Svipuð hughrif og Brenda Lee vakti 1960 og Bítlarnir vöktu með Strawberry fields.

Búlgarska Eurovisionlagið er afar sérstakt eyrnakonfekt og grípandi við fyrstu hlustun. Ekki furða þótt það byrji ferilinn vel, hvað sem síðar verður. 

Þegar hin kornunga Brenda Lee kom með hinn óvænta smell "Im sorry" í upphafi ferils sína 1960, þurfti hún að hafa fyrir því að fá að hafa það á B-hliðinni hinum megin á plötunni, sem var með laginu, sem átti verða aðallagið á A-hliðinni, "That´s all you gotta do"  og var fjörugt rokklag. 

Það var að vísu þrusu lag og náði 7. sætinum, en "I´m sorry" stakk algerlega í stúf við öll önnur lög, sem þá voru efst á vinsældarlistum, lagið rauk upp í fyrsta sæti og skákaði Presley og öðrum stórkanónum þess tíma.

Lagið og flutningur Brendu á því er hreinn klassi enn í dag. 

Í búlgarska laginu er það líka kornung söngkona sem syngur, en rétt eins og í laginu "Strawberry fields forever" hjá John Lennon og Bítlunum 1967, er það eins konar bjögun í sumum hljómunum í útsetningunni, sem fangar athyglina og gerir það að verkum, að mann langar strax að hlusta aftur á lagið. 

Lagið sem spáð er ofar Daða og Gagnamagninu

Getur samsvarað um 30 þotum hjá Icelandair.

Airbus A380 eru stærstu farþegaþotur heims og geta tekið allt að 850 farþega í ferð.  

Kyrrsetning átta slíkra risaþotna samsvarar því, að Icelandair kyrrsetti um þrjátíu þotur sínar. 

Þær eru stórar, tölurnar, sem túlka þær búsifjar sem hin nýja farsótt veldur efnahagslífinu á heimsvísu. 

Þess vegna varðar miklu að ráðstafanir til að milda þessi áhrif séu hvorki of litlar né of miklar. 

Línurit, sem sýnt hefur verið til að útskýra þetta, sýnir tvær línur um áætluð áhrif. 

Annars vegar blá lína með háum kúfi á farsóttartímabilinu, en hins vegar rauð lína með meira en helmingi lægri kúfi ef það tekst að minnka stærsta skellinn. 

Athyglisverðust er samt þriðja línan, sem gengur lárétt yfir tímaskalann og sýnir getu pg þolmðrk heilbrigðiskerfsins. 

Svipuð lína gæti átt við fleiri svið þjóðlífsins.  

Sú lína gengur í gegnum aðgerðarleysislínuna en ekki línuna, sem á að túlka áætlað umfang veikinnar ef reynt er að minnka útbreiðslu og umfang hennar eftir föngum.

Með ððrum orðum: Ef ekki verður reynt að slæva útbreiðslu veikinnar mun heilbrigðiskerfið bresta undan álaginu í minnst heilan mánuð.    

Kyrrsetja átta farþegaþotur

Stytturnar í Afganistan, Yellowstone, Þjórsárver og íslensk náttúra : Heilög vé.

Einn fremsti jarðvarmavirkjanasérfræðingur Bandaríkjamanna lýsti því yfir á opnum fundi, að langstærsta orkubúnt Norður-Ameríku, Yellowstone, væri heilög vé í augum Bandaríkjamanna, og yrði aldrei snert við svo miklu sem einum af tíu þúsund hverum þjóðgarðsins. 

Fjölmiðlar heimsins og Bandaríkjamenn fordæmdu það þegar Talibanar sprengdu "heilagar styttur" í Afganistan. 

Einstæðar náttúrugersemar hins eldvirka hluta Íslands eru á sama hátt heilög vé, sem taka sjálfu Yellowstone fram með öllum sínum hverum og stórfossum. 

"Þjórsárver eru heilög vé" sagði Guðni Ágústsson svo eftirminnilega þegar til stóð að drekkja hluta þeirra og skrúfa fyrir stærstu fossaröð landsins í efri hluta Þjórsár. 

Keyrði á heilaga styttu á Páskaeyju