Enn bakari hengdur fyrir smið.

Engum sem sá heimildarmyndina um árás á saklausa borgara í Bagdad duldist að þar var framinn stríðsglæpur. Og það sem verra var; athugasemdir og hegðun árásarmannanna báru vitni um djúpt virðingarleysi fyrir mannslífum og að þetta var í þeirra augum svipað því og að vera að eyða meindýrum, rétt eins og þegar harðsvíruðustu nasistarnir voru að drepa Gyðinga

Í stað þess að þessir menn væru látnir svara til saka fyrir athæfi sitt, er sá, sem upp kom um glæpina, dæmdur í tvöfalt lengri fangelisvist en verstu glæpamenn hér á landi myndu dæmdir fyrir.

Hér á við hið nístingskalda orðtak að hengja bakara fyrir smið.

Þótt Bandaríkin séu ekki eina ríkið sem telur sig þurfa að taka á trúnaðarbrotum varðandi ríkisleyndarmál, ber allt atferli bandarískrar stjórnvalda í þessu máli þess vitni, að hræða á rækilega alla þá, sem telja nauðsynlegt að upplýsa um harðræði, ofbeldi og glæpi, sem viðgangast í nafni "þjóðarhagsmuna og öryggis".

Það mun einfaldlega hafa þau áhrif, að þeir, sem standa fyrir slíku geti verið öruggari en áður með að ekki komist upp um þá.

Það er ein hinna dapurlegu hliða þess ríkis "stóra bróður", sem Bandaríkin stefna í að verða og skáka þar með jafnvel STASI og KGB í kommúnistaríkjunum sálugu.    

Manning situr inni fyrir Ísland

Athugasemdir

[Gísli Gíslason, 22.8.2013 kl. 10:19]

Vel skrifað og svo satt um dapra framkvæmd réttarríkisins í Bandaríkjunum.

[Jón Logi (IP-tala skráð) 22.8.2013 kl. 10:47]

Maðurinn kom upp um stríðsglæp, og réttarkerfið gerir ekkert í því. Hvað er að?!?!?!

[Þorsteinn Briem, 22.8.2013 kl. 12:01]

Sumir Íslendingar eru undrandi á "réttlæti og óréttlæti" í styrjöldum, sem snúast um að drepa fólk, pynta það, limlesta og nauðga.

En dásama svo í bak og fyrir vopnin sem þar eru notuð.

[Ágúst H Bjarnason, 22.8.2013 kl. 12:46]

Sæll Ómar.

Það er fróðlegur pistill á Fabius Maximus um sama mál sem nefnist:


“You’ve had your debate. There’s no need to write any more.”

Samantekt:
We have moved to the steep downward part of the “S”-shaped slippery slope. Sharks bump their prey repeatedly, testing for a reaction. Once they confirm weakness, the attack begins. Similarly our elites have repeatedly tested us, probing the extent of our passivity. Now that they’re confirmed our weakness, they move more boldly. Strong efforts to seize and drastically punish whistleblowers. Revelations about the NSA’s surveilance programs is met by even bolder actions by the NSA. Today we post yet another call to action. Soon a New America will be born, and reform will become far more difficult.

Meira...

[Sigurður Haraldsson (IP-tala skráð) 23.8.2013 kl. 11:00]

Hvert orð satt.  Bandaríkin eru ekki varðmenn sinnar eigin stjórnarskrár. Þó þeir vitni til hennar í hátíðarræðum hefur framferði þeirra gagnvart fátæku fólki í öðrum löndum verið þeim sjálfum og þeim sem hafa horft á gagnrýnislaust til haborinnar skammar.

[Jósef Smári Ásmundsson, 23.8.2013 kl. 15:23]

En hvaðan er þetta komið að hengja bakara fyrir smið.Var upphafsmanninum eitthvað uppsigað við smiðina?

[Sigurður Antonsson, 23.8.2013 kl. 22:48]

Chelsa Manning er kona, maður á leið í kynskiptiaðferð les maður út úr fréttum. Réttlætiskenndin er ef til vill meiri hjá konu sem orðið hefur vitni af tilgangslausum vígum? Maður hélt að hér væri tölvugúrú á ferð í hermannsklæðum. Bandaríkin eru í enn verri málum þegar Manning hefur skipt um kyn? Hvort honum verður leyft það sem fanga verður tíminn að leiða í ljós.

Chelsa getur átt von á náðun eftir 10 ár. Vel sloppið í Bandaríkjunum þar sem flestir eru í fangelsi að höfðatölu. Bandaríkin hafa sett niður, áður voru kommúnistaríkin verstu böðlarnir. Kína er á leið upp úr hyldýpinu. Bretar voru slæmir og nú hefur komið á daginn að þeir stunda persónunjósnir í meira mæli en nokkru sinni fyrr.