Vissi hann um Sigurð Þórarinsson?

Fyrir næstum 60 árum spurði nemandi í M.R. Sigurð Þórarinsson menntaskólakennara hvort hómósexúalismi væri ættgengur. "Nei, ekki ef hann er praktiseraður eingöngu" svaraði Sigurður að bragði.

Þetta varð fleygt svar og spurningin er hvort Pútín hefur frétt af þessu þótt seint sé þegar hann dregur ályktanir af svipuðum toga.

„Berlusconi dæmdur vegna kynhneigðar sinnar“

Athugasemdir

[Þorsteinn Briem, 21.9.2013 kl. 17:16]

Pútín er með putta í mörgu,
af píkum hrifinn sá dóni,
og köllunum ítölskum örgu,
ofan á Berlusconi.

[Haukur Kristinsson (IP-tala skráð) 21.9.2013 kl. 20:50]

"Nei, ekki ef hann er praktiseraður eingöngu".

Og þetta varð fleygt svar!

Svarið var útí hött, ef ekki kjánalegt. Hvað átti maðurinn eiginlega við? Var hann að skírskota til "pedophilia" Forngrikkja?

[Halldór Egill Guðnason, 22.9.2013 kl. 01:38]

Sniðugt.

[Bjarni Gunnlaugur (IP-tala skráð) 22.9.2013 kl. 08:46]

Það er nú eftir öðru að þetta hommatal Pútíns fær alla athyglina en ekki skelfileg framistaða hans í Sýrlandsófriðnum.   Þar er honum svona í framhjáhlaupi hrósað (í viðbloggaðri frétt).

Kínverjar og Rússar vita sem er að þeir þurfa hvenær sem er þurft á því að halda að sprengja og skjóta fólk sem ekki er þeim alveg sammála um landamæri viðkomandi ríkja eða bara vill fá að ráða sjálft sínum málum með lýðræðislegum hætti, svo að þeir stöðva alla tilburði Sameinuðu þjóðanna  til að virka eins og þær voru stofnaðar til. Annars gæti skapast fordæmi sem beindist að þeim sjálfum.  

Assad er hleypt allt of langt vegan óbeins stuðnings Rússa og Kínverja þar til að ófriðurinn hefur harðnað og magnast svo að í lítt leysanlegan hnút er komið!

Sameinuðu þjóðirnar eru þar með orðnar gagnslaust pappírsbákn m.a. fyrir tilverknað Pútíns.      Svo falla menn kylliflatir fyrir þessu auma P.S. Pútíns um homma. http://en.wikipedia.org/wiki/Publicity_stunt