Að ylja sér við hvítu og fallegu aðventustemninguna.

Enn er rúmur sólarhringur þar til "eitt versta veður vetrarins" á að skella á. Sólheimaferð des 2019

Kannski er skást, áður en allt brestur á, að nóta lognið á undan storminum til þess að bregða upp nokkrum ljósmyndum af stilltu veðri og fólki á öðrum sunnudegi aðventunnar. 

Efsta myndin er tekin skammt frá Sólheimum i Grímsnesi með Hvítá og Hestfjall í baksýn. 

Miðmyndin, "Máninn hátt á himni skín," er tekin við Minni-Borg. Sólheimaferð des 2019 (2)

En neðsta myndin, sem ætlunin er að setja hér inn til að ylja sér fyrir óveðrið,  er tekin við á aðventumessu í kirkju Óháða safnarins í Reykjavík, síðar í kvöld.  Óháði söfnuðurinn Aðventa 


mbl.is Eitt versta veðrið í vændum
Tilkynna um óviðeigandi tengingu við frétt

Gott mál að grafa upp stærstu stjörnurnar.

Stærstu kvenstjörnurnar í íþróttasögu ljóma skært í hugum fólks, svo sem hinnar norsku skautadrottningu Sonju Heine, hollensku frjálsíþróttakonunnar Fanny Blankers-Koen, sem var skærasta nafn allra á Ólympíuleikunum í London 1948, hinnar rússnesku fimleikastjörnu Olgu Korbut á ÓL í Munchen 1972 og hinnar rúmensku fimlekastjörnu Nadiu Comanechi á Ólympíuleikum rúmum áratug síðar. 

Þess vegna er það gott mál, þegar ljósi er varað á sannkallaða stórstjörnu, sem ukrainska fimleikakonan Larisa Latinina var fyrir sex áratugum. 


mbl.is Sigursælasta konan í sögu Ólympíuleikanna
Tilkynna um óviðeigandi tengingu við frétt

Styttist í drauminn um heilsársveg milli Ísafjarðar og Patreksfjarðar?

Sjá má í blaði frá 1953 frétt um það að ekið hafi verið í fyrsta sinn á bíl milli Patreksfjarðar og Reykjavíkur. Var það Bjarni héraðslæknir, sem það gerði á Willys station jeppa sínum.

Eftir sem áður var engin ökuleið til Ísafjarðar, heldur varð að fara með bíla á báti frá Bíldudal til Hrafnseyrar. 

Með vegi um Dynjandisheiði opnaðist leiðin milli Íssafjarðar og Patreksfjarðar loks á sjöunda áratugnu, en eftir sem áður hefur alla tíð verið ófært þá leið meira en þriðjung ársins. 

Með Dýrafjarðargöngum hillir undir að meira en halfrar aldar draumur um heilsársveg milli Patreksfjarðar og Ísafjarðar rætist, en samt verður Dynjandisheiði áfram farartálmi í þeim efnum vegna eindæma seinagangs við að lagfæra þá leið og gera hana að heilsársvegi. 

Auðvitað hefði nýr vegur þá leið átt að standa tilbúinn þegar Dýrafjarðargöng verða opnuð. 


mbl.is Hrafnseyrar- og Dynjandisheiðar lokaðar
Tilkynna um óviðeigandi tengingu við frétt

Bloggfærslur 8. desember 2019

Innskráning

Ath. Vinsamlegast kveikið á Javascript til að hefja innskráningu.

Hafðu samband