Allar klær úti eins og fyrr.

Enn er í minnum dagskipunin sem gefin var út í bönkunum í bankabólunni um árið, að neyta allra bragða til þess að fá viðskiptavini til að bíta á krókinn í lántökum. 

Umrætt var þegar bankafulltrúi greindi frá því hvernig honum var refsað fyrir það að gefa viðskiptavini þær upplýsingar sem raunverulega hentuðu honum í stað gylliboðanna. 

Sömuleiðis þegar starfsfólk fékk umbun fyrir það að véla sem flesta. 

Eða eru menn kannski búnir að gleyma þessu?

Spurningin vaknar þegar svo virðist sem allt sé að fara í sama farið og fyrir Hrun í bönkunum eins og virðist líka víða annars staðar í þjóðlífinu.

Allar klær eru á ný úti til þess að græða sem mest undir kjörorðinu: Löglegt en siðlaust.

Í hugann koma orð bankamanns austur við Kárahnjúka árið 2005: "Því verr sem þessi virkjun gengur, því meira græðir bankinn." Þessi orð voru sögð í sambandi við það að á þeim tímapunkti stóð afar tæpt að gangaborunin tækist. Framkvæmdin hékk á bláþræði.   

Gleymskan á aðdraganda Hrunsins og það atferli og hugsunarhátt sem skóp það, er raunar líkast til áunnin gleymska, því að erfitt er að útskýra þetta öðruvísi.

Rétt eins og "áunnin fáfræði" ræður ríkjum í sambandi við óþægilegar staðreyndir í orku-, umhverfis- og náttúruverndarmálum er trúin á illa fenginn gróða eða skammtímagróða á kostnað framtíðarinnar og komandi kynslóða búin að ná fótfestu á ný.  

 

Heimilin verða af hundruðum milljóna

Athugasemdir

[Þorsteinn Briem, 11.12.2014 kl. 13:53]

10.12.2014 (í gær):

"Eftirlitsstofnun EFTA, ESA, ákvað í dag að hefja rannsókn á því hvort samningar Landsvirkjunar og Landsnets vegna kísilvers PCC á Bakka við Húsavík feli í sér ólögmæta ríkisaðstoð."

"Landsvirkjun er þegar byrjuð á framkvæmdum á Þeistareykjum vegna virkjunar sem sjá á kísilverinu á Bakka fyrir raforku.

Nú segist ESA hafa efasemdir um að tekjur af orkusölu dugi fyrir virkjunarkostnaði og að Landsnet fái upp í kostnað við að flytja raforkuna þangað."

[JR (IP-tala skráð) 11.12.2014 kl. 14:16]

Af því að Steini Briem minnist á athugun á gjörðum Landsvirkjunar , þá gefa svör forstjóra Landsvirkjunar í fréttum tilefni til að skoða alla samninga Landsvirkjunar, og ætti ESA að skoða þá.

Forstjórinn sagði að þessi samningur væri bara eins og allir hinir samningarnir !

[Haukur Kristinsson (IP-tala skráð) 11.12.2014 kl. 14:56]

Í ofsafengnum viðbrögðum við gagnrýni Lífar Magneudóttur á kirkjuheimsókn barna hafa ófáir minnt á hin "kristnu gildi"; kristinn menningararf, góða siði, umburðarlindi, kærleikann, jafnrétti, að menn menn fái ekki skilið íslenskt samfélag né geti lært íslensku án þess að vera kristinn í bak og fyrir.

En hvað með spillinguna og klíkuræðið á skerinu. Þjóðin er arðrænt og total vanhæfir plebbar ljúga sig í æðstu embætti landsins og pengingarmafíann gengur enn um rænandi og ruplandi. Voru þessi "kristnu gildi" aldrei fyrir hendi, barst kristin trú kannski aldrei til landsins?

Er þetta bara ein stór sýndarmennska þar sem hinir svokölluðu "churchgoers" eru ekkert skárri en hinir?

[kristinn geir steindórsson briem (IP-tala skráð) 11.12.2014 kl. 21:32]

hvernig gétur fáfræði verið áunnin.?.                                           er til upplýst fáfræði.?.                                                       ætli fáfræðinn gangi ekki í báðar áttir nátúruvernd menn taka þær staðreindir sem hemy sínum málstað 

[Már Elíson, 12.12.2014 kl. 00:02]

4# Kristinn - Í öllum bænum láttu einhvern fullorðinn lesa yfir íslenskuna, málfræðina og stafsetninguna þína áður en þú setur svona út í loftið. - Þá kemst annars ágæt meining þín betur til skila. - Bara létt ábending til þín.

Meira að segja frændi þinn, Stony Breim, skrifar tiltölulega rétt. Enda les einhver yfir fyrir hann, sjáðu til. Enginn skömm að því.

[Þorsteinn Briem, 12.12.2014 kl. 03:18]

Þú ættir sjálfur að skammast þín fyrir allt þitt rugl, Már Elíson.

Ég var blaðamaður á Morgunblaðinu í mörg ár og gaf þar meðal annars út sérblað um sjávarútveg, oftast ásamt öðrum manni en stundum einn.

Ekkert af því þurfti að lesa yfir og ég hef fengið hæstu einkunn í móðurmálinu hjá nokkrum af bestu íslenskumönnum þjóðarinnar, til að mynda Gísla Jónssyni, sem skrifaði í tvo áratugi greinar um íslenskt mál og birtar voru í Morgunblaðinu, Tryggva Gíslasyni fyrrverandi skólameistara Menntaskólans á Akureyri, Sverri Páli Erlendssyni, Böðvari Guðmundssyni rithöfundi og Árna Böðvarssyni orðabókarhöfundi.