Er 21. öldin eða sú 17.?

Umræðuefnið í viðtali í Sunnudagsblaði Morgunblaðsins um illa anda í smábörnum er þess eðlis, að maður trúir varla sínum eigin augum og spyr:

Er 21. öldin núna eða er sú 17. með hjátrú, hindurvitnum, göldrum, særingum og galdrabrennum að ganga aftur í garð  hjá sumu fólki?

Eða erum við á leið aftur til Afríku fornaldarinnar með sams konar rugl sem átrúnað?

Ég minnist djöfladýrkunar, sem greip margt fólk hér á landi á áttunda áratugnum í umróti hippabyltingarinnar og var að vona að slíkt myndi ekki halda innreið sína hér að nýju.

Illur andi hljóp í börnin

Athugasemdir

[Sævar Óli Helgason, 8.12.2012 kl. 19:07]

Og nú er það spurningin...!?!

Frétta-, og blaðamenn, fjölmiðlar... O.sv.fr... Sem vita af því að börn lifa í þessu umhverfi, og hvar... Beri ekki að tilkynna yfirvöldum um hvar þessi börn eru...?!?

Eða ber að vernda heimildina líka í svona málum...?

[Bjarni Gunnlugur (IP-tala skráð) 8.12.2012 kl. 19:46]

Ertu þá hræddur Ómar við að fordæðuskapurinn og hjátrúin komi aftur vegna þess að hann eigi sér enga stoð og afvegaleiði skynsemina eða er það vegna hins að þú sért smeikur við kuklið og túir þar af leiðandi að einhverju leiti á það?

Ég man nefnilega eftir viðtali viðtali við þig í kvöldgestum þar sem þú lýstir miklum óþægindum sem komu yfir þig, óútskýranleg þar til þú fréttir að einhverjir wúdú kuklarar hefðu verið að stinga brúðu sem átti að tákna þig! (Ég er vissulega sammála því að lítill fengur er af slíku kukli sem öðru)

Hér er að vísu frásögn á blogginu sem gæti næstum verið frá hvaða öld sem er!  http://transheilun.blog.is/blog/transheilun/#entry-1272016    en er frá því í dag á því herrans ári 2012, 8. desember!

[Sveinn (IP-tala skráð) 8.12.2012 kl. 19:57]

Við erum börn 21. aldarinnar Ómar minn. Við vitum ekki allt þrátt fyrir að við höldum það.

[DoctorE (IP-tala skráð) 8.12.2012 kl. 20:55]

Ríkið rekur hér kirkju sem er með svona boðskap, sóar í þetta þúsundum milljóna á ári. Menn lögðust svo lágt að láta kjósa um hvort þessi kirkja ætti að vera í stjórnarskrá.
Hér geta poppað upp hvaða ruglukollahjátrúarsöfnuðir sem er og þeir fá skattleysi og hinar ýmsu ívilnanir.
Á alþingi er verið að tala um að niðurgreiða kukl og rugl
HALLÓ Devolution

[Anna Sigríður Guðmundsdóttir, 9.12.2012 kl. 02:36]

Hvað eru: særingar, hindurvitni og hjátrú?

Hvað er kukl og rugl?

Hver þekkir og veit 100% svörin við þessu öllu?

Finnast ómannlegir "al-vitringar" á þessari jörð, sem telja sig hafa vald og umboð frá almættinu, til að dæma allt og alla aðra en sig sjálfa og sínar eigin rörsýn-skoðanir?

Ég leyfi mér að vona, að þroski nútímafólks sé meiri en svo, að fara að trúa á heimsstýrða glæpa-heilaþvottakerfið mafíu-hvítflibba-mannaða, sem virðist eiga að stjórna heiminum með lygum og áróðri án nokkurra gagnrýnis-varna almennings í framtíðinni.

M.b.kv. 

[Bjarni Gunnlaugur (IP-tala skráð) 9.12.2012 kl. 10:40]

Anna @2:36 spyr "

Hvað eru: særingar, hindurvitni og hjátrú?

Hvað er kukl og rugl?"

 Hér er  dæmi :

http://en.wikipedia.org/wiki/Persecution_of_people_with_albinism

Það er langur vegur (vonandi) frá því að trúa á berdreymi og að ofsækja albínóa og ég er sammála því að á mörkunum geta verið meir en 50 gráir skuggar ;-)

[Ómar Ragnarsson, 9.12.2012 kl. 16:51]

Það er rétt, þetta með það sem gerðist í Vestmannaeyjaferðinni hér um árið. Ég er nefnilega þeirrar skoðunar að til sé andlegur kraftur eða hugarafl, sem megi sín yfirleitt að vísu lítils og flestir verði alls ekki varir við, en geti verið til sem sendistyrkur og móttökustyrkur hjá einstökum einstaklingum.

En það er víðsfjarri frá því sem hið furðulega illra-anda tal í blaðaviðtalinu ber vitni um, þ. e. forneskju og hindurvitnum, sem maður var að vona að heyrði myrkum fyrri öldum til.

[Bjarni Gunnlaugur (IP-tala skráð) 10.12.2012 kl. 09:48]

Það hefði verið gaman að taka þessa umræðu aðeins lengra en líklega er hin veiki umræðuþráður brostinn nú þegar og hugur manna kominn annð ;-)

Gefum okkur t.d. að eins og Ómar segir að  "til sé andlegur kraftur eða hugarafl, sem megi sín yfirleitt að vísu lítils og flestir verði alls ekki varir við"  þá má velta því upp hvort að þessi kraftur eða afl geti verið missterkur eftir tímabilum og eða ástandi í þjóðfélögum.  Stundum er sagt að draugarnir hafi horfið að mestu eftir að rafmagnsljósin komu, þar með gefið í skyn að þeir hafi verið óupplýst ímyndun. Hvað ef þetta er ekki svo.  Hvað ef kuklið þe. fikt manna við handan heima verði til þess að pandórubox sálarlífsins og þessa "einhvers" opnist. Sagði ekki í merkri bók að menn ættu ekki að leita sambands við framliðna. Hvers vegna skyldi það ráð hafa verið gefið?      Líður okkur ekki bara ágætlega með það að vita sem minst í þessum efnum?  Miðlar sem segjast vera í sambandi við andleg öfl segja flestir ef ekki allir að þau geti verið bæði ill og góð. Þegar þeir falla í tarans þá eru þeir að bjóða hús sinnar sálar (líkamann) til tímabundinnar íveru og notkunar annarar sálar, að sögn.  Þá sé mikilvægt að "leigjandinn" sé sómasamlegur.

               Svo ef maður gefur sér nú þetta allt saman með réttu eða röngu, hvað þá ef einhver sem hefur ekki staðið í neinskonar fikti en er "næmur" lendir í því að meintur andi ekki svo góður taki sér bólfestu í viðkomandi?  Við sem viljum hafa Pandóruboxið lokað, andann í flöskunni og tappann fastan í, hvað segjum við ef "fagmaður" kemur og rekur meintann anda aftur "ofan í flöskuna" og viðkomandi "hýsill" verður jafn góður?  Þægilegast er að neita og afneita en hvað ef ..... maður lenti nú í þessu sjálfur?  

Persónulega trúi ég ekki á drauga en mig langar samt ekkert til að mæta þeim í myrkri!

[Bjarni Gunnlaugur (IP-tala skráð) 10.12.2012 kl. 09:54]

ps. það átti að vera trans en ekki tarans. Ætli það búi illur andi í lyklaborðinu, stafir koma og fara óboðnir, svo virðist hann vera studdur af litlum ritvillupúkum, líklega réttast að fara að kalla til "fagmann"!