Skemmtilegt nýyrði: "Bifreður".

Ef marka má tengda frétt á mbl.is um skilti með áletruninni "bifreðastöður bannaðar" mætti halda að margir feður ættu í vandræðum með sig þegar þeir eiga erindi í leikskólann á sama tíma og íðilfagrar og kynþokkafullar mæður.

Til þess að orða varnaðarorð smekklega varðandi þetta hefur verið fundið upp hið dásamlega nýyrði "bifreður" og það nýyrði tengt við orðið "stöður" sem er skylt orðinu að standa. Er fyrri hluta orðsins "bifreður" raunar ofaukið, því að þeir reðir standa aðeins sem geta bifast og myndi því nægja að segja "reðastöður bannaðar."

Til að íklæða þessa óvenjulega hugulsömu aðvörun í enn huggulegri og þjóðlegri búning mætti orða hana á stærra skilti, þar sem bannið og hugleiðingar varðandi það væru settar inn í ferskeytlur, svohljóðandi:   

Róa þarf nú margan mann.  

ef magnast lostinn skæður

við leikskólann ef lítur hann

lendafagrar mæður  

                                                     

                                  Flest í heimi harðna fer.

                                  Hressir lenda´í vanda.

                                  Að reðar bifist bannað er, -

                                  og bannað líka að standa.

Bönnin hryggja marga mey

og möguleika skerða: 

Ef besefanir bifast ei

börnin engin verða.

Bifreðastöður bannaðar

Athugasemdir

[Gunnar Th. Gunnarsson, 4.7.2012 kl. 18:02]

[Heimir Tómasson, 5.7.2012 kl. 09:26]

Góður :-)

[Jón Logi (IP-tala skráð) 5.7.2012 kl. 11:16]

Þetta er náttúrulega eitthvað sem a.m.k. bifar hláturtaugum, hehe.

[Björn Jónsson, 5.7.2012 kl. 16:05]

Þið kumpánar, þú og Stormskerið kunnið á því lagið.