"Í húsi óminnishegrans.."

Kom um hríð í dag í eitt af þeim húsum, þar sem er dagvist fyrir heilabilaða og unnið mikilsvert starf í þágu þeirra. Margt bar á góma, meðal annars þessar línur:

Við erum í húsi 

óminnishegrans, 

sem eirir hér engu, 

en er nokkuð fegra

en spjall, orðuð spurn

allt til spakmæla snjallra, 

sem lifnuðu og dóu?

Þetta´er leið okkar allra. 

 

Við erum í húsi 

elliglapa

en ætlum að þrauka

og tilveru skapa, 

njótandi undurs, 

umhyggju´og blíðu

og sagnasjóðs lífshlaupa´

í sælu og stríðu.