"Kominn tími á Heklu" fyrir nokkrum árum.

Það var "kominn tími á Heklu" fyrir nokkrum árum á þann hátt að fjallið og umhverfið hafði risið upp fyrir þá hæð sem það var komið í fyrir gosið árið 2000.

Þar áður höfðu liðið 9 ár frá síðasta gosi og fjallið gosið við áratugamót frá 1970.

Nú eru liðin 15 ár og ekkert bólar á henni þótt nokkur ár séu liðin með vaxandi hættu á því að hún láti til sín taka.

Þetta þurfa allir að vita um og þegar ég hef verið spurður eftir Holuhraunsgosið hvar séu mestar líkur á gosi er svarið "Hekla" en raunar hafði sama svarið verið hjá mér á árunum 2011-2014, enda var aðdragandinn að Bárðarbunguóróanum afar langdreginn.

Rétt er að geta þess að af annars fínum myndum af eldgosum með frétt mbl.is um þetta mál er efsta myndin líkast til af einhverjum af gosunum í Kröflu á árabilinu 1980-84.   

Hópar hættir að ganga á Heklu

Athugasemdir

[Þorsteinn Briem, 30.7.2015 kl. 13:59]

Hekla var álitin fordyri Helvítis.

"Náttúrufræðingarnir Bjarni Pálsson og Eggert Ólafsson vildu afsanna það og voru fyrstir manna til að ganga á Heklu árið 1750."

Hins vegar er undirritaður engan veginn viss um að það hafi verið afsannað og að sjálfsögðu er Helvíti á Suðurlandi.

[Hábeinn (IP-tala skráð) 30.7.2015 kl. 14:24]

"kominn tími á Heklu" og "vaxandi hætta" er sagt þó liðið geti 10, 50 eða 100 ár þar til Hekla gýs næst. Hekla er nokkur þúsund ára gömul og við höfum mælingar í örfá ár til að nota í spár um gos. Sagan sýnir okkur að Hekla notar ekki dagatal og engin regla er á því hvenær hún gýs. Og ekki virðist hún heldur fara eftir tölum um skjálfta og landris í Excel.

Það sem eftir situr er óstjórnleg árátta mannsins til að búa til reglur um allt og setja í eitthvað munstur. Við ætlumst til þess að allt fylgi einhverjum takti þvert á alla skynsemi.

[Þorsteinn Briem, 30.7.2015 kl. 15:39]

Hekla - Eruption history

[Þorsteinn Briem, 30.7.2015 kl. 16:22]

Upp á Heklu Ómar fór,
ólétt varð þá kella,
á undan honum karlakór,
kynleg er sú mella.

[Þorsteinn Briem, 30.7.2015 kl. 16:27]