Bráðnunin virðist fara minnkandi.

Í gærkvöldi gafst mjög gott tækifæri til að skoða eldstöðina í skálinni á tindi Eyjafjallajökuls. Þegar gosið datt nær alveg niður eins og sést á myndum í bloggpistli á undan þessum,  virtist eldstöðin hafa einangrað sig talsvert frá ísnum í skálinni, sem er þakinn ösku.

Eftir sem áður koma gufustrókar upp sem eru væntanlega bráðinn ís en þess í milli brjótast kolsvartir öskustrókar upp í gegnum gufuna. 

Í gærkvöldi tókst að ná kvikmyndum af mekkinum við mjög góð skilyrði, þar sem hann er þrílitur eins og fáni, hvítur, svartur og brúnn. 

Því miður hafði kvikmyndatakan forgang svo að fáar ljósmyndir fengu að verða til, en kannski eiga þessar kvikmyndir eftir að sjást á skjánum í kvöld. 

10-15% af ísnum hefur bráðnað

Athugasemdir

[Guðjón Sigþór Jensson, 18.4.2010 kl. 12:04]

Allir hlakka til að sjá árangurinn. Þetta verða örugglega flottar myndir!

Mosi

[krumminn, 18.4.2010 kl. 23:01]

Sæll Ómar, um leið og ég þakka allt gamalt og gott þá vil ég segja við þig.

Myndirnar sem voru í fréttum sjónvarpsins í kvöld voru frábærar eins og flestar myndir sem þú sendir frá þér.

En ég saknaði þess að heyra ekki í þér sjálfum lýsa aðstæðum, því það sko kemst engin nærri þér í lýsingu á svona hamförum.

Vona bara að þú fáir inni hjá Sjónvarpinu með bæði myndir og frásögn.

Kærar kveðjur frá gömlu Húsavík.

Björn Sig.