Óþarf nýyrði: "Réttarstörf."

Ég hef aldrei fyrr heyrt annað orðalag um réttirnar en það að það orð nái yfir öll þau störf sem þær byggjast á. "Réttarstörf" er óþörf lenging, svona svipað og að sagt væri um réttasönginn að hann væri "réttasöngstörf". 

Þar að auki eru réttir fleirtöluorð og réttarstörf þvi hæpið orð.

Réttir halda áfram í dag, það er ekki flóknara en það.

Réttarstörf halda áfram í dag

Athugasemdir

[Þorsteinn Briem, 30.8.2013 kl. 15:31]

"Réttarstörf" er engan veginn nýyrði og algengt orð hvað varðar hross og fé.

Hrossarétt á Melgerðismelum:

"Réttað er fyrsta laugardag í október og hefjast réttarstörf klukkan 13."

"Fé verður rekið til Hrútatunguréttar í dag, 28. ágúst, og réttarstörf hefjast þar á morgun, 29. ágúst, klukkan 9."

[Ómar Ragnarsson, 30.8.2013 kl. 17:16]

Gott og vel. Hafði ekki séð eða heyrt þetta áður og pistillinn stutti því kannski óþarfur. Enda réttarstörf í fleiri fréttum svo sem í fréttum af réttarhaldinu í morðmálinu á Egilsstöðum.

[Torfi Kristján Stefánsson, 31.8.2013 kl. 13:12]

Það er auðvitað alveg nóg að segja að réttirnar (eða þær í fyrra dæminu) hefjist klukkan þetta og þetta. Réttar"störf" er auðvitað ofaukin og sýnir að viðkomandi blaðamaður hefur ekki gott vald á málinu, hvað þá að hann þekki til smalamennsku eða "rétta"!

[Þorsteinn Briem, 31.8.2013 kl. 14:47]

Undirritaður bjó í sveit í áratug.

"Karlmenn búast til réttarstarfa."

Göngur og réttir I-IV
Ritstjóri: Bragi Sigurjónsson
Útgáfuár: 1948-

Göngur og réttir I-IV

"Réttarstörfin stóðu þá hæst með háreysti í mönnum og skepnum."

Á ferð
Höfundur: Sr. Ásmundur Gíslason
Útgáfuár: 1946

Á ferð

Réttarstarf - Orðabók Háskólans

[Þorsteinn Briem, 31.8.2013 kl. 15:16]

"Réttarstörf: Sundurdráttur á fé hefst klukkan 9 að morgni 15. september."

"Hvammi 20. ágúst 2013,

Gauti Jónsson fjallskilastjóri"

Gangnaseðill vegna smölunar og rétta í Skrapatungurétt 2013