Munaði einu marki !

Ó, það munaði bara einu marki!  Annað hvort öðru markinu í óþörfum tapleik gegn Hvít-Rússum eða markinu sem lá svo hvað eftir annað í loftinu í þessum frábæra leik U21 landsliðs okkar sem gerði það að verkum að við getum verið stolt af þessu liði.

Ekki var verra að gera erkifjendunum Dönum þann grikk að fella þá út með okkur og það á heimavelli Dana.  

Og síðan er á það að líta að það var gríðarlega mikilvægur áfangi fyrir okkur sem knattspyrnuþjóð að fá í fyrsta sinn landslið, sem hefur að baki reynslu af því að komast áfram fyrst allra knattspyrnulandsliða okkar í úrslit í stórmóti. http://omarragnarsson.blog.is/admin/blog/?entry_id=1174675

Það á vonandi eftir að nýtast í því liði fullorðinna sem gekk í gegnum sína eldskírn á þessu móti og tekur við kyndlinum. 

Og ekki síður er það mikilvægt að nú sér uppvaxandi kynslóð að þetta er hægt. 

Og rúsínan í pylsuendanum: Við skelltum ekki aðeins Dönum, heldur komum þeim niður í neðsta sætið í riðlinum. Það var sætt. 

Ó, þetta var svo skemmtilegur leikur að maður var alveg að verða brjálaður heima í stofu. 

Takk, takk, strákar !  Við getum verið stolt af ykkur.

Dönum skellt

Athugasemdir

[Gunnar Th. Gunnarsson, 18.6.2011 kl. 21:09]

Frábær skemmtun

[Sverrir Bjarna (IP-tala skráð) 18.6.2011 kl. 21:49]

Það væri fínt að hafa Eyjólf uppi í stúku.

[Birgir Birgisson (IP-tala skráð) 19.6.2011 kl. 09:45]

Hárrétt, Ómar!  Frábær leikur, sem maður hreinlega þurfti að jafna sig svolítið á þegar allt var yfirstaðið.

Líst þér ekki vel á, sem fyrrverandi íþróttafréttamanni sem örugglega man tímana tvenna í þessu brölti landsliðanna, að nú verði 14-2 grýlan endanlega kveðin niður. 

Hún verði hreinleg grafin við kapelluna í Kapelluhrauninu, jafnvel með lúðrablæstri og fána í hálfa stöng, við heimkomu drengjanna?