Allt að 20 stiga hiti í norðaustanáttinni á Vestfjarðakjálkanum?

Þau hafa verið einkennileg veðurspákortin í sumar. Þegar spáð hefur verið austan- eða norðaustanátt hafa skinið hitatölur  upp undir 20 stig á Vestfjarðakjálkanum, og enn er svipað uppi á teningnum í upphafi þriggja daga rútuferðir norður í Strandasýslu.

Spáð er að vindur snúist til austlægrar og norðaustlægrar áttar á norðanverðu landinu en samt skína tveggja stafa hitatölur hvarvegtna á spákortunum.

Sú var tíðin að norðaustanáttin og jafnvel austlægar áttir ollu því að í slíkri vindátt stóð vindur niður af Langjökli í tiltölulega björtu veðri í Borgarfirði og þegar sólin og hnjúkaþeyrinn hituðu loftið þar upp, dró það kalt loft úr norðri suður með vestanverðum Húnaflóa og suður yfir Holtavörðuheiði og Tvídægru.

Þá var skítkalt á Ströndum og í Hrútafirði í norðangarranum þar, kannski ekki nema nokkur stig.

En svona ástand hefur varla sést í sumar, heldur eru hitatölurnar á Ströndum jafnháar og annars staðar á landinu, þótt hann blási á austan og norðaustan. 

Það verður forvitnilegt að upplifa svona ástand í fyrsta sinn á ferð norður Strandir.

Útlit fyrir framhald á hlýindum