"Sporin eftir Árna Björn..."

Þyrluflugmenn fara í vörn.

Furðuslóð þeir rekja.  

Sporin eftir Árna Björn

ofsahræðslu vekja. 

                    Til að þjóðin fái frið

                    er fræknum þangað snúið.  

                    Landsins vaska varnarlið

                    vopnum skæðum búið.     

 Munda byssur, brýna tól,

 Bræðin þungt nú vegur 

 því Árni Björn er ferlegt fól

 og feikna hættulegur.

                  Vafasamt þó verður stríð

                  og varla mikill fengur,

                  því að birna, blíð og fríð

                  með birninum þar gengur.

Gandreið þyrlu er geysi djörf,                  

en gaman fer að kárna,

ef að granda gerist þörf 

Gunnhildi og Árna.

                  Leitað var þar lon og don

                  með lyktum afar skýrum:

                  Hjón, sem áttu einskis von,

                  urðu að vilidýrum.

Ég heiti á landsins vætta vörn

gegn víli og hugarmæðu

þegar verður Valtýr Björn

að villidýri skæðu.

                   

Líklega ekki ísbjörn heldur Árni Björn

Athugasemdir

[Jón Logi (IP-tala skráð) 10.7.2012 kl. 12:12]

Það er ekki öllum gefið að kveða svona ;)

Árni er reyndar augnlæknirinn minn, og er sögugrúskari mikill.

[Þorsteinn Briem, 10.7.2012 kl. 13:41]

Logi hér í typpið togar,
týndi viti en ástin logar,
kúa elskar ratinn rassa,
raufar þeirra smell þær passa.

[Anna Sigríður Guðmundsdóttir, 10.7.2012 kl. 13:46]

Flott hjá þér Ómar minn. Það skarast víst allar reglur og lög á skerinu bláa. Og ekki þurfum við að óttast augnlækninn og frú.

M.b.kv.

[Jón Logi (IP-tala skráð) 10.7.2012 kl. 16:08]

"lon & don" sem urðu að "London" er reyndar í limrubók Þorsteins Valdimarssonar.