Hetjurnar í "Krafti" og "Blóðskimun til bjargar."

Fyrir nokkrum árum var hleypt af stað átakinu "Blóðskimun til bjargar" í tengslum við starf Krabbameinsfélagsins og fólst það í að ákveðnu úrtaki af fólki, sem gafst kostur á að koma í blóðskimun eftir mergæxli. 

Síðuhafi var einn af þessu fólki, og fékk síðan bréf um það að hann hefði greinst með forstig og beðinn um að koma í framhaldsskoðun. 

Niðurstaðan varð áframhald eftirlits, en með fylgdi þessi ráðlegging; "Þú skalt samt ekki hafa of miklar áhyggjur því að þetta er enn á algeru forstigi og þú orðinn það gamall, að eitthvað annað mun líklegra til að drepa þig fyrst."

Við hliðina á dyrunum á blóðskimunarherberginu eru dyr með áletruninni "LÍFIÐ ER NÚNA" og viðtðl við fólk á biðstofunni höfðu svo djúp áhrif, að niðurstaðan varð að semja sérstakt lag undir þessu heiti og fá Margréti Eir og Pál Rósinkranz til að syngja það. 

Það hefur áður verið birt á Facebook síðu minni og í tengslun við viðtengt viðtal á mbl.is birt í framhaldinu á ný.  

 L

„Þú ert með krabbamein“

Bílaframleiðslukapphlaup á öllum sviðum.

Fyrir bílanörda, sem hafa um áratuga skeið stundað það af mikilli ástríðu að fylgjast sem best með og afla sér vitneskju um ðll svið bílaframleiðslunnar hefur þetta áhugaefni aldrei verið eins erfitt og nú, þvílíkt er framboðið af nýjum nýjum bílum með nýjum nöfnum.  

Allir veraða að taka þátt, svo sem Kia, sem teflir fram þremur nýjum núna á sama tíma. 

Dæmi um eldri tíma samkeppni stærstu bílaframleiðendanna á sviði eldsneytisknúinna bíla, svo sen Audi, Benz og BMW, hika þeir ekki við að slá í klárinn á því sviðið, en á sama tíma að moka út nýjum rafbílum sem keppa í mismunandi tengilstvinnbílaflokki í öllum stærðarflokkum.       

Leiðtogabíllinn ber nafn með rentu

Oft eins og hráviði hvar sem er.

Þegar umræða er um þörfima á betra regluverki fyrir rafskútur er aðal höfuðverkurinn eftir ef marka má reynsluna af ferðum um um samgðngukerfi borgarinnar, en hann birtist í því að svo virðist sem þorri notenda rafhlaupoahjólanna fari helst ekki eftir neinum reglum um gerð og notkun þeirra.  

Rafhlaupahjólin leysa að vísu margar þarfir og nauðsynjar, en notendurnir virðast jafnóðum skapa fleiri, oft á þann hátt að skapa hættu fyrir aðra vegfarendur. 

Mikilvægt að rafhlaupahjól hindri ekki aðgengi

Rallið hjá Trump er ekki búið fyrr en það er búið.

Allur ferill Donalds Trumps hefur einkennst af miklu vanmati á styrk hans, og voru forkosningarnar 2016 engin undantekning.  

Þótt gefi á bátinn virðist hann hafa seinstakt lag á að koma tvíefldur til baka. 

Stór hluti af því er að halda nafninu ávallt inni í umræðunni. 

Með því tekst honum að beisla hinn sterka straum í bandarískum stjórnmálum, sem hefur klofið þjóðina í herðar niður. 

Frambjóðandi Trumps tapaði meðal Repúblikana

Úrslitastund að nálgast?

Þegar Halldór Ásgrímsson varð að segja af sér sem forsætisráðherra hér um árið var það fyrst og fremst vegna þess, að sú ætlun hans að stjórna atburðarásinni mistókst herfilega. 

Nú er að myndast ástand, sem um margt minnir á þessa sögu, en getur orðið að miklu flóknara og erfiðara viðfangsefni þar sem erfitt er að ráða í stöðuna; og endalokin því farið á óvænta lund. 

Frá sjónarhóli forsætisráðherrans sýnist vera mikilvægast að úr því að hvort eð er eru lagðir ráðherrakaplar væri skást að nýta tækifærið til að hreinsa málið sem best, bæði hvað varðar hálfgerða stjórnarkreppu en ekki síður gagnvart framhaldinu og stóru málunum, sem leysa þarf í vetur. 

En gallinn við það að ráða skakkt í stöðuna eða missa alla stjórn á ástandinu er óskðp einfaldur: stjórnarslit. 

Bjarni hafi fært vandann á VG

Mikilvæg "límtúba", Bjarni Benediktsson, að tæmast?

Staöa Bjarna Benediktssonar í ríkisstjórn hans og Sigmundar Davíðs Gunnlaugssonar og þar á eftir í skammlífri stjórn hans sjálfs var þess eðlis að það mátti hafa á orði að Bjarni væri límið í þessum tveimur ríkisstjórnum. 

Hann var í valdamesta ráðuneytinu í fyrri stjórninni og forsætisráðherra í hinni seinni, formaður stærsta stjórnmálaflokksins og stóð af sér mótframboð á síðasta landsfundi. 

En tvívegis hafa athafnir náins skyldmennis, sem notið hafa fyrirgreiðslu, orðið honum að fótakefli, og kemur fyrir lítið að lýsa yfir því að vera ósammála færðum rökum umboðsmanns Alþingis um vanhæfi. 

Afsögn Bjarna núna er enn ein viðbótin við alllanga röð af ásteytingarsteinum í núverandi stjórnarsamstarfi sem halda áfram að hrannast upp. 

Ef tekinn er samanburður við Nýsköpunarstjórnina sést að aðeins eitt mál, utanríkismál, sprengdi þá stjórn. 

Límið í þeirri stjórn var Ólafur Thors og einstakur trúnaður á milli hans og Einars Olgeirssonar. 

Ágreiningssmálin nú virðast bæði fleiri og erfiðari en 1947, og hriktir í burðarvirki fleys ríkisstjórnarinnar.  

Oddvitarnir ætla að hittast síðar í dag

Undirrótin svipuð og á Ólympíuleikunum 1972 en umfangið margfalt.

Palestínumenn hafa orðið að lifa við það að vera hernumin þjóð í 56 ár, og þegar fimm árum síðar var óþol þeirra orðið slíkt að þeir komu allri heimsbyggðinn óþyrmilega á óvart á Ólympíuleikunum í Munchen með að ráðast inn í búðir Ísraelsmanna á leikunum og taka þar gísla. 

Vestur-Þjóðverjar hðfðu lagt sig í líma við að ljá leikunum sem friðsamlegast yfirbragð í góðri trú, reyndust fyrir bragðið herfilega illa undir þetta búnir, svo að mannfallið varð miklu meira en ella. 

Eftir ellefu sinnum lengra hernám eru Palestínumenn orðnir enn hatursfyllri en nokkru sinni fyrr við það að horfa upp á stóraukin vðld harðtrúarmanna, aukna sókn í að auka svokallaðar "landnemabyggðir" og sækja í að minnka lýðræði í átt til harðstjórnar. 

Þar á ofan hafa þeir orðið að horfa á Ísraelsmenn komast upp með það að brjóta sáttmála og ályktanir Sameinuðu þjóðanna. með hernámi Vesturbakkans.  

Aðgerðir Palestínumanna núna eru margfaldar að mannfalli og eyðileggingu miðað við atburðina 1972, og þær koma enn meira á óvart að umfangi og hörku sem yfirgengur allt það sem á undan hefur gengið. 

„Þetta á eftir að stigmagnast“

Verða þúsundir Palestínumanna drepnir?

Í átökum Ísraels og Palestinumanna síðustu áratugi hefur það yfirleitt verið þannig, að fyrir hvern drepinn Ísraelsmann hafa verið drepnir alls tíu sinnum fleiri Palestínumenn.  

Ísraelsmenn hafa þegar lýst yfir stríði og því miður virðist stefna í miklu harðari átök en nokkru sinni fyrr, en eru harðlínumenn með mun sterkari tök í núverandi ríkisstjórn en nokkru sinni fyrr.  

Yfir 200 Ísraelar látnir í árásunum

Næstum eins mikil framför og koma Willys jeppans.

Þeir sem sáu fyrstu blaðaauglýsingarnar fyrir 70 árum gleyma því seint hve nýstárlegt útlit þessara tveggja bíla, Bjðllunnar og Rúgbrauðsins var. 

Á þessum árum var að hefjast einhver mesta efnahagsbylting sögunnar á Vesturlöndum, og endurnýjun einkahjóla, örbíla og annarra farartækja í mikilli sókn. 

Fyrir mikla framsýni forráðamanna Breta á breska hernámssvæðinu náðist það fram að VW verksmiðjan í Volfsburg, sem slapp að mestu óskemmd í stríðinu, fengi að framleiða bílana tvo fyrir markað bæði heima og fljótlega líka erlendis. 

Nordhoff, fyrsti forstjórinn, gaf út þá stefnu að ítrustu gæði yrðu höfð í hávegum í smáu og stóru. 

Volkswagen stóð frá upphafi ýmsa galla, eins og þröngt innanrými, lævísa yfirstýringu vegna staðsetningar vélarinnar fyrir aftan afturhjólin og takmarkað útsýni, en á móti kom frábærlega einföld vélargerð, sjálfbær bygging, einföld loftkæling og ótrúlega samkeppnishæft verð.  

Fram til 1978 voru framleiddar Bjðllur í milljónatali í Þýskalandi og 21 milljón í heiminum, fleiri en af nokkurri annarri bílgerð í sögu bílsins. 

Tilkoma Willysjeppans hér á landi 1945, var vegna lélegra vega meiri byltin hér fyrstu árin eftir stríð ne tilkoma Bjðllunnar, en hér á landi var það fyrst og fremst Bjðllunni að þakka að almenningur gat stokkið yfir miklu minni bíla á svipaðan hátt og aðrar þjóðir.  

70 ára afmælissýning Volkswagen á Íslandi

Vaxtarhugmyndirnar virðast takmarkalausar.

í fyrra settu forsvarsmenn um sjókvíaeldi fram kröfur sínar um framtíðarstefnu í þeim málum, sem byggðust á því að á tíu árum yrði það tífaldað hér á landi, og að stefnt yrði einbeitt að því að framleiðsluverðmæti þeirra yrðu allt að 500 milljarðar á ári! 

Þeim, sem leist ekki á blikuna, var lýst sem óvinum landsbyggðarinnar og þaðan af verra, og var þó að hluta til um andófsfólk að ræða á borð við meirihluta Seyðfirðinga, sem vilja bægja þessum ósköpum frá sér. 

Hvort einhver 60 prósenT aðspurðra i skoðanakönnunum séu andvíg þessum brjálæðislegu aðgerðum skiptir í ljósi reynslunnar ekki nokkru minnsta máli í þessu sambandi. 

Útlenda fjárfestingarféð sem streymir hingað frá Noregi sannar hina gömlu reynslu dæmisögunnar, að asni, klyfjaður gulli, kemst yfir hvaða borgarmúr, sem er. 

60% andvíg fiskeldi í sjókvíum