Gálgahraun er ekki Gálgahraun og málið dautt ?

Nýjasta útspilið í Gálgahraunsmálinu er það, að vegurinn, sem  nú er byrjað að gera, liggi ekki um Gálgahraun heldur Garðahraun.

Skoðum nú hraunið úr lofti, fyrst neðri myndina, sem hefur áður birst af hrauninu hér á síðunni, og síðar efri myndina af sama hrauni frá öðru sjónarhorni sem sýnir enn betur hið raunverulega eðli málsins. Á þeirri mynd efstu myndinni) er horft yfir hraunið úr norðvestri og byggðin í Garðabæ er efst á myndinni en Prýðishverfi og Álftanesvegur í horninu hægra megin efst.  

Jaðrar hraunsins sjást greinilega og enn betur ef myndin er stækkuð með því að smella á hana. Helmingur hraunjaðarsins er við Skerjafjörð, en neðst til hægri er jaðarinn þar sem nýr vegur á að liggja inn á hraunið, og hið gróna land skilur sig vel frá.

Samkvæmt skipulagi Garðabæjar á að búta þetta hraun, sem við sjáum, í fjóra megin búta, eins og sést á neðstu myndinni, á þeim forsendum, að ekki sá hróflað við Gálgahrauni.  

Það er nýtt í málinu að fara nú að skipta hrauninu í sjálfstæðar heildir sem hafi alltaf verið sjálfstæðar og sitt hvort hraunið, því að áratugum saman hefur þessi hraunsheild verið nefnd heildarheitinu Gálgahraun.

Hún er ótvíræð landslagsheild hraunjaðra á millum, eins og Esjan með Kistufell og Móskarðshnjúka, jafnvel Skálafell, sem austasta hluta er ein landslagsheild.

Engum myndi detta í hug, nema eft til vill bæjarstjórn Garðabæjar, ef taka ætti Kistufell og Móskarðshnjúka í malargryfjur, að segja að það snerti Esjuna ekki nokkurn skapaðan hlut, hún sé skilin ósnortin eftir og bara Kistufelli og Móskarðshnjúkum raskað.

Ekki þarf mikinn spámann til að sjá hverju verður haldið fram þegar skipulagi Garðabæjar verður haldið til streitu með því að gera framlengingu á Vífilsstaðavegi eins og sést á neðstu myndinni.

Þá verður því sennilega haldið fram að að hraunið skiptist í fjögur aðskilin hraun: Eystra-Garðahraun, Vestra-Garðahraun, Selskarðshraun og Gálgahraun.

Málið dautt?

Þessi málatilbúnaður er hafður uppi til þess að rugla almenning í ríminu, sem þekkir eðlilega ekki til þess, enda hafa fjölmiðlar átt þátt í því, til  dæmis með því að birta ekki myndir í líkingu við þær sem hér sjást.

Niður á hve lágt og barnalegt plan er hægt að fara með málflutninginn í þessu máli?

Ég skora á fjölmiðla að birta myndir af þessu umdeilda hrauni, og ef þessar myndir eru taldar hlutdrægar, af því að ég tók þær, að taka þá myndir sjálfir. Sem þeir hefðu átt að vera búnir að gera fyrir löngu.     

 

Hindra stækkun vinnusvæðisins

Athugasemdir

[Þorsteinn Briem, 23.10.2013 kl. 15:48]

23.10.2013 (í dag):

"Þrjár tillögur að nýjum Álftanesvegi voru lagðar fram í frummatskýrslu Vegagerðarinnar árið 2000, leiðir A, B og C, en þær lágu allar í gegnum land Selskarðs og landeigendurnir lögðust gegn þessum áformum.

Þann 23. júní 2000 birtist frétt í Morgunblaðinu undir fyrirsögninni: "Eigendur Selskarðs segja land sitt ekki standa til boða fyrir Álftanesveg."

"Í umfjöllun blaðsins kom fram að eigendurnir hefðu skipulagt 400 íbúða byggð á jörðinni, þar sem "öll þau vegarstæði, sem Vegagerðin hefur í huga, stórskaði hagsmuni eigenda Selskarðs."

"Milljarðar eru í húfi fyrir eigendur jarðarinnar Selskarðs þegar kemur að lagningu nýs Álftanesvegar um Garða- og Gálgahraun, eins og kemur fram í frétt DV í dag.

Meðlimir Engeyjarættarinnar eiga jörðina, þar á meðal bræðurnir Ingimundur, Einar og Benedikt Sveinssynir, en sá síðastnefndi er faðir fjármálaráðherra, Bjarna Benediktssonar.

Bjarni sat í skipulagsnefnd Garðabæjar á árunum sem málið var til umfjöllunar í nefndinni."

Engeyingar vildu vegleið D og fengu

[Haukur Kristinsson (IP-tala skráð) 23.10.2013 kl. 16:04]

"Niður á hve lágt og barnalegt plan er hægt að fara með málflutninginn í þessu máli?"

Jú, planið er lágt, en ekki "barnalegt", fremur "corrupt". Það eru engin börn sem standa á bak við þetta, heldur gallharðir eiginhagsmunaseggir, sem gefa skít í allt nema eigin gróða og eigin sjóði. En það versta er að þessar klíkur eru búnar að vera svo lengi við völd, hafa svo lengi skarað eld að eigin köku, að þeim finnst þær hafa rétt til að vera yfirstétt á klakanum. 

Á eigin verðleikum, "no way". Ef þeir hafa menntun á annað borð, þá kannski pungapróf í lögfræði. 

[Hilmar (IP-tala skráð) 23.10.2013 kl. 16:50]

Jamm, það hefur komist upp um plottið.

Þið vinstrimenn völdu næsta pólitíska moldviðri. Síðast var það tilraun til þess að gera sjávarútveginn á Íslandi gjaldþrota með eignaupptöku skv lögum. Það tókst ekki.

Þá er bara að stökkva á næsta mál, en sannast sagna, þá var það hálfbjánalegt, einhver hraunbútur í Garðabæ, sem öllum er sama um.

Nú hefur víglínan skýrst, Ómar Ragnarsson í slagtogi við DV mannorðsmorðingjana berjast hatrammlega gegn ríkisstjórninni (sem kemur þetta mál reyndar ekkert við og hafa enga lögsögu yfir) og fylgifiskarnir eru hinir "usual suspects" eins og vtleysingurinn Steini Briem.

Það má ekki segja á bloggi Ómars að Steini Briem hafi verið rekinn af Mogganum, en ekkert mál er fyrir Steina Briem að breiða út lygasögur um stjórnmálamenn sem eru vinstrimanninum Ómari ekki að skapi.

[Þorsteinn Briem, 23.10.2013 kl. 17:04]

Hilmar,

Gefðu hér upp fullt nafn og kennitölu, þannig að ég geti höfðað meiðyrðamál gegn þér ef þú ætlar að halda því fram hér aftur að ég hafi verið rekinn af Mogganum.

Ómar Ragnarsson varð að eyða þeim ummælum þínum á þessu bloggi.

[Þorsteinn Briem, 23.10.2013 kl. 17:07]

21.10.2013:

""Ef ég fengi því ráðið myndi ég bíða eftir dómi í málinu," segir Sigurður Líndal lagaprófessor um aðgerðirnar í Gálgahrauni.

Sigurður segir að í þessu máli séu ýmis vafamál og því farsælast að bíða eftir niðurstöðu dómstóla, þannig að það sé alveg á hreinu hvað sé heimilt og hvað ekki."

Sigurður Líndal telur rétt að bíða eftir niðurstöðu dóms í Gálgahraunsmálinu

[Þorsteinn Briem, 23.10.2013 kl. 17:10]

Ég vissi ekki að Sigurður Líndal væri vinstrisinnaður.

[Bjarni Gunnlaugur (IP-tala skráð) 23.10.2013 kl. 17:21]

Hvernig var þetta nú aftur með Hrunið.

Einkahagsmunir látnir ráða yfir almannahagsmunum, vaðið áfram í framkvæmdir sem gáfu skyndigróða en ollu óbætanlegum skaða, eftir á var enginn ábyrgur. Helstu fjölmiðlar þögðu þunnu hljóði.

Höfum við þá ekkert lært á apaplánetunni Íslandi?

Ekki bendir þetta Gálgahraunsmál til þess!

Hvað ef dæmt verður að mótmælendur séu aðilar máls og hafi því réttmæta lögbannskröfu?    Mun þá Hanna Birna segja af sér ;-), nei auðvitað ekki, enginn ábyrgur!

Hvað ef rétt er að Bjarni Ben hafi barist fyrir áformaðri veglagningu  í skipulagi á sínum tíma, það skipulag hafi haft bein áhrif til ágóða fyrir föður hans og náin skildmenni (jafnvel þótt aðeins sé um hið síðara að ræða)?

Er það þá bara allt í lagi að næstráðandi Bjarna í ríkisstjórn og flokki, sigi lögreglunni á góðborgara þessa land?. Fullkomnlega friðsamir mótmælendur að mótmæla framkvæmd sem má vel bíða.

Ætti að bíða sbr. fjárþörf Landspítala.

Bjarni og Hanna B.(sem og aðrir sjálfstæðismenn) tóku sér far í ríkisstjórn með loforðaflaumi Framsóknar.   Hafa síðan ekki gert annað en að tala og vinna gegn þessum sömu loforðum. Eftirtektarvert er hvernig Hanna Birna hefur snúið við blaðinu í mesta skammarmáli þjóðfélagsins í dag, þ.e. útburði fólks vegan stökkbreyttra skulda.

Stór hluti þeirra eigin kjósenda hafði yfirgefið flokkinn, tiltrúin var ekki meiri fyrir kosningar.  

Hvar er auðmýktin?

Aðgátin?

Nú þarf að fara að ganga berfættur til Rómar!

Ef ekki verður viðsnúningur hið snarasta af hálfu Bjarna og Hönnu Birnu, þá er þetta búið!

Eftir situr sundruð og svikin þjóð sem hefur misst alla trú á pólitíkusa og það um langa framtíð.

[Viskíprestur (IP-tala skráð) 23.10.2013 kl. 17:25]

Ef einhver þekkir Ísland betur en Ómar Ragnarsson þá komi hann hér fram og megi hann endilega gera sig að fífli með því að væna Ómar um að standa í þessu vegna pólitíkur eða einhverja annarlegra hvata. Annað eins þrugl er ekki til. Maðurinn er Fjallkarl Íslands, og ég segi þetta af velvilja, ekki í háði. Ég held nefnilega að það ætti að vera til friðunarregla á Íslandi:

Ómarsreglan.

Ef Ómar telur eitthvert svæði verðmætt og/eða mikilvægt til verndar þá ætti að friðlýsa það sem allra fyrst. Ég meina: Hver hefur aðra eins yfirsýn og þekkir hvert sker og hvern hól á landinu með nafni - ef ekki Ómar? Ef það er einhver sem skilur landið, hefur það allt í hausnum, getur metið eitt svæði við annað, þá er það Ómar Ragnarsson. Og ef það er einhver sem hefur fugl af hvaða mikilvægu svæði við megum ekki bregðast þá er það Ómar.

Ég skil ekki íslendinga sem lærðu margir hverjir fyrst að meta landið með hjálp myndavélalinsu Ómars, en halda núna að hann sé orðinn spólandi vitlaus af því hann stóð loks upp fyrir landinu og vinnur nú að því að bjarga íslendingum frá að gera sig að fíflum.

[Óskar Guðmundsson, 23.10.2013 kl. 17:50]

Hvað er til mikið af hrauni?

Hversu mikið fór undir veg þegar keflavíkurvegurinn var breikkaður?

Ekki man ég eftir hræsnispokunum liggjandi þar.

Hvað gengur málið raunverulega útá?

Jú, skipulagsmál. Hver setti veginn þarna? Hvaða bæjarfélög? Ekki var það utanríkisráðuneytið en þrátt fyrir það fara hræsnispokar þangað.

Ef menn halda svo að Sjallar einir verndi sitt að þá muna þeir ekki mikið eða langt aftur.

[Þorsteinn Briem, 23.10.2013 kl. 18:07]

Sigurður Líndal lagaprófessor telur rétt að bíða eftir niðurstöðu dóms í Gálgahraunsmálinu væntanlega vegna þess að vegarlagning þar er óafturkræf.

Og harla einkennilegt að Gálgahraun hafi árið 2009 verið friðlýst samkvæmt tillögu Garðabæjar, ef bæjarstjórnin hefur ekki talið hraunið vera náttúruperlu.

Auglýsing um friðlýsingu Gálgahrauns í Garðabæ

[Flowell, 23.10.2013 kl. 18:09]

Líkt og oft áður í íslenskri umræðu er ýmsum smáatriðum fleygt fram til að rugla fólk í ríminu. Ekki hef ég náð að fylgjast með þessu öllu saman en langar að spyrja hver sé kjarni málsins? Er hann sá að 1) Það á að leggja veg til að hækka lóðaverð sem myndi ekki hækka án hans? 2) Það á að leggja veginn þrátt fyrir að niðurstöður um lögmæti þess liggi ekki fyrir enn sem komið er?

[Þorsteinn Briem, 23.10.2013 kl. 18:18]

"Álftanesvegur liggur í apalhrauni (Garðahraun, Gálgahraun) með þunnri gróðurþekju." (Bls. 19.)

"Verkkaupi hefur gert ráð fyrir svæði undir efnisvinnslu í Gálgahrauni við nýjan Álftanesveg milli Garðaholtsganga og Garðastekksganga." (Bls. 17.)

"Þá skal forskera berg í bergskeringum í vegi gegnum Gálgahraun þar sem því verður við komið ..." (Bls. 35.)

Vegagerðin - Álftanesvegur (415) - Útboðslýsing

[Axel Jóhann Hallgrímsson, 23.10.2013 kl. 19:16]

Talandi um útspil Ómar, er ekki nýjasta útspil hraunavina, þegar fyrri slík hafa ekki gert sig, að hér sé á ferðinni gróðaplott fárra sjálfstæðismannamanna af ákveðinni ætt?

Skrifa sjálfstæðismenn í hópi hraunavina upp á þá kenningu?

Skrifar þú undir þessa kenningu Ómar?

[Þorsteinn Briem, 23.10.2013 kl. 19:17]

"Í náttúruverndarlögum, sem tóku gildi 1. júlí 1999, eru tilgreindar landslagsgerðir sem njóta sérstakrar verndar.

Þar kemur fram að eldhraun runnin á nútíma [...] á borð við Garðahraun/Gálgahraun eru þar á meðal og forðast skuli röskun á þeim eins og kostur er."

"Samkvæmt náttúruminjaskrá afmarkast Gálgahraun af núverandi Álftanesvegi að sunnan en hraunjöðrunum að austan og vestan.

Framkvæmdasvæðið, sem fjallað er um í matsskýrslu þessari, er því að stórum hluta innan svæðis sem er á náttúruminjaskrá."

"Framkvæmdirnar munu því rýra verndargildi hraunsins sem svæðis á náttúruminjaskrá, auk þess sem eldhraun njóta sérstakrar verndar samkvæmt náttúruverndarlögum."

"Garðahraun/Gálgahraun er sennilega stærsta hraunið sem enn er ósnortið í miðju þéttbýli á Innnesjum og verndargildi þess er ótvírætt sem slíkt."

Vegagerðin - Nýr Álftanesvegur - Mat á umhverfisáhrifum

[Ómar Ragnarsson, 23.10.2013 kl. 20:03]

Ótrúlegt er að sjá tvær bloggfærslur hér að ofan með fráleitum fullyrðingum. Ég hef aldrei skrifað eða sagt orð um það sem DV fjallar um, aldrei minnst á eignarhald á einu eða neinu í Garðabæ eða á Álftanesi, og hef nákvæmlega engin sambönd inn á DV. Því síður veit ég um það hvaða Hraunavinir eru sjálfstæðismenn eða hvað þeir halda.

[Stone (IP-tala skráð) 23.10.2013 kl. 20:25]

Ómar, þú ert að gera þig að fífli

[Axel Jóhann Hallgrímsson, 23.10.2013 kl. 20:45]

Ef þú ert Ómar, með innleggi þínu #15 að vísa í innlegg mitt #13, þá segi ég hvergi að þú hafir sagt þetta. Ég spyr aðeins hvort þú sért sammála þessum fullyrðingum!

Ertu það, eða ertu það ekki? Já eða nei dugir.

[Ómar Ragnarsson, 23.10.2013 kl. 20:59]

Ég hef ekki lesið DV í dag því að ég einbeiti mér að því sviði, sem ég þekki best, sem er þetta vegagerðarmál hér og nú og einnig forgangsraða ég öðrum brýnum verkefnum varðandi íslenska náttúru og kvikmyndagerð og ljósmyndatökur, bókaskrif og sagnakvöld á Sögulofti Landnámsseturins í Borgarnesi, gerð tónlistar o.fl.  

[Þorsteinn Briem, 23.10.2013 kl. 21:16]

Harla einkennilegt ef sumir halda að ekki megi birta alls kyns staðreyndir um þetta Gálgahraunsmál og heimta svo svör við því hvaða skoðanir menn hafa á þeim.

Staðreyndir eru að sjálfsögðu aðalatriðið í opinberri umræðu, menn geta haft alls kyns skoðanir á staðreyndum og jafnvel enga skoðun á þeim eða haldið þeim fyrir sig.

[Sævar Helgason, 23.10.2013 kl. 21:22]

Búrfell gaus mikinn fyrir um 7300 árum . Og það rann mikið hraun til sjávar . Einn hlutinn endaði í Lambhúsatjörn handan Bessastaða og í innstahluta Skerjafjarðar-Arnarnesvog en hinn hlutinn yfir í Hafnarfjörð. Á þessari löngu leið heitir þetta hraun ýmsum nöfnum eftir byggðastaðseningu þess allt frá Búrfelli um Búrfellsgjá og síðan Urriðakotshraun,Svínahraun, Vífilstaðahraun, Brunar,Garðahraun, Hafnarfjarðarhraun og Gálgahraun. Allt þetta hraun er runnið úr Búrfelli í einu og sama gosinu. Og hvað er svo hvað er spurt á nútíma. Það sem mest er í sviðsljósinu er Gálgahraun sem er með allri sjávarströnd Lamhúsatjarnar og í Arnarnesvog og Hraunsvík. Síðan nær þetta heiti allt að Garðahrauni Mörkin eru ekki ljós. Garðahraun er kennt við Garða á Álftanesi og er NA af því landi. En Gálgahraun er kennt við tvo klettadranga nálægt Lambhúsatjörn þar sem fyrrum var settur gálgi á milli og sakamenn hengdir þar. En nú virðist vera búið að sameina nafnið Gálgahraun Garðahrauni allt að gamla Álftanesvegi. Samkvæmt örnefnakorti Landmælinga Ísl. þá er Garðahrunsheitið þar sem nýja veginum er ætlaður staður en sjálft Gálgahraun norðan og vestan við það vegastæði.

Bara að upplýsa þetta. :-)

[Axel Jóhann Hallgrímsson, 23.10.2013 kl. 21:25]

Mig varðar ekkert um hvað stendur í DV eða ekki Ómar. Ég vill aðeins fá já eða nei við spurningunni í #17.

Undansláttur eða útúrdúrar munu aðeins dæma þig sammála.

[Þorsteinn Briem, 23.10.2013 kl. 21:35]

Hvorki Ómar Ragnarsson né aðrir eru skyldugir til að svara hér einhverjum spurningum og fráleitt að telja þá sammála eða ósammála einhverju ef þeir vilja ekki, hafa ekki áhuga á eða nenna ekki að svara þessum spurningum, sem geta þess vegna verið beinlínis bjánalegar.

[Ómar Ragnarsson, 23.10.2013 kl. 21:43]

Ég veit ekkert um skoðanir Hraunavina á þessum fullyrðingum sem koma fram í DV og get því ekki svarað spurningunni. Skilurðu það ekki?

[Þorsteinn Briem, 23.10.2013 kl. 21:44]

Ertu hættur að berja konuna þína? Já eða nei. Þetta er einföld spurning!

"Undansláttur eða útúrdúrar munu aðeins dæma þig sammála."

[FORNLEIFUR, 23.10.2013 kl. 22:24]

Ef þetta vefst eitthvað fyrir mönnum, verður líklega að stöðva framkvæmdir sem fyrst, svo hægt verði að fara í fornleifarannsókn til að finna gálgann.

Þetta er enginn gálgahúmor. Svæðið er ekki nægilega vel skráð hvað fornleifar varða.

Sem fornleifafræðingur treysti ég ekki Fornleifavernd Ríkisins (sem nú heitir Minjastofnun). Forstöðumaður þeirrar stofnunar ber t.d. ábyrgð á því að kofinn, sem kallast Þorláksbúð, var byggður ofan á rústum í Skálholti. Það er lögbrot.

[Ófeigur (IP-tala skráð) 23.10.2013 kl. 23:04]

Garðahraun/Gálgahraun er ósköp venjulegt hraun. Svona hraun hafa runnið um aldir alda á Íslandi og fleiri eiga eftir að bætast við. Það er ekkert í fyrirhuguðu vegstæði sem ekki á sinn líka víðar í hrauninu, eða öðrum hraunum á SV horninu.

Prinsessa umhverfissinna friðlýsti Gálgahraun árið 2009. Það má sjá á vef Umhverfisráðuneytis. Þar þótti Svandísi ekki ástæða til að færa hið friðlýsta svæði í veglínu nýs Álftanesvegar.

Ómar fer svo mikinn um umferðaröryggi á höfuðborgarsvæðinu og á landsvísu. 22 vegkaflar á höfuðborgarsvæðinu sem eru hættulegri en þessi, takk fyrir, samkvæmt tölum. Ómar ætlar því sveitarfélaginu Garðabæ að bíða með umferðarúrbætur fyrir sína íbúa, þar til önnur sveitarfélög á höfuðborgarsvæðinu hafa lagað 22 aðra kafla.

Samkvæmt þessum rökum mætti lítið sveitarfélag úti á landi ekki laga hættulegasta vegkaflann þar um slóðir, fyrr en það er búið að bæta úr öllu öðru sem á undan kemur! Ég veit ekki hvort það er tekið tillit til þess, að á vegum landsins mætti vænta nauðlendinga frá bensínlausum Ómari...!

[Þorsteinn Briem, 23.10.2013 kl. 23:26]

Ófeigur,

Gálgahraun var árið 2009 friðlýst samkvæmt tillögu Garðabæjar og bæjarstjórnin hefur því væntanlega talið hraunið vera náttúruperlu.

Auglýsing um friðlýsingu Gálgahrauns í Garðabæ

Ríkið greiðir kostnaðinn við nýjan Álftanesveg, sem kostar hátt í einn milljarð króna.

Engir peningar voru til í ríkissjóði fyrir nýrri sundlaug Álftnesinga og eru heldur ekki til fyrir nýjum Álftanesvegi.

Og að sjálfsögðu vill ríkisstjórn Sjálfstæðisflokksins og Framsóknarflokksins ekki leggja þennan hátt í milljarð króna í Landspítalann.

[Ófeigur (IP-tala skráð) 23.10.2013 kl. 23:37]

Þú hittir algerlega naglann á höfuðið. Hraunið var friðlýst. Vegurinn er utan þess. Hér má sjá auglýsingu frá Svandísi um friðlýsinguna: http://www.umhverfisraduneyti.is/frettir/nr/1501

Hér má svo sjá kortið sem fylgir friðlýsingunni: http://www.umhverfisraduneyti.is/media/frettir/galgahraunfridlysing.jpg

Ríkið splæsir almennt ekki í sundlaugar sveitarfélaga, svo ég veit ekki hvert þú ætlar með því... og ef þú ætlar að fara að stilla öllum framkvæmdum sem ríkið er aðili að gegn Landspítalanum, þá máttu byrja að gera lista. Blessaður eyddu tíma í það, maður. Það er sko af nóg af taka!

[Bjarni Gunnlaugur (IP-tala skráð) 23.10.2013 kl. 23:39]

Furðulegt að hagræðingarnefndin hafi ekki séð ástæðu til að spara í þessari vegagerð!

Þegir Vigdís? 

Þetta er jú um milljarður. Sumir segja á þriðja milljarð þegar upp verður staðið (lögmaður hraunavina í útvarpsviðtali á útvarpi sögu í dag)

Kæmi sér vel í Landspítalann.

Þó maður gæfi dauðann og djöfulinn í þetta hraun, þá er bruðlið með peningana óafsakanlegt!

[Þorsteinn Briem, 23.10.2013 kl. 23:43]

Ófeigur,

"Hraunið var friðlýst. Vegurinn er utan þess."

Sjá athugasemd nr. 14 hér að ofan.

[Þorsteinn Briem, 23.10.2013 kl. 23:46]

Ófeigur,

5.10.2011:

"Sveitarfélagið Álftanes fær milljarð úr jöfnunarsjóði sveitarfélaga á næstu þremur árum með því skilyrði að það sameinist öðru sveitarfélagi."

"8. gr. a. Tekjur Jöfnunarsjóðs eru [meðal annars] þessar:

a. Framlag úr ríkissjóði er nemi 2,12% af innheimtum skatttekjum ríkissjóðs. Skal framlagið greiðast Jöfnunarsjóði mánaðarlega.

b. Árlegt framlag úr ríkissjóði er nemi 0,264% af álagningarstofni útsvars næstliðins tekjuárs og skal greiðast Jöfnunarsjóði með jöfnum mánaðarlegum greiðslum."

[Ófeigur (IP-tala skráð) 23.10.2013 kl. 23:51]

Að njóta sérstakrar verndar þýðir að ríkari ástæður þarf til að raska viðkomandi. Nú er búið að samþykkja þær ástæður... og byrjað á framkvæmdum! Sættu þig við það! :)

[Þorsteinn Briem, 23.10.2013 kl. 23:58]

Ófeigur,

Ég vissi ekki að þú værir hæstaréttardómari í þessu máli og þú hefur ekki hugmynd um hvaða skoðanir ég hef á því.

Sættu þig við það.

[Magnús Ragnar (Maggi Raggi)., 24.10.2013 kl. 01:08]

Hinir ríku og voldugu traðka á fólk og ber það í burtu án skammar.

Hvað höfum við litla fólkið gert?

Þeir ríku segja; hvað láttu ekki svona, við erum gráðugi.

Því miður kaus minni hluti þjóðarinnar þetta; þannig hvað er næst?

[Sjöfn Rafnsdóttir (IP-tala skráð) 24.10.2013 kl. 09:13]

Gjörsamlega ólíðandi vinnubrögð! Þetta er ógeðslegt samfélag eiginhagsmuna og spillingar.

Dómsmálið var þingfest 18. júní, en þann 5. júlí , "17 dögum síðar" skrifaði vegamálastjóri undir verksamning við Íslenska aðalverktaka um lagningu vegarins!

http://www.mbl.is/frettir/innlent/2013/09/27/verkstilhogun_i_galgahrauni_yfirfarin/

[Hrúturinn (IP-tala skráð) 24.10.2013 kl. 09:53]

 "Gálgahúmor"...er orð dagsins... 

[Leirmundur (IP-tala skráð) 24.10.2013 kl. 10:25]

Fyrst téður Steini Briem er kominn í meiðyrðaham, ætla  ég til eigin öryggis að leiðrétta leirburð sem  lak á netblaðri þessu þann 25. ágúst anno 2013. Hið rétta er  að:

Ekki í leirburð vantar lím,

laus er alveg við allt flím.

Aldrei eftir stöðugt stím,

steitti á neinu Steini Briem!