Reykjavík, Árósar, Óðinsvé, Þrándheimur, Oulu, Tampere, sambærilegar.

Rúmlega 20 ár eru síðan Borgasamtök Norðurlanda gátu út vandaða úttekt á byggarmynstri sextán norrænna borga, svo sem þéttleika byggðar og samgöngumannvirkjum. 

Í ljós kom að í stóru og gömlu borgunum, Kaupmannahöfn, Osló, Stokkhólmi, Helsinki Malmö og Gautaborg voru aðstæður allt aðrar en í smærri borgunu, Reykjavík, Óðinsvéum, Árósum, Álaborg, Þrándheimi, Oulu og Tampere. 

Skýrslan kom aldrei fram eða var rædd opinberlega, heldur haldið áfram að halda því fram að fyrirmyndir fyrir Reykjavík ættu að vera stórborgir Evrópu, enda væri Reykjavík einsdæmi og viðundur hvað snerti dreifða byggð.  

Ofangreind skýrsla sýndi hins vegar vel, að hinar smærri borgir á Norðurlöndunum og borgarsvæði þeirra voru allar álíka dreifbyggðar, og að af því mætti ráða, að við ættum skoða þær vandlega.  

Nú má sjá að verið sé að líta til Óðinsvéa og Árósa, og mætti vel hugsa sér að skoða fleiri sambærilegar lítlar borgir í löndum með menningarlegar, hagrænar og veðuraðstæður líkari hinum íslensku en nokkurs staðar annars staðar.  

 

 

Hagrænn ábati af borgarlínu 26 milljarðar

Ekki mann að sjá í heilum sveitum.

Á ferðalagi um uppsveitir Árnessýslu í gær, var heldur betur öðruvísi um að litast en verið hefur á þessum árstíma svo lengi sem munað verður. 

Á leiðinni frá Skálholti upp að Gullfossi og til baka aftur var ekki að sjá einn einasta mann, nema tvo einstaklinga úr Reykjavík, sem voru saman á ferð í tengslum við lokaathöfn fjöltrúarlegrar ráðstefnu, sem var með miðstöð í Skálholtskirkju dagana 5.- 8. október. 

Allir ferðamannastaðir lokaðir, ekki sála við Geysi og Gullfoss, þótt veðrið væri mjög gott eins og myndirnar hér á síðunni bera með sér þegar þær verða væntanlega settar inn seinna í dag af tæknilegum ástæðum.  

"Dauft er í sveitum, hnípin þjóð í vanda" orti Jónas. En þótt þetta ástand nú minni á þessar ljóðlínur úr Gunnarshólma, eru kjör þjóðarinnar nú óendanlega miklu betri til þess að geta samt tekist á við hinn óvænta vanda. 

 

 

54.000 færri frá landinu í sept.