Skógum er leyft að brenna í Yellowstone.

Gríðarlegir skógareldar geysuðu í Yellowstone þjóðgarðinum í Bandaríkjunum 1988-89. Upp komu deilur um það hve langt skyldi ganga í að slökkva eldana. 

Niðurstaðan varð sú að láta eldana eiga sig, en verja helstu mannvirki, og unnu slökkviliðsmenn þar mikið afrek. 

Þeir sem vildu láta náttúruna hafa sinn gang bentu á, að skógareldar væru hluti af því í þúsundir ára að skógarnnir gæti haft nógan endurnýjunarmátt með kynslóðaskiptum. 

Rannsóknir sýndu, að það væru oftast elstu og feysknustu eða þurrustu skógarnir sem brynnu og leifar þeirra mynduðu næringu og jarðveg fyrir nýjan skóg til að spretta upp. 

Stórir skógareldar hefðu komið á hverri öld í Yellowstone. 

1999 kom ég á þetta skógareldasvæði og það var stórkostlegt að sjá hinn nýja skóg spretta upp, ferskan og þrunginn raka og nýju lífi. 

Síðan kom ég enn á sama svæði 2008 og hreifst enn meira af hinum uppvaxandi skógi og þeirri stórbrotnu sýningu á kynslóðaskiptum náttúrunnar, sem þarna er og verður í gangi. 

Auðvitað er þetta ekki algilt og málið flóknara þar sem um er að ræða ræktaðan skóg en ekki algerlega villtan. 

En tilraunin í Yellowstone var þess virði að hún væri gerð. 

Á að leyfa skógum að brenna?

Athugasemdir

[Hábeinn (IP-tala skráð) 28.9.2015 kl. 17:06]

Skrítið að kalla það "tilraun" að grípa ekki inn í mörg þúsund ára gamalt náttúrulegt ferli.

[Ómar Ragnarsson, 28.9.2015 kl. 20:00]

Í samræmi við rótgróið hugarfar varðandi það að ráðskast sem mest með náttúruna, var mjög öflugur stuðningur við það að ráðast gegn eldinum hvar sem því yrði við komið.

Þessi almenna skoðun hneig að því að alls ekki mætti gera neina "tilraun" með það að hafa þetta öðruvísi í Yellowstone en hefðbundið var.

Ekki nóg með það. Háværar raddir voru um það eftir brunann að það "þyrfti að þrífa til og fjarlægja hin brunnu tré sem lágu eins og hráviði á stórum svæðum og margt fólk leit á sem ljótar brunarústir.

[Hábeinn (IP-tala skráð) 28.9.2015 kl. 22:57]

Ég veit að margir hugsa svona, átti bara ekki von á því að þú værir með "rótgróið hugarfar varðandi það að ráðskast sem mest með náttúruna". Þú sagðir þetta en varst ekki að vitna í neinn.

Reyndar kom það mér lítið á óvart. Við erum víst öll gegnsýrð af þessum kvilla að telja okkur geta og eiga að stjórna öllu í náttúrunni og höfum verið í þúsundir ára. Trú sem er eins gömul og hún er sterk og inngróin. Þegar ég var í sveit vorum við skömmuð ef við lögðum hrífuna vitlaust frá okkur. Það átti víst að kalla á rigningu. Þeir hefðu e.t.v. mátt raða upp hrífum í regnstöðu þarna í Yellowstone.

[Ari Egilsson (IP-tala skráð) 30.9.2015 kl. 00:04]

Var í Jasper garðinum í Kanada í sumar, þar reyna þeir að stýra skógareldum enda var slæm hugmynd að bæla þá niður á sínum tíma, þeir eru náttúrulegt ferli sem er gott fyrir heilbrigði skógarins og vistkerfisins þegar fram líða stundir.
Fire and Disturbance Ecology
http://www.pc.gc.ca/eng/pn-np/mtn/feuveg-fireveg/dirige-prescribed/role.aspx
2015 Prescribed Fires
http://www.pc.gc.ca/eng/pn-np/mtn/feuveg-fireveg/dirige-prescribed/projet-projects.aspx