Lítt skiljanlegar fréttir af gaga heilbrigðismálum.

Í dag má sjá minnst þrjár lítt skiljanlegar fréttir af heilbrigðismálum okkar Íslendinga. 

Af viðtengdri frétt er það að skilja að Krabbameinsfélagið ætli að hætta við að veita Landsspítalanum 450 milljón króna fjárframlag vegna þess að sú fjárveiting muni ekki rata á þann stað sem henni er ætlað, heldur hverfa inni í kerfinum. 

Önnur lítt skiljanleg frétt er af manninum sem er haldið inni árum saman á geðsjúkrahúsi við aðstæður, sem séu gersamlega óboðlegar, af því að heilbrigðiskerfið eigi enga úrlausn til fyrir þennan sjúkling sinn. 

Ekki er að heyra að skoðað hafi verið hvort eða hvernig nágrannaþjóðir okkar leysa hliðstæð vandamál, heldur velkist þetta mál árum saman í okkar glataða kerfi. 

Upplýst er að mönnun á bráðadeild Landsspítalans sé komin niður fyrir það sem gerist í verkfall, slíkt sé brottfall starfsfólks sem hrekst frá aðstæðum sem eru óforsvaranlegt ástand og hafi í raun verið í áraraðir vegna örtraðar af fólki, sem jafnvel þarf að bíða eftir afgreiðslu í allt að hálfan sólarhring. 

Boð um 450 milljónir dregið til baka

GM lagði Þjóðverjum lið og Ford Rússum fram yfir 1940.

Viðskipti og "bísniss" eiga sér oft skringilegar leiðir í gegnum og þvert á víglínur og bandalög. 

Þannig var það í báðum Heimsstyrjöldunum. 

Bandarísk fyrirtæki höfðu fjárfest í þýskum í báðum styrjöldunum, og í þeirri seinni má nefna Opel bílaverkmsiðjurnar sem dæmi. 

Þar var ekki bara um venjulega fólksbíla að ræða, heldur líka vörubíla, svo sem af gerðinni Opel Blitz, sem gat verið fjórhjóladrifinn og komið í góðar þarfir í "Blitz krieg" Hitlers. 

General Motors hætti þessu ekki að fullu fyrr en seint árið 1943. 

Henry Ford var lengi grunaður um græsku varðandi jákvæð viðhorf til evrópsku einræðisherrana og átti við þá ýmis samskipti fyrir strið, einkum Rússana.  

Gott dæmi um það, af því að við Íslendingar könnumst við fyrirbrigðið, er drifbúnaður fólksbíla og þó einkum jeppa og vörubíla. 

Öxlarnir eða "hásingarnar" á Rússajeppunum sjást langar leiðir að, en þær eru fengnar frá Ford T og Ford A og hengu rússnesku kommarnir á þeim langt fram eftir öldinni. 

Ford sneri hressilega við blaðinu þegar Japanir réðust á Pearl Harbour og verikmiðjur hans unnu fágætt afreki i framleiðslu hergagna, einkum B-24 Liberator sprengjuflugvélanna. 

Fyrstu stóra sprengjuflugvélarnar, sem Sovétmenn smiðuðu og gátu borið kjarnorkusprengjur voru nákvæmar eftirlíkingar af Boeing B-29 Superfortress, en Bandaríkjamenn skildu slíkar vélar eftir á sovésku yfirráðasvæði undir lok stríðsins og leyfðu Rússum að nýta sér þær. 

Þegar Sovétmenn smíðuðu fyrstu kjarnorkusprengjur sínar voru þessar bandarísk/sovésku vélar því tilbúnar í slaginn til að varpa kjarnorkusprengjum á Vesturlönd!

Í Úkraínustríðinu núna liggja viðskiptalegir þræðir víða eins og dæmin sýna varðandi MiG 21 þoturnar sovésku, sem þykja hentugastar fyrir NATO þjóðina Pólverja til að berjast við Rússa ef til kæmi! 

 

GM lagði Þjóðverjum lið og Ford Rússum fram yfir 1940.

Viðskipti og "bísniss" eiga sér oft skringilegar leiðir í gegnum og þvert á víglínur og bandalög. 

Þannig var það í báðum Heimsstyrjöldunum. 

Bandarísk fyrirtæki höfðu fjárfest í þýskum í báðum styrjöldunum, og í þeirri seinni má nefna Opel bílaverkmsiðjurnar sem dæmi. 

Þar var ekki bara um venjulega fólksbíla að ræða, heldur líka vörubíla, svo sem af gerðinni Opel Blitz, sem gat verið fjórhjóladrifinn og komið í g´ðar þarfir í "Blitz krieg" Hitlers. 

General Motors hætti þessu ekki að fullu fyrr en seint árið 1943. 

Henry Ford var lengi grunaður um græsku varðandi jákvæð viðhorf til evrópsku einræðisherrana og átti við þá ýmis samskipti.  

Gott dæmi um það, af því að við Íslendingar könnumst við fyrirbrigðið, er drifbúnaður fólksbíla og þó einkum jeppa og vörubíla. 

Öxlarnir eða "hásingarnar" á Rússajeppunum sjást langar leiðir að, en þær eru fengnar frá Ford T og Ford A og hengu rússnesku kommarnir á þeim langt fram eftir öldinni. 

Fyrsta stóra sprengjuflugvélarnar, sem Sovétmenn smiðuðu og gátu borið kjarnorkusprengjur voru nákvæmar eftirlíkingar af Boeing B-29 Superfortress, en Bandaríkjamenn skildu slíkar vélar eftir á sovésku yfirráðasvæði undir lok stríðsins. 

Þegar Sovétmenn smíðuðu fyrstu kjarnorkusprengjur sínar voru þessar bandarísk/sovésku vélar því tilbúnar í slaginn með að varpa bombum á Vesturlönd! 

 

Ömurlegt að Evrópa fjármagni stríðsrekstur Pútíns

Hægt að tala um "Messi-afbrigðið" af kórónuveirunni?

Lýsing Messi á einkennum kórónuveirunnar hljómar kunnuglega í eyrum þess, sem fengið hefur svipaða útgáfu af þessum fjanda í aprílbyrjun. 

Einkennin voru ansi snörp í byrjun með stóru verkjakasti sem þungamiðju, og voru verkirnir það miklir og í öllum líkamshlutum einn daginn, að hvorki var hægt að standa kyrr, liggja eða sitja, sofa eða vaka. 

En þetta ástand stóð tiltölulega stutt og við tók að veiran komst í lungun líkt og hjá Messi, og í kjölfar lungnabólgu sem nýtti sér áratuga gamla berkjubólgu, fylgdi viðeigandi lyfjameðferð og ströng fyrirmæli læknis um að leggja alveg af reglulegt vikulegt kapphlaup mitt á 30 sekúndum upp fjórar hæðir með skeiðklukkumælingu sem stundað hefur verið síðan 1960 til að viðhalda sæmilegu þreki, krafti og snerpu. 

Engan æsing, sagði læknirinn, vinna í hagum bata og taka nokkrar vikur í að forðast slíkt. 

Þegar blóðeitrun í hæl og ökkla fylgdi ótugtinni var enn meiri ástæða til að fara sér hægt. 

Nú hefur Messi lýst sínu afbrigði þannig, að hugsanlega verður hægt að tala um "Messi-afbrigðið af veirunni" og fara í einu og öllu eftir skipunum læknis varðandi það að vinna í hægum bata, nokkuð sem Messi klikkaði á og gerði bara illt verra.  

Messi gat ekki hlaupið í margar vikur