Svipað fyrirbæri og spillingarkönnunin ?

Það er vafalaust rétt að á Norðurlöndum sé hvað mest lýðræði í heiminum. Svipað á áreiðanlega við um spillingu. Því miður var það svo að Ísland var sett efst á blað hvað litla spillingu snerti einmitt þegar hún var einna mest hér.

Huga má að því hvort allar tegundir lýðræðis séu hér svo ágætar að við eigum skilið að vera í næstefsta sæti.

Þegar vélað er um varðveislu náttúruverðmæta og ákveðið, eins og hér hefur verið gert og er enn verið að gera, að valda að ásettu ráði einhverjum stórfelldustu óafturkræfu umhverfisspjöllum, sem hægt er að framkvæma, er yfirgnæfandi meirihluti þeirra, sem það snertir, ófæddur. 

Í löggjöf hinna Norðurlandanna eru stjórnarskrárákvæði sem tryggja auknar kröfur til málsmeðferðar þegar svona stendur á. 

Ekkert slíkt ákvæði er í íslenskri stjórnarskrá, ákvæði sem snertir jafnrétti kynslóðanna og lýðræði, sem reiknar með kjósendum framtíðarinnar. 

Ég efast um að hin erlenda könnun, sem nú er vitnað til, um lýðræði og jafnrétti, taki þetta með í reikninginn. Ákvæði af þessu tagi eru meira að segja í stjórnarskrám þeirra Austur-Evrópulanda, sem hafa tekið helstu ákvæði Evrópuréttar upp í lög sín. 

Þetta voru mestu umhverfissóðar álfunnar á meðan kommúniskt alræði ríkti þar og hafa nú skotið okkur ref fyrir rass í þessu tilliti. 

Lýðræðið mest á Norðurlöndum

Athugasemdir

[Vendetta, 21.12.2010 kl. 11:25]

Þessi könnun hefur ekkert með lýðræði að gera, eins og má ráða af þessum fimm þáttum. Þegar raunverulegt lýðræði er mælt, er alls ekki nóg að líta einungis til framkvæmda kosninga og þingræðis. Það hefur sáralítið með lýðræði að gera. Lýðræði þýðir að allir þegnar lands hafi raunveruleg áhrif á stjórnsýslu landsins og eigin hag jafnt. Lýðræði þekkist ekki á Íslandi og ætti að fá einkunnina 0.1 að mínu mati. Svona ætti listinn að líta út:

• 1. Sviss: 10
• 2. San Marino: 10
• 3. Noregur: 9.8
• 4. Danmörk: 9.6
• 5.-160.: (Önnur lönd)
• 161. Zimbabwe: 0.2
• 162. Ísland: 0.1 
• 163. Burma: 0.09
• 164. Uzbekistan: 0.08
• 165. Turkmenistan: 0.07
• 166. Chad: 0.06
• 167. Norður-Kórea: 0.00

[Vendetta, 21.12.2010 kl. 11:43]

Það er ekki opinn aðgangur að skýrslunni á vef eiu.com (sem er mjög ólýðræðislegt), en það væri gaman að vita hversu ofarlega Kína er á listanum. Í mínum huga ætti það ríki að vera á botni listans ásamt Norður-Kóreu. Það er sáralítill munur á þeim tveim ríkjum hvað varðar lýðræði.

[Ómar Ragnarsson, 21.12.2010 kl. 21:20]

Það er þó talsverður munur á þeim tveimur ríkjum hvað varðar alræði. Skímu leggur inn í Kína en algert svartnætti er í Norður-Kóreu.

[Bjarne Örn Hansen (IP-tala skráð) 22.12.2010 kl. 23:46]

Þið ættuð fyrst að fara þangað og dvelja þar, áður en þið farið að tala út um þessa hluti.  Að því loknu verðið þið að "skilgreina" lýðræði, og hvað það er sem á að nást með slíku.  Þegar slíkt er komið, getið þið gert samanburð.

TIl dæmis að segja að "lýðræði" sé möguleiki á að fara og "kjósa" fulltrúa til þings, er ekki nægilegt.  Veldi eins og Kína og Sovétríkin áður, hafa óbeinar kosningar.  Það er einn flokkur leifður, og innan hans má kjósa fulltrúa. Takið viðmiðun við Ísland.  Þar eru flokkar, og innan flokkana er svo kosið hverjur eru í forsæti ... sama skipulag.  Fólkið velur síðan flokkana, sem geta eftir eigin geðþótta varið á þverbóg við "vilja" almennings, því að almenningur "kýs" ekki "málefnið" beint, heldur flokka.  Hver flokkur er "ekki" bundinn við "málefnið" sem það kynnir til kosninga.

Farið sjálfir til Kína, dveljið þar ... og ef þið getið haldið því fram á eftir, að fólk á Íslandi getið gengið að yfirvöldum á sama máta, og rifið stólpa kjaft við sína fulltrúa.  Þá eruð þið "vísvitandi" að ljúga.   Kína býr við 1.3 miljarða manna, og erfiðleika sem Íslendingar hafa ekki snefil af skilningi á ... á þessu strjálbýla Íslandi, sem á ekki að vera mikið vandamál að halda lýðræði.  Gengur fólk um og "gargar gas gas gas" á handfylli mótmælenda.  Ef þessir kauðar sem sprauta gasi á þessar örfáu hræður, hefðu skriðdreka og stórskotalið, þá myndu þeir beita því ... svo ég tala ekki um, hvað þessi óþverralýður væri fær um að gera, ef þær stæðu frammi fyrir álíka miklum mannfjölda og í Kína.

Nei, skammist ykkar piltar ... og reynið að læra eitthvað af viti.

[Vendetta, 23.12.2010 kl. 02:43]

Athugasemd þín, Bjarne er alls ekki í mótsögn við það sem ég skrifaði. Að ég held.

[Teitur Haraldsson, 24.12.2010 kl. 01:50]

Er Bjarni að réttlæta kommúnisma stjórnarfar?

Ertu að réttlæta mannréttindabrot Kína.
Og ég get ekki séð betur en þú ert að tala um N-Kóreu líka.
Ertu brjálaður eða v-grænn?