Þetta gerist ekki á Íslandi.

ESB hefur nú krafist þess af Alcoa að fyrirtækið endurgreiði Ítölum niðurgreiðslur á rafmagni til álvera fyrirtækisins þar í landi.

Íslendingar eru ekki í ESB og þess vegna ætti varla að vera hætta á því að ESB muni krefjast þess af Alcoa greiði til baka ívilnanir sem fengist hafa hjá Íslendingum í formi niðurfellinga eða afsláttar á margs konar gjöldum. 

Sennilega er enn ólíklegra að ESB fari að krukka í raforkuverðið til Acoa, því að það er sem kunnugt er viðskiptaleyndarmál.

Hvort aðild okkar að EES skiptir hér einhverju máli veit ég ekki. En málið er athyglisvert, sýnist mér.  

Biður Alcoa að loka ekki

Athugasemdir

[Gunnar Th. Gunnarsson, 30.1.2010 kl. 00:07]

EES bannar niðurgreiðslur af þessu tagi, á grundvelli mismununar. Þetta er ekki vandamál hér, einfaldlega vegna þess að rafmagnið er ekki niðurgreitt til álvera.

Hins vegar gætu frekari niðurgreiðslur til garðyrkjubænda, sem eru nú þegar þó nokkrar, orðið álitamál gagnvart ESB, vegna reglna sambandsins sem við höfum þegar innleitt með EES.

[Haukur Kristinsson (IP-tala skráð) 30.1.2010 kl. 01:06]

Gunnar Th. segir að rafmagnið sé ekki niðurgreitt til ávera. Hann hlýtur því að vita raforkuverðið. Gunnar, viltu gjöra svo vel og sega okkur hvað verðið sé?

[Gunnar Th. Gunnarsson, 30.1.2010 kl. 01:10]

Ef rafmagnið væri niðurgreitt til álvera, þá væru sömu vandamál hér og á Ítalíu

[Smjerjarmur, 30.1.2010 kl. 02:12]

Það er greinilegt að ítalir vita ekki að álverin eru ekki þjóðhagslega hagkvæm.  Þetta fólk er ekki að lesa alla spekina ofan af Íslandi. 

[Gunnar Th. Gunnarsson, 30.1.2010 kl. 04:09]

Álverin virðast a.m.k. nógu þjóðhagslega hagkvæm til að forsætisráðherra 50 miljón manna þjóðfélags sér ástæðu til að biðja þau sérstaklega um að vera.

[Björn Emilsson, 30.1.2010 kl. 06:48]

Tími til kominn að loka öllum álverum á Islandi og nota orkuna til hagsældar islendinga.

[Hjalti Finnsson (IP-tala skráð) 30.1.2010 kl. 09:12]

Niðurgreitt og ekki niðurgreitt, þetta er náttúrulega leikur að orðum. Meðan fórnarkostnaður íslenskrar náttúru hefur ekki verið tekinn með í reikninginn við uppbyggingu virkjana, og engin teikn eru á lofti um að það standi til að gera það, þá veit enginn raunverulegt rafmagnsverð á Íslandi. Mín skoðun er sú að meðan þessi fórnarkostnaður er ekki tekinn með í reikninginn þá sé allt rafmagn á Íslandi NIÐURGREITT AF KOMANDI KYNSLÓÐUM.

Hvað varðar að nota orkuna til hagsældar Íslendinga, þá er enginn vafi á því að orkusala til stóriðju á íslandi hefur staðið undir hluta af hagsæld Íslendinga, að minnsta kosti tímabundinni hagsæld núverandi kynslóða.

[Rafn Haraldur Sigurðsson (IP-tala skráð) 30.1.2010 kl. 09:29]

Hvað meinar Björn með Hagsældar? Ég veit ekki betur en að flest öll fyrirtæki séu við það að fara á kúpuna eða þá að bankarnir séu búnir að taka þau yfir og reki þau.

Ekki heyri ég þetta með álverin. sem veita þúsundum manna vinnu. Getur einhver sagt mér hvað það sé sem er svo agalegt við ál?

Ef einhver getur það þá ætti sá sami að upplýsa það að hann noti alls ekki ál sjálfur. T. d. að hann ferðist ekki með flugvélum, sjóði ekki matinn sinn í álpottum, keyri ekki bíla þar sem ekkert ál er í. Taki ekki bensín eða olíu á bílinn sinn úr dælu þar sem enginn hluti hennar er úr áli. Hann sá sami hlýtur þá að ausa olíunni úr stáltank með fötu því sú dæla er ekki til.

Hvort sem fólki líkar betur eða verr, þá er samfélagið eitt stórt ál samfélag. 

Álverin hafa getað samið við stjórnvöld um ódýra orku þar sem þeir eru stórir kúnnar og ef mig misminnir ekki, þá fylgir verðið á orkunni til þeirra ál verði í heiminum, sem hefur verið að hækka undanfarið. Við skulum bara vona að það haldist hátt.

kveðja.

[Jón Logi (IP-tala skráð) 30.1.2010 kl. 10:13]

Tja, garðyrkjubændur borga hærra en þéttbýliskjarnar, dreifbýlisbúar hærra en þéttbýlisbúar, þéttbýlisbúar hærra en Alcoa, og verðið er á huldu. Það var þó verið að vonast til að ná því nálægt krónu í Helguvík, þannig að vart er hitt hærra. Og verð fer hækkandi, og til að taka allan vafa af, þá borga dreifbýlisbúar fyrir dreifinguna eina og sér.

Hver er þá að "niðurgreiða" hvað oní hvern?

[Gunnar (IP-tala skráð) 30.1.2010 kl. 14:34]

Rafn, saving iceland vefsíðan er ágætur staður til að byrja: http://savingiceland.puscii.nl/?language=is

þessi grein hérna er mjög góð og fjallar um tengsl áliðnarins og þjóðarmorða: http://savingiceland.puscii.nl/?p=602&language=en

Ég hvet sem flesta til að skoða málið vel, þetta er met iðnaður þegar kemur af ofbeldi gagnvart mönnum, dýrum og náttúru.

[Gunnar Th. Gunnarsson, 30.1.2010 kl. 15:06]

Þetta er óttalega barnalegt og þreytt, nafni.

[Ólafur Þórðarson, 30.1.2010 kl. 18:42]

Niðurgreitt verð er þegar ríkið er sérstaklega að slá af einhverjum fyrirfram ákveðnum taxta. Rafmagnsverð til álvera er á sér samningum, enda er það forsenda til þess að þau borgi sig fyrir álrisana og verksmiðjurnar sem deila atvinnu og skattfé í byggðarlögin. Og augljósleg forsenda þess að vatnsaflsvirkjanirnar á annað borð borgi sig.

Þegar álverið hefur starfað í einhverja áratugi standa virkjanirnar eftir sem eign Íslendinga eftir niðurgreiðslu lánanna og þá fyrst er hægt að tala um að loka þeirri peningaveitu (álverunum) sem gera virkjanirnar mögulegar. Efast svosem um að það verði peningalega séð skynsamleg ávörðun þegar að því kemur.  En maður á ekki spákúlu og framtíðin er oft óljós.

En í millitíðinni skulum við vona að virkjanirnar verði ekki einkavæddar. Það væri stórslys.

Í miðju atvinnuleysi, kreppu og fyrirsjáanlegum niðurskurði í þjóðfélaginu þykir manni undarlegt að menn heimti lokun verksmiðja. Það er eins og að vilja skjóta Ísland í fæturnar.

[Björn Emilsson, 30.1.2010 kl. 22:23]

Það voru hátt í 50 álver hér í minni sveit. Ölum nema einu hefur verið lokað. Framleiða menn þó flugvélar hér um slóðir, fleiri en annarsstaðar. Vert er að líta til akureyringa og þeirra áforma um trefja framleiðslu sem einmitt kemur til með og er að leysa álið af hólmi. Tómatarækt gæfi sennilega tifalt meira af sér í þjóðarbúið, en reykspúandi mengandi álver. Næg þörf er fyrir rafmagnið, eins og til gagnavera og annarra nýmæla. Að maður tali nú ekki um blessaðan lítilmagann, sem vel mætti við því að fá ódyrt rafmagn sér til viðurværis og vinnuskapandi verkefna.

[Björn Emilsson, 30.1.2010 kl. 22:38]

Eg áði á bensínstoð í smáþorpi nær landamærum Kanada. Sólin skein í heiði. Menn nutu tilverunnar yfir kaffibolla utandyra. Eldri maður yrðir a mig og spyr hverra manna ég sé og hvert ferðinni er heitið. Ja, þú ert islendingur hveður hann. og heldur afram; vinur minn, sagði hann, er nýbuinn að reisa álverksmiðju á Islandi. Sagði það ábatavænt, þar sem rafmagnið væri svo ódyrt. Eg verð að segja eins og er, að þetta særði þjóðarstolt mitt.

Nb Þó Alcoa hafi byggt álverið fyrir austan og reki það, er ekki þar með sagt að þeir eigi það.

[Ólafur Þórðarson, 30.1.2010 kl. 22:39]

Það verður tíminn að leiða í ljós hvort trefjaframleiðsla leysi álið af hólmi. Ég hugsa að þessi staðhæfing sé mikið ýkt von og að trefjaframleiðsla sé bara viðbót á þá flóru framleiddra efna sem bjóðast okkur mannskepnunum. 

Hefur Björn reiknað út hvað tómataframleiðsla er lengi að borga upp eina virkjun? Því þannig er það gert þegar stefnt er að því að byggja álver að menn reikna hvað iðnaðurinn er lengi að borga lánin sem tekin eru fyrir virkjununum.

Þegar búið er að borga fjárfestinguna, þá má huga að lítilmagnanum. Vonandi verður allt draslið ekki einkavætt í millitíðinni. 

[Rafn Haraldur Sigurðsson (IP-tala skráð) 31.1.2010 kl. 09:32]

Þegar að Björn áði á bensínstöð í Kanada og dældi bensíni á bílinn, þá var dælustúturinn úr áli sem og aðrir partar sem bensínið rann í gegnum.  Björn hefði átt að vera stoltur og segja 

,, Við getum framleitt ál á Íslandi með grænni orku, þ.e. fallvötnunum, við þurfum ekki að brenna kolum til þess eins og víða annarsstaðar í evrópu og Bandaríkjunum." Svo hefði hann geta sagt í framhaldi.

,, Þegar þeir í álverinu á Íslandi fara í mat, þá borða þeir fjallalamb úr hreinni íslenskri náttúru, með tómötum og gúrkum sem framleiddar eru með hreinu orkunni sem finnst á Íslandi, hitanum úr iðrum jarðar og raforkunni, og svo skal ég segja ykkur annað herrar mínir, að við erum líka stærstu bananaútflytjendur í Evrópu , og þar hafið þið það!"

Koltrefjar munu ekki í bráð allavega leysa álið af hólmi. Þær munu vera viðbót. 

kveðja

[Jón Logi (IP-tala skráð) 31.1.2010 kl. 09:42]

Muni ég rétt endar mestallt framleitt ál á haugunum í dósaformi. Og sé það rétt reiknað er magnið meira en það sem er í öllum flugflota heimsins,- árlega.  Það er því bráðnauðsynlegt að rafmagnið sé það ódýrt að hægt sé að halda þessu áfram.

[Rafn Haraldur Sigurðsson (IP-tala skráð) 31.1.2010 kl. 09:50]

Öfugt við flest allt annað þá tapar álið ekki eiginleikum sínum við endurvinnslu. Það er mjög auðvelt að endurvinna það.

kveðja.

[Gunnar Th. Gunnarsson, 31.1.2010 kl. 12:30]

Jón Logi, í flestum löndum Evrópu er 80-90% áldósa endurunnar (um 90% á Íslandi). Í Bandaríkjunum er hlutfallið minna, eða um 50%. Hlutfallið þar hefur þó aukist hratt á undanförnum árum því fyrir nokkrum árum síðan var endurvinnsluhlutfallið aðeins 25%.

Enginn málmur, (reyndar ekkert efni) er endurunnið í jafn miklum mæli og álið. Um 80% alls áls sem framleitt hefur verið í heiminum frá upphafi, er enn í notkunn.