst svonefnd málmþreyta að í gluggarömmunum, sem að lokum gáfu sig og sprengdu skrokkinn út frá sér. 

Lausnin fólst í að styrkja gluggana og gera þá minni og ávalari. En þessi slys urðu til þess að Bandaríkjamenn náðu forystunni í smíði farþegaþotna með fyrstu Boeingþotunni, sem enn í dag er með sama þversniði skrokksins og Boeing mjóþoturnar í dag. 

Ef hið furðulega atvik á Boeing Max þotu núna hefur gerst í aðeiðns 16 þúsund feta hæð, má furðu gegna að þotunum sé ekki bannað að fljúga hærra meðan verið er að rannsaka þetta stórfurðulega mál. 

Nauðlenti eftir að gat kom á farþegarými vélar

Eldvirknin hefur farið sínu fram, og gerir það nú og framvegis.

Fyrir um aldarfjórðungi var Axel Bjðrnssyni jarðeðlisfræðingi falið að gera tillögur um hugsanlegar varnaraðgerðir gegn hugsanlegum umbrotum á Reykjansskaga.  

Axel hóf starfið á því að skipta svæðinu í tvennt, annars vegar sunnan Hafnarfjarðar og hins vegar norðan. 

Hann skilaði bráðabirgðaáliti og fékk þau svör, að byrjað yrði á vinnu við suðursvæðið en norðursvæðiðið yrði látið bíöa, vegna þass að þar væri miklu meira af mannvirkjum og fólki en á suðursvæðinu!  

Dæmigert fyrir stjórnmálamenn, að víkja verkefninu sem lengst frá sér, og því lengra sem hægt er að víkja viðfangsefninu, því betra.  

Þegar skoðuð er eldvirkni á línunni frá Ögmundarhrauni og norður undir Óbrinnishóla sunnan Kaldársels, sést að hún hefur komið fram í eldgosum og hraunstraumum úr mörgum gígum á um hundrað kílómetra löngu svæði og meðal annars runnið til sjávar við Straumsvík og Vellina í Hafnarfirði. 

Þegar jarðvísindamenn benda á þetta núna fá þeir skömm í hattinn hjá stjórnmálamönnum, sem sýnir að framsýnin hefur ekkert skánað síðasta aldarfjórðunginn. 

Engir varnargarðar ráðgerðir um Hafnarfjörð

Hinar nýju gosaldir?

Eftir um það bil átta kyrrstððualdir eldsumbrota á Reykjanesskaga og fyrstu þrjú ár nýs umbrotatímabils var giskað á það hér á síðunni fyrir tveimur árum, að nýtt og hugsanlega margra alda tímabil umbrota væri að hefjast, sem allt eins gæti á endanum breitt sig út um allan skagann, allt frá Reykjanestá og norðaustur til Hengilsvæðisins. 

Tilgáta um slíkt tímabil sem ekki væri einskorðað við Svartsengi sýnist alls ekki ólíklegri en hvað annað. 

Gætu verið ótengdir Svartsengi: Gosreinar að vakna

Rót hjá frændþjóðum vegna þjóðhöfðingjaskipta.

Avörp þjóðhöfðingja Íslendinga og Dana koma af stað ákveðnu róti um sinn. Margrét Danadrottning tekur skynsamlegt skref í óhjákvæðilegum kynslóðaskiptumm, en hér á landi munu margir, sem áður hafa orðið hugsi í aðdraganda forsetakosninga, sennilega velta eitthvað vöngum upp á nýtt, jafnvel á annan tug manna. 

Enginn veit hve stór þessir hópur hugsanlegra vonbiðla verður né hve miklu róti tilkoma þeirra á eftir að valda. 

Núverandi forseti okkar hefur verið farsæll í starfi og kannski hefði verið betra að hann sæti þriðja kjörtímabil sitt. 

Danir í áfalli eftir ávarp drottningar

Tenerife síðbúin uppgötvun.

Það var ekki fyrr en uppúr 1980, sem Íslendingar gerðu þá síðbúnu uppgötvun, að fyrir þjóð, sem öldum saman hafði verið þrúguð af rysjóttu veðri og köldum sumrum, var suður í höfum að finna slóðir með mun jafnara og heitara veðri, sem gæti orðið nokkurs konar annað heimili norrænnar þjóðar, sem hefði efni á að lifa að stórum hluta lífi farfuglanna sitt hvorum megin á hnettinum. 

Þegar litið er á landakort sést svo vel, hve þetta virðist liggja beint við, til dæmis varðandi gang klukkunnar sem tryggir eins heppilegan gang klukkunnar og hugsast getur. 

Hitt hefur reynst taka furðu langan tíma að átta sig á helstu kostum Tenerife sem sumarlands Íslendingsins þegar það nýtist hvað best. 

Gran Canaria hélt þessum sessi merkilega lengi og það án þess að landinn háttaði sig á að eyjan býður upp á fleira en Ensku ströndina. 

Tenerife slær í gegn

Margir óvissuþættir í Grindavík.

Núverandi kvikusföfnun undir Svartsengi og norðan Grindavíkur hrindir af stað mörgum óvissuþáttum, sem gera næstu daga og kannski vikur afar tvísýn til aðgerða. 

Áhættan er margþætt, allt frá því að tapa í því spili vegna ónógs tíma og upp í það að klára nægilega varnargarða til að bjarga tuga milljaraða verðmætum.  

Hættan á því að tapa í því spili er líka mjðg mikil. 

„Lít á þetta sem heiður fyrir Grindvíkinga“

"Fráleit spá" að rætast?

Í upphafi stríðsins sem nú geysar á Gasassvæðinu var því varpað fram, að hugsanlega gætu drápshlutfðllin milli stríðsaðila orðið 1 á móti 10, þ.e. að í hefndarskyni myndi það verða háð með svipuðum drápshutföllum og fyrri átök.  

Viðbrögðin við þessum vangaveltum urðu vantrú. Ísraelsmenn myndu ekki fara út í það að drepa 14 þúsund manns. 

En nú er að koma í ljós að þessi tilgáta var ekki aðeins rétt, heldur of varfærnisleg.  

Í upphafi lýsti Netanyahu því yfir sem grundvallar samlíkingu, að Hamasmenn væru "meindýr" sem bæri að útrýma. Svipuð viðhorf gagnvart Gyðingum lét Adolf Hitler í ljósi við upphaf Helfararinnar. 

Segir marga mánuði eftir af stríðinu

"Jólin gefa frí frá skyldudjamminu."

Söngkonan Emilíana Torrini var spurð að því hvað henni fyndist best við jólin fyrir um tveimur á"rum og einfalt svar hennar geymist enn í minni:

"Maður losnar við skyldudjammið."

 

„Jólin eru besti tími ársins“

Dómarinn er hluti af leikvellinum. Hemmi og Maggi Pé.

"Útaf með dómarann! Útaf með dómarann!" heyrist í einni röddinni, sem Svavar Gests heitinn skreytti hléð með í laginu "Jói útherji."

Langlundargeð með frammistððu dómaranna leiddi til þess mðrgum áratugum síðar að tekinn var í notkun myndatökubúnaðuar, sem menn vonuðu að myndi bæta dómgæsluna, en svo virðist, sem ástandið hafi lítið lagast. aatriði sem halda áfram að verða hluti af leiknum og þar með hluti af leikvellinum.  

Leikmenn halda í gangi trixum til að "fiska" víti og skapa vafasama dóma. 

Óborganleg atvik eins og samskipti Hemma Gunn og Magnúsar Péturssonar hér í den halda áfram að gerast.  Varnarmaður braut harkalega á Hemma sem hrasaði og missti af boltanum, féll  við og kvartaði hástöfum við Magnús, sem hristi hausinn og blés ekki í flautuna. 

"Það var ekki að sjá á viðbrögðum þínum, að þetta væri brot" sagði Magnús þegar Hemmi kvartaði hástöfum. 

Eftir skamma stund gerðist svipað atvik, nema öllu harkalegra í þetta sinn, því að nú kútveltist Heimmi eftir grasinu og veinaði við. 

En aftur dæmdi Magús ekkert. 

"Sástu þetta?" hrópaði Hemmi þegar hann hljóp til Magnúsar. "Ætlarðu virkilega ekki að dæma á þetta?"

Magnús svaraði að bragði, ákveðinn á svip: "Hermann Gunnarsson, ekkert skuespil hér!"

Viðurkennir að Liverpool átti að fá víti

Gríðarlega mikið óunnið í snjóflóðavörnum á landinu. Þjóðar - jólagjöf!

Flóðin á Ólafsfirði í fyrra vörpuðu óþægilegu ljósi það, hve flóðavarnir hafa verið vanæktar svo tugum milljarða króna skiptir síðustu tuttugu árin. 

Nú verður að slá í klárinn sem víðast og þjóðin þarf að gefa sjálfri sér þjóðargjöf í þessum efnum sem leiðréttir kúrsinn svo um munar. 

Verkefnin eru ekki aðeins fyrir vestan milli Ísafjarðar og Súðavíkur, heldur leynast víða hættur í vegakerfinu á borð við þá sem núna lætur á sér kræla við Ísafjarðarflugvöll og kallar á nýjar þjóðar-jólagjafir!  

Snjóflóð féll innan við flugvöllinn á Ísafirði