Ísland, "Bahrain norðursins" !

Fyrir átta árum var ritað heilt Reykjavíkurbréf í Morgunblaðinu um sæstreng frá Íslandi til Evrópu þar sem glæstri framtíð landsins var líkt við olíuævintýri litlu Persaflóaríkjanna.

Svo mikil væri orkan og svo mikill yrði gróðinn, að með því að stjórna flæði raforkujnar um strenginn gætum við Íslendingar setið hér út við ysta haf og stjórnað með streymi hennar orkuverði í Evrópu!

Það eina sem vantaði í þessa glæsimynd var að Íslendingarnir í "Bahrain norðursins" sætu við enda strengsins í kuflum með vefjarhetti á höfðum við að hámarka gróðann og stjórna orkuverðinu í Evrópu.

Hugmyndin um sæstrenginn og hina "gríðarlegu orku" sem forystumenn þjóðarinnar tala enn um, kom fram skömmu fyrir síðustu aldamót. Þá kíkti ég í skýrslu iðnaðarráðneytisins frá 1993 um orkumál og virkjanir og komst að því að með því að fórna öllum náttúruverðmætum Íslands til að virkja allt, sem hægt yrði að virkja, myndum við Íslendingar samt sem áður aðeins geta útvegað Evrópu langt innan við 1% af orkuþörf álfunnar !  

Í ofanálag við það sem Baldur Elíasson hefur tilgreint varðandi sæstreng er aldrei minnst á tvennt:

1. Sá tími ársins, sem viðkvæmastur er fyrir orkubúskap okkar sjálfra, er frá september fram á útmánuði ár hvert, eða þar til komið hefur í ljós hvernig vatnsbúskapnum reiðir af. Dæmi um þetta var veturinn í vetur þar sem skammta þurfti og draga úr orkusölu til stóriðju.

En einmitt á þeim sama tíma árs er mest eftirspurn eftir orku í Evrópu og orkuverðið hæst og við missum af því sölutímabili.

Orkan, sem við myndum þurfa að kaupa í slæmu vatnsári yrði á hæsta verði og myndi spenna orkuverð til almennra nota hér heima upp. Þetta er til dæmis árstíminn þar sem Evrópu vantar mest orku ef eða þegar Rússar minnka gassölu sína af stjórnmálaástæðum.  

Við myndum helst geta selt orku til Evrópu á tímabilinu maí/júní til september, en þá fáum við lægst verð fyrir hana vegna þess að þá er eftirspurnin minnst í Evrópu.

2. Sæstrengur til Evrópu myndi slá þvílíkri græðgisglýju í augu okkar Íslendinga að úti yrði um hin einstæðu íslensku náttúruverðmæti í eitt skipti fyrir öll, Kerlingarfjöll, Fjallabak, Gullfoss, Geysir og Dettifoss meðtalin.

Harðsnúnir virkjanafíklar hafa þegar sett öll þessi náttúruverðmæti á "dauðalista" sinn og þykjast hafa gild rök fyrir því.  

 Allt yrði virkjað sem virkjanlegt yrði undir kjörorðinu um "atvinnuuppbyggingu", "nýtingu orkuauðlinda" og "nauðsyn orkufreks iðnaðar" í krafti ummæla Finns Ingólfssonar á sínum tíma um að "við verðum að virkja stanslaust því annars kemur kreppa og atvinnuleysi."

Og hann átti auðvelt með að svara spurningu minni um það, hvernig við Íslendingar ættu að bregðast við þegar allt hefði verið virkjað sem virkjanlegt væri og ekki hægt að virkja meira: "Það verður bara viðfangsefni þeirrar kynslóðar, sem þá verður uppi."

Glæsileg framtíðarsýn: Við verðum dauðir og þess vegna kemur það okkur ekki við.

En ekkert virðist geta stöðvað sæstrengsdrauminn, því að forstjóri Landsvirkjunar sagði á fundi fyrirtækisins nýlega: "Þetta er ekki spurning um hvort sæstrengur verður lagður, heldur hvenær."

Sem sagt: Strengurinn verður lagður, sama hvað hver segir.  

  

Segir sæstrenginn ekki ganga upp

Athugasemdir

[Helgi Armannsson (IP-tala skráð) 24.6.2014 kl. 11:42]

Góður pistil hjá þer Ómar.spaðu i lygina Ómar það er sagt að íslendingar búi til raforku með kolum og kjarnorku,það sjá naturulega allir að þetta er hauga lygi og litið umræða um það.en ef þeir hefðu strenginn og sendu orku i baðar attir er miklu auðveldara að ljúga i almenning, stjórnmalamenn sem standa i svona kvóta braski eiga fangelsi skilið

[Kjartan (IP-tala skráð) 24.6.2014 kl. 13:07]

Sæll Ómar, loksins koma andsvör við sæstrengs heimskunni.Það er talað um þennann streng eins og næg orka sé til, en nú í vetur þurfti að skerða orku til ( að mig minnir) Reyðaráls og einnig þurfti að skerða orku til Vestmannaeyja. Samt halda þessir "gáfumenn" því fram að við gætum selt orku um sæstreng. Það væri gaman að sjá hugmyndir þeirra um virkjanir til slíks flutnings.

[Finnur Sig. (IP-tala skráð) 24.6.2014 kl. 15:24]

Þetta er einfaldlega bull grein, og full af rugli, í raun fáránlegt að heyra þetta frá doktori, en þeir geta víst líka verið ruglaðir..;-)

Sérstaklega fannst mér ruglið keyra úr hófi fram þegar hann sagði raforkuverð erlendis sé mjög lágt... á hvaða lyfjum er maðurinn??

Síðan talar hann um að 700 megavött sé nægilegt fyrir einn skoskan bæ. Síðast þegar ég vissi var hálf milljón mann borg ekki bær.

Síðan varðandi kostnaðinn ofmetur hann gríðarlega o.s.frv.

 Við þurfum ekki svona hroka bullukolla í umræðuna. Þurfum að ræða þetta mál á ábyrgari hátt. 

[Þorsteinn Briem, 24.6.2014 kl. 15:48]

"Aðspurður hvort [raforkustrengur til Bretlands] muni hækka raforkuverð á Íslandi segir [Hörður Arnarson forstjóri Landsvirkjunar] að ekki sé þörf á því en ríkisstjórnin þurfi samt að finna leið til að halda verðinu niðri.

Ef norska leiðin yrði farin yrði orkuiðnaðurinn enn með góð kjör og langtímasamninga en verð til almenna markaðarins væri svo pólitísk ákvörðun.

Gert er ráð fyrir að um 20 ár tæki að greiða upp slíkan streng og endingartíminn yrði um 40 ár."

Lokaskýrsla ráðgjafahóps um lagningu sæstrengs til Bretlands, júní 2013 bls. 20

[Anna Benkovic Mikaelsdóttir, 24.6.2014 kl. 15:48]

Ég hef verið að berjast fyrir því að orkan okkar á Íslandi nýtist þjóðinni allri: Það er best gert með því að rækta okkar eigin "fiskimið" Þ.e.a.s byggja gróðurhús og þau fái orkuverð á álmarkaði.

Það blasir við að afurðirnar yrðu lífrænt ræktað gæðaefni og í því er langtímahugsun fyrir komandi kynslóðir.

[Þorsteinn Briem, 24.6.2014 kl. 15:55]

20.5.2014:

Landsvirkjun skuldar andvirði tveggja Kárahnjúkavirkjana, 268 milljarða króna í árslok 2013

[Þorsteinn Briem, 24.6.2014 kl. 16:03]

26.2.2014:

"Fram til ársins 2018 eru afborganir Landsvirkjunar af erlendum lánum áætlaðar um 128 milljarðar króna [andvirði Kárahnjúkavirkjunar].

Langstærstur hluti af handbæru fé fyrirtækisins frá rekstri mun því líkt og síðustu ár fara í að standa skil á afborgunum erlendra skulda."

Áhersla lögð á að lækka miklar erlendar skuldir Landsvirkjunar næstu árin

[Vilhjálmur Eyþórsson, 24.6.2014 kl. 16:54]

Fyrir átta árum var ritstjórn Morgublaðsins í höndum fulltrúa Björgólfsfeðga, sem nú ritstýrir Fréttablaðinu. Þessu er ekki hægt að klina upp á Davíð, aldrei þessu vant.

[Þorsteinn Briem, 24.6.2014 kl. 17:08]

Árið 2007:

Framsóknarflokkurinn - Árangur áfram, ekkert stopp!

Árið 2008:

Guð blessi Ísland! - Ávarpið í heild

[Vilhjálmur Gunnarsson (IP-tala skráð) 24.6.2014 kl. 21:05]

Það sagði eitt sinn við mig góður maður með mikla innsýn í þessum geira. "Það græðir enginn á því að leggja sæstreng nema sá sem framleiðir strenginn." Ég tók mark á þessu og hef ekkert séð sem bendir til að þetta sé neitt öðruvísi.