Samgleðjumst Eiði Smára.

Eiður Smári Guðjohnsen hefur undanfarin misseri glímt við erfiðasta hluta ferils hvers íþróttamanns, sem koma óhjákvæmilega eftir að líkamlegu hámarki hefur verið náð.

Þess vegna er ástæða til að samgleðjast honum með það að hafa nú komist á skrið, að minnsta kosti í bili og fengið að njóta smá heppni í stað óheppni, sem hefur elt hann síðustu árin. 

Gallinn við það að ná hæstu hæðum í íþróttum, eins og knattspyrnumaður gerir með því að safna að sér helstu glæsititlum þeirrar íþróttar þegar hann er í hámarki líkamlegrar getu, er sá að eftir það liggur leiðin óhjákvæmilega niður á við. 

Það er kalt á toppnum og reynir oft meira á manninn á leið niður af honum en á leiðinni upp á hann. 

Eiður Smári er greinilega ekki af baki dottinn og er það vel. 

Eiður fer á fornar slóðir í Evrópudeildinni

Athugasemdir

[Guðmundur Júlíusson, 26.8.2011 kl. 19:55]

Já,  got hjá honum, en  Ómar, þetta  átti  ekki  að vera víti, reynsla Eiðs kom honum þetta langt og skapaði liði hans framhaldslífi í Meistaradeildinni, en þeir  munu  ekki komast langt þar.

[Steingrímur Helgason, 26.8.2011 kl. 21:56]

Guðmundur, ef þú hefur ekkert jákvætt að zegja, er oft betra að fá zér vatnzzopa í ztaðinn fyrir að málgazt dona...

[Guðmundur Júlíusson, 26.8.2011 kl. 23:11]

Steingrímur, hvernig væri að læra rétta íslenka stafsetningu áður en að menn tjá sig hér!!