"Ekkert veður" heldur á Brúaröræfum.

Sauðárflugvöllur á Brúaröræfum með sína alþjóðlegu skráningu BISA hefur verið starfræktur af sinni óvenjulega staðfestu síðan 2011 á þann hátt, að völlurinn, sem er hálendisflugvöllur í 660 metra hæð yfir sjávarmáli, hefur jafnan opnast sjálfkrafa um mánaðamótin júní-júlí þótt allir hálendis jeppaslóðar á þessum slóðum hafi verið ófærir. 

Til þess að þessi mikli kostur þessa stóra fimm flugbrauta náttúrugeði flugvöllur hafi nýst, hefur aðeins þurft að hafa fasta viðveru ökufærs bíl til að hefja völtun hans, dytta að vindboka og öðrum merkingum og koma vitneskju um ástand vallarins í gögnum Isavia hverju sinni.

Í sumar breyttist þetta hins vegar vegna óvenjulegs veðurfars og skemmdarverka á jeppanum.

Óvenju lítið vatn hefur verið í Hálslóni. Sólbráð jökulsins sér yfirleitt um mest af rennslinu í lónið, en í sumar hefur þetta rennsli hins vegar verið óvenju lítið.

Ofan á þetta hefur síðan bæst alveg einsteklega mikil bráðnun í hjólförum hálendisjeppaslóðana.

Afleiðingin hefur orðið sú að tvær sérstakar ferðir til að taka völlinn út hafa misheppnast, hvor um sig með um 1600 kílómetra akstursvegalengd frá Reykjavík.

Síðari ferðin stendur nú nú yfir og hafa árlegar sameiginlegar ferðir til að dytta að hálendisskálum á norðausturhálendinu orðið fyrir barðinu á óvenjulegri óheppni í veðurskilyrðum.

Við þetta hefur bæst vinna vinnuflokka sem hafa verið að setja upp mælanet í samræmi við viðbúnaðarástand almannavarna vegna á hættu á eldgosi í Öskju undanfarin mieseri. . 

 

 

 

„Ekkert veður“ í borginni það sem af er júlí

Trump telur guðlega forsjá halda yfir sér verndarhendi.

Þegar sótt var að Donald Trump hér um árið til þess að dæma hann frá embætti af þinginu safnaði hann tuttugu kirkjuhöfðingjum að sér í Hvíta húsið til þess að fá hjá þeim sérstaka trúarlega vernd. 

Hin mikla heppni Trump nú rímar fullkomlega við þetta og sýnist ætla að gefa honum byr í segln í komandi kosningabaráttu. Sjálfur mun Trump áfram telja sig goðum líkan og tilsvörin verða eftir því. 

Hann er ekki fyrstur til þess. Þegar gerð var skotárás á Ronald Treagan spurði Nancy hann hvað hefði gerst. 

"Ég gleymdi að beygja mig" sagði forsetinn, en það var reyndar sama tilsvar og hjá Joe Louis þegar Rocky Mardiano rotaði hann í hringnum um þremur áratugu fyrr.  

Blóði drifin saga banatilræða

Tilræði við Truman heyrir þessari sögu til. Líka úrslitamark EM?

í gær bættust tvær myndir af ólíkum vettvangi í safn minnisverðra mynda af dramatískum viðburðum á borð við það að gert var tilræði við Harry S. Truman Bandaríkjaforseta. 

Í þeirri atburðaröð er líka það merkilega mál, hvernig Truman vann sigur 1948 þvert ofan í spár skoðanakannana. 

Ný tækni í myneatök bættist síðan við í formi úrskurðartækni í vafatilvikum við skorun hins frábæra úrslitamarks, sem Spánhverfjar skoruðu á lokamínútum EM. Þessi tölvugerða mynd bættist við sjálfa venjulegu myndina, en slík venjuleg mynd og dómaraúrskurður skilaði HM titli til Englendinga 1966.  

Byssuskot forsenda athygli

Er að bresta á stigmögnun deilna og notkunar árásarvopna í Bandaríkjunum?

Felst lausn vaxandi byssuofbeldis í Bandaríkjunum í slagorðinu "eina vörnin gegn vondum manni með byssu felst í því að fjölga góðum mönnum með byssu?"

Deilurnar um byssueignina vestra munu væntanlega færast í aukana eftir skotárásina á kosningafundi Trumps. 

 

Biden: Þakklátur að Trump lifði af

"Þegiðu, Egill, þetta´eru stelpurnar!"

Sú frækilega saga sem kvennalandsliðið í knattspyrjnu er skrifa nú um þátttöku sína á stærstu alþjóðlegu stórmótum, hefði þátt óhugsandi fyrir aðeins nokkrum misserum. 

Og ef Egill rakari væri lifandi núna og svipaður áhugamaður í stúkunni og hann var ´með kalli sínu í laginu um Jóga útherja, "KR-ingar, þið eigið leikinn!" og fékk svarið "þegiðu, Egill, þetta er landsliðið!", myndu orðaskiptin verða svona: "Áfram, strákar, þið eigið leikinn, -  og hann fengi hann "þegiðu, Egill, þetta´eru stelpurnar!".  

Ísland á EM eftir lygilegan sigur á Þjóðverjum

Ýmsar sjaldgæfar útgáfur af örmögnun í æðakerfinu geta orðið lífshættulegar.

Síðuskrifari er ekki sérfróður um afbrigði af örmögnun í æðakerfinu við mikla og langvarandi áreynslu, en er þó kunnugt um slíkt tilvik eftir langa göngu í miklum hita í flugstöð í París í september í haust, sem olli dauða þess sem fyrir þessu varð. 

Aðstæður voru eins erfiðar og óheppilegar og hugsast gat og því tókst ekki að bjarga þeim, sem fyrir þessu áfalli varð. Þess vegna er full ástæða að vera á varðbergi í þessum efnum þar sem hætta er á hættulegum og óvenjulegum fyrirbærum af þessu tagi. 

Var hætt komin í sjósundi

Öryggi jarðvarmans er stórt þjóðaröryggismál, sem tafist hefur í 40 ár.

Fyrir um fjórum áratugum var Axel Bjðrnssonn, einn þeirra jarðfræðinga, sem mests fjallaði um Kröflueldana, sem þá var að ljúka, fenginn til þess að athuga áhrif hugsanlegra jarðelda á Reykjanesskaga og gera tillögur um viðbrögð við þeim.   

Niðurstaðað varð að sjálfsögðu mikil hrollvekja, einkum svæðinu frá Hafnarfirði og norður úr, og var í fyrstu ákveðið að láta þennan nyrðri hluta eiga sig um sinn. 

Fljótlega fór á sömu leið með afganginn.  

Það eru því góðar fréttir að loksins núna skuli þráðurinn verið tekinn upp að nýju og í ljósi reynslunnar staðið við það framkvæm þetta stóra þjóðaröryggismál. 

Algert heitavatnsleysi ólíklegt þótt gjósi hjá Hellisheiði

Vinnuflokkur við að setja upp net mælinga vegna hættu á eldgosi í Öskju.

Í árlegri ferð til að skoða ástand Sauðárflugvöll á Brúaröræfum þegar hann opnast að vorlagi, sem farin var um síðustu  helgi, kom ýmislegt óvænt í ljós.a

Völlurinn ber alþjóðlega skráningarmerkið BISA og síðuskrifari er umsjónarmaður hans. 

Í fyrra var hið óvænta í formi hóps 19 manna hóps fallhlífarstökkvara, sem komu frá Svíþjóð til að prófa völlinn. eins og sést á meðfylgjandi mynd. 

Venjulega er völlurinn orðinn þurr og vel nothæfur í byrjun júní eða jafnvel lok maí, en á sama tíma eru allar hálendisslóðir á svæðinu ónothæfar vegna snjóa og síðar leysinga. 

Í ár ber svo við að hálendisslóðirnar eru ófærar vegna leysinga en óprúttnir aðilar hafa samt virt lokanir að vettugi og valdið skemmdum á slóðunum. Af þessum sökum varð því að snúa við hjá Kárahnjúkastíflu og fresta hinni venjulegu opnunarferð flugvallarins.  

Þar sem fært er á fjórhjólum og fótgangandi var vinnuflokkur hins vegar að störfum við Sauðarárdalsstíflu á sunnudag við að setja upp net mæla til að hægt sé að hafa viðbúnað á áhrifasvæði hugsanlegrs eldgoss í Öskju, sem hefur verið sett á gult viðbúnaðarstig almannavarna síðustu tvö ár vegna kvikumyndunar undir eldstöðinni, sem er á viðsjárverðu dýpi.   

Aðeins er um tíu mínútna flug frá Öskju til Sauðárflugvallar, og hann kom að góðum notum í gosinu í Holuhrauni 2014 til 2o15.  

Viska Bíla-Lása: Hvað er að, þegar ekkert er að, en þó er ekki allt í lagi?

Á dögum föður síðuskrifara urðu ýmsar skondnar spurningar og svör hjá meiraprófsprófara, sem kallaður var Bíla-Lási, nafnkunnar fyrir frumlegan þankagang. 

Ein spurningin var þessi: "Hvað er að þegar ekkert er að, en þó er ekki allt í lagi?"

Margir götuðu til að byrja með á henni og nú er spurningin btil lesenda þessa pistils, hvert rétt svar að mati Lása hafi verið.

Svar hans var:

Þá er litla gatið á besínlokinu stíflað.  

Forsendan fyrir því var sú, að meðan bíllinn væri í notkun, væri geymirinn alltaf hafður fullur. 

Ef gayminum væri leyft að tæmast, án þess að fyllt væri á jafnóðum, myndaðist lofttæmi inni í geyminum, sem gæti valdið rennslistregðu sem endaði með því að dælan bilaði eða geymirinn félli saman. 

P.S. Nú kemur tilkynning inn til síðuskrifara um vandræði við að koma á nettengingu. Úps!

 

Eftir tveggja tíma töf berst hjálp og nú er hægt að halda áfram með Bíla-Lása. 

Langt fram eftir aldri hló ég að speki hans, en Boeing-slysin vörpuðu nýju ljósi á hana. 

Slysin fólust nefnilega í því að framleiðandinn framleiddi tölvustýrt kerfi, sem félli undir þá skilgreiningu að "ekkert væri að."

En gerðu þau mistök að reikna ekki mannlegum takmörkum við sérstakar aðstæður, sem gátu valdið banvænum afleiðingum.   

 

Boeing játar sök

Lífseigur misskilningur að Hitler hafi neitað að taka í höndina á Jesse Owens.

Nú, þegar Ólympíleikar fara í hðnd, er víða rifjað upp, að Adolf Hitler hafi neitað ósk um að taka í höndina á Jesse Owens á Ólumpíuleikunum í Berlín 1936. 

Hið rétta er að fyrirfram hafði ráðríkur formaður Ólympíunefndarinnar, Avery Brundage, sett þá reglu, að þjóðhöðingi fengi ekki að taka í höndina á neinum keppanda, og það bann gilti  um Owens og Hfyrirfram um Owens og Hitler.