Hvílík dýrð, hvílík dásemd !

Þessi eftirlætis upphrópun klerksins í Járnhausnum þeirra Jónasar og Jóns Múla Árnasona kemur upp í hugann eftir ferðalag um norðausturhálendiði, Austurland og Norðurland í gær og í dag.

Hitinn fór yfir 20 stig í dag á þeim slóðum norðan Brúarjökuls, sem farið var á fyrripart dags i gær og á mestallri ferðaleiðinni var veðrir afar "mikið erlendis" eins og Björgvin Halldórsson myndi orða það.

Svona daga koma stundum á sumrin, og sumarið 2004 voru þeir margir.

Þegar maður er staddur í nálægð Vatnajökuls í 660 metra hæð yfir sjávarmáli verður sú staðreynd að hitinn og góðviðrið sé á pari við þæð besta suður í Evrópu einhvern veginn svo miklu ánægjulegri og magnaðri en ella.

Á leið okkar í gær og í dag höfum við fregnað af því að allir gististaðir, veitingastaðir og hvers kyns staðir fyrir þjónustu og menningarstarfsemi hafa verið yfirfullir og margir landar hafa haft á orði að þeim þyki nóg um, þótt gróðinn af ferðamennskunni kitli.    

Hlýjast á hálendinu

Athugasemdir

[Þorsteinn Briem, 21.7.2013 kl. 00:14]

Besta veðrið hér á Íslandi er sem sagt þegar það er "erlendis".

[Þorsteinn Briem, 21.7.2013 kl. 00:18]

Þeim sem finnst besta veðrið hér á Íslandi vera "erlendis" ættu að sjálfsögðu að búa erlendis.

[Halldór Egill Guðnason, 21.7.2013 kl. 02:16]

Af hverju er Steini Briem ekki erlendis?

[Þorsteinn Briem, 21.7.2013 kl. 03:32]

Ég hef búið erlendis ef það skiptir þig einhverju máli, Halldór Egill Guðnason.

[Þorsteinn Briem, 21.7.2013 kl. 03:42]

En þú ert að sjálfsögðu sá fáráðlingur að halda að menn geti ekki birt athugasemdir á íslenskum bloggsíðum og flengt þar Sjálfstæðisflokkinn, ef þeir búa erlendis, Halldór Egill Guðnason.