Óviðunandi vegur efst í Landssveit.

Ég hef tvívegis undanfarnar vikur þurft að aka frá Hrauneyjum niður í Landssveit og undrast hve slæmur malarvegurinn er frá vegamótum austan við Sultartanga og niður að Galtalæk. 

Þetta er einhver allra versti malarvegur landsins, jafnvel verri en þeir verstu á Vestfjörðum, og það í stærsta og fjölmennasta landbúnaðarhéraði landsins þar sem umferð ferðamanna er einna mest á landinu á sumrin.  

Þegar ekið norðan frá til suður inn á veginn er fjótlega lent í fyrstu slysagildrunni, stórum hvörfum og skvompum í veginum sem valda því að bílar fara þar í loftköstum, því að engin aðvörunarskilti eru um það sem framundan er.

Það er lágmarkskrafa að varað sé við svona lúmskum slysagildrum.  

Á stórum köflum á þessum endemis vegarkafla, sem er 26 kílómetra langur, verður að minnka hraðann stórlega til að komast hjá skakkaföllum.

Myndirnar hér á síðunni eru teknar af handahófi á þessari leið.  

Að sögn lögreglunnar á Hvolsvelli verða þarna mörg slys og óhöpp vegna þess hve slæmur vegurinn er, enda er þetta vinsæl leið fyrir þá sem eru á leið inn á hálendisleiðirnar til Landmannalauga, Veiðivatna, í Jökulheima og norður Sprengisand.

Nú er verið að lagfæra lítinn hluta leiðarinnar en það er eins og upp í nös á ketti.  

 

Misstu stjórn á jeppabifreið

Athugasemdir

[Jón Logi (IP-tala skráð) 22.6.2013 kl. 09:44]

Mér skilst að það sé nýbúið að renna yfir þessa vegi, og að færð sé ágæt. Allar ypplýsingar vel þegnar, þar sem maður er spurður að þessu nánast daglega.