Þegar menn með geðræn vandamál leita að aðferð til manndrápa.

Á tímabili á síðustu öld reið faraldur flugrána yfir heiminn. Sum voru framkvæmd sem hryðjuverk á vegun öfgasamtaka eða til þrýstings í ákveðnum málum með því að taka gísla, en í öðrum tilfellum völdu menn með geðræn vandamál þessa leið í tilvistarvanda sínum.

Morðingjar Kennedybræðra voru skráðir sem einfarar, hugsanlega með þörf til að verða frægir að endemum eftir mislukkað lífshlaup.

Á síðari árum velja einfarar með geðræn vandamál og mislukkað lífshlaup sér oft aðferðir sem virðast liggja nokkuð beint við þeim þá stundina.

Hinn norski Breivik var einfari og framdi illvirki sitt án þess að vera í slagtogi við eða á vegum neinna samtaka.   

Andreas Lubitz, sem grandaði þotu Germanwings í febrúar í fyrra, var þunglyndissjúklingur með sjálfsmorðshneigð, sem beindist í þá átt að taka sem flest líf ásamt sínu. Til þess þurfti hann stórvirkt tæki.  

Og af því að hann var flugstjóri lá beinast við í hans huga að nýta sér aðstöðu sína til að læsa sig inn í flugstjórnarklefa farþegaþotu, þar sem hann var aðstoðarflugstjóri, og stýra þotunni á fjall þeim afleiðingum að 150 manns fórust.

Ódæðismaðurinn Muhamed Lahouaiej-Bouhlel, sem drap 84 og særði enn fleiri í Nice, sýnist samkvæmt fréttum hafa verið, líkt og Lubitz, þunglyndissjúklingur með sjálfsmorðshneigð, og á þeim tímum þar sem sjálfsmorðsárásir á fjölda fólks eru oft í fréttum, var það í takt við tíma hryðjuverka, að nota sem stórvirkast tæki til sjálfsmorðárásar á sem flest fólk, og leita uppi einhverja ástæðu til svo hræðilegs ódæðis. 

Afleiðingarnar þekkja allir.

Grunur er um vitorðsmenn hans, en tíminn var stuttur sem hann tók til að komast inn í einskonar norm hryðjuverkamanna og gerast hlynntur öfgamúslimum, án þess þó að sinna í neinu almennum trúarkröfum,  hætta að drekka sig fullan, neyta fíkniefna eða borða svín, - og því síður fór hann í mosku.

Verið er að rannsaka hvort hann hafi átt sér vitorðsmenn og kann svo að vera.

En augljós munur er á honum og ódæðismönnunum í Brussel eða París, hvað snertir tengsl við helstu hryðjuverkaöfl öfgamúslima.

Tengsl ISIS og öfgamúslima við skipulagða hópa í Brussel og París voru sterk og áttu sér aðdraganda, enda tók það nokkur dægur fyrir ISIS að ákveða, hvort lýsa skyldi yfir því að Nice-hryðjuverkamaðurinn hefði verið á þess vegum, gagnstætt því sem áður hefur gerst.

Það virðist hafa verið sameiginlegt Lubitz og Mohamed Lahouaiej-Bouhlel að reyna að granda sem flestu ungu fólki eða börnum.

Annars væri það áhugavert verkefni fyrir sálfræðinga að greina sem best eðli þessara manna, þó ekki væri nema til þess að reyna að koma í veg fyrir illvirki manna með þeirra veikleika og persónuleikavandamál.  

 

Skoðaði sig um við göngugötuna

Athugasemdir

[Þorsteinn Briem, 18.7.2016 kl. 01:27]

Undirritaður myndi einnig flokka það undir "mislukkað lífshlaup" að vera flugmaður.

Þeir eru greinilega stórhættulegir og nauðsynlegt að rannsaka þá vel og vandlega.

[Þorsteinn Briem, 18.7.2016 kl. 01:31]

Síðastliðinn föstudag:

"Óttinn við hryðjuverk er fyrirferðarmikill í hugum Vestur-Evrópubúa þessi misserin.

Það er ekki að undra, því tölfræðilegar upplýsingar sýna að hryðjuverkum í Vestur-Evrópu hefur fjölgað á síðustu tveimur árum miðað við árin næst á undan.

Sé horft lengra aftur í tímann kemur þó á daginn að hryðjuverkaógnin var síst minni í Vestur-Evrópu fyrir nokkrum áratugum.

Fyrirtækið Datagraver hefur tekið saman upplýsingar um hryðjuverk í Vestur-Evrópu frá árinu 1970 og sett upp í myndræna töflu sem sjá má hér fyrir neðan:"



Súlurnar sýna fjölda fólks sem hefur látið lífið í hryðjuverkaárásum en bláa línan sýnir fjölda árása hvert ár.

[Jón Valur Jensson, 18.7.2016 kl. 02:01]

Gerðu ekki lítið úr því að hætti "(g)óða fólksins", Ómar, að fjöldamorðinginn í Nice var islamisti með islamistísk markmið. Hann var ekki "sturlaður maður", heldur maður sem hafði islamíserazt samtímis því að hafa farið að stunda moskugöngur um hálfu ári fyrr. Hryðjuverkið var vandlega undirbúið (ekkert sem sturlaður maður hefði ráðið við), hann aflaði sér vopna, leigði 25 tonna sendibílinn, fór prufuferð um götuna tveimur dögum fyrir fjöldamorðið og sendi foreldrum sínum milljónir (ísl.) vegna verksins. Horfstu í augu við staðreyndir! 

 

[Húsari. (IP-tala skráð) 18.7.2016 kl. 09:35]

Sæll Ómar.

Ástæða er til að taka undir þau sjónarmið
sem fram koma hér að ofan.

Í Kóraninum er fjandskapur staðfestur milli
Islamista og vestræns samfélags en þar stendur þetta:

Þú skalt ekki gera kristna menn og gyðinga
að vinum þínum.

Þarf frekari vitnanna við?

Hvet þig til að horfast í augu við staðreyndir
þessa máls.

[Valdimar Samúelsson, 18.7.2016 kl. 10:02]

Ómar ég er löngu búinn að missa álit á þér og í raun klóraði ég mér í hausinn þegar þú reyndir takeoff með ofhlaðna flugvél fyrir framan flugslýli tvö þega nýja 727 Boeing vélin kom.

Sjáðu þessir morðingjar eru Múslímar og metta ef fólk sem lifir í þeirri trú að hinumegin bíður þeirra himnaríku þar sem þeir þurfa ekki að nauðga konum né drepa börn. Þeir fá æðstu orður fyrir allar aðgerðir í þá átt að geta drepið sem flesta af öðrum trúarflokkum sem þeir ná til.Þú mátt kalla þetta geðveiki en þetta eru morð af yfirlögðu ráð og ekkert annað.

Ómar þú ert Blaðmaður en lestu ekki fréttir sjálfur. Ég ætla mér ekki að gera lítið úr þér en stundum ofbýður mér hve þú tekur undir dráp og nauðganir múslíma og ver allt sem þeir gera.

Hugsaðu málið og reyndu að ná hylli þjóðarinnar aftur.  

[Elín Sigurðardóttir (IP-tala skráð) 18.7.2016 kl. 10:50]

Þannig að Nató er samansafn geðsjúklinga og Jesú vorra tíma hrópar: "Það sem þið gerið mínum minnstu bræðrum hafið þið gert mér" áður en hann sprengir sig í loft upp.  Þetta er mjög mislukkað hvernig sem á það er litið.

[immalimm (IP-tala skráð) 18.7.2016 kl. 11:36]

Mjög góð innlegg frá Steina Briem. Línurit og súlurit á sömu myndinni með gríðargóðum útskýringum.  Nú þarf bara meira.

[Jón Valur Jensson, 18.7.2016 kl. 11:51]

Já, við getum reynt að vera fyndin með ýmsu móti, "immalimm"!

En Ómar virðist kjaftstopp í bili, eftir að hafa reynt þessa furðulegu "skýringu" sína á fjöldamorðinu, þ.e.a.s. að ódæðismaðurinn Muhamed Lahouaiej-Bouhlel hafi verið "þunglyndissjúklingur með sjálfsmorðshneigð" og hafi verið að "leita uppi einhverja ástæðu til svo hræðilegs ódæðis"!

Efast Ómar um, að islamstrúin, þar sem tilgangurinn helgar meðalið og sjálfsvígsmönnum heitið himnaríkisvist fyrir baráttu í þágu "málstaðarins", hafi haft þessi áhrif á manninn? Trúir hann ekki bróður mannsins?

Hættu að "skýra" augljósa hluti burt, Ómar, þér tókst það ekki hér. Og gerðu þér grein fyrir því, að þótt mikill meirihluti múslima sé friðsamt fólk, þá eykst hættan á öfgastefnu og ódæðisverkum sumra þeirra eftir því sem þeim fölgar á Vesturlöndum. Í Frakklandi eru nú þegar 5-6 milljónir múslima og auðvelt fyrir illræðismenn að leynast meðal þeirra.

[DoctorE (IP-tala skráð) 18.7.2016 kl. 16:17]

Sko Valdimar og JVJ alveg eins og hreinir ofstækismenn alltaf hreint, þeir eru klárlega partur af vandamálinu en ekki lausninni.

[Helgi Armannsson (IP-tala skráð) 19.7.2016 kl. 00:17]

her eru menn með geðræn vandamal að reina að gera Ómari lifið leitt bara firrir það að hafa skoðanir öðrvisi en þeir sjálfir.sammala þer DoctorE

[Jón Valur Jensson, 19.7.2016 kl. 11:29]

Ekki banna ég Ómari að hafa skoðanir!

Hvað heldur aftur af honum að svara einföldum spurningum á sinni eigin vefsíðu? Efast hann kannski sjálfur nú orðið um þær forsendur sem hann lagði upp með við skrif þessarar hugleiðingar sinnar hér ofar?