Allt í einu get ég átt von á þremur símtölum í stað eins.

Á innan við sólarhring hefur staða Geirfinnsmálsins tekið mikilli breytingu gagnvart mér, raunar meiri en í marga áratugi á undan,, því að við mig hafa rætt í trúnaði tvær manneskjur sem ekki hafa árætt að koma fram í fjóra áratugi vegna Geirfinnsmálsins, en gætu hugsanlega gert það nú og upplýst um mikilvæga þætti málsins. 

Í báðum tilfellum var mér tjáð, að forsendan fyrir því að ég yrði gerður að trúnaðarmanni og mér greint frá mikilsverðum atriðum væri sú að ég lofaði algerri þagmælsku og nafnleynd.  

Ég er sérstaklega hugsi eftir síðara samtalið og var raunar sem þrumu lostinn við að heyra það sem við mig var sagt. 

Báðar þessar frásagnir finnst mér afar trúverðugar. 

Segja má að með þessu hafi málið þrefaldast gagnvart mér, - ég get átt von á þremur símtölum um að það, að viðikomandi ætli að gera vitnesku sína opinbera, - í stað þess að hafa verið fram að þessu víðbúinn einu slíku símtali. 

Áhrifin eru tvíbent; annars vegar djúp hryggð yfir því hvaða ljósi þessi nýju trúnaðarviðtöl varpa á meðferð málsins fyrir 40 árum, og hryggð yfir því ef innihald þess, sem mér var sagt frá, kemst ekki upp á yfirborðið  , - hins vegar viss léttir við við það að bókin Hyldýpið virðist hafa hreyft við fólki, sem býr yfir mikilvægri vitneskju um þessi mál, svo að von sé um þau verði tekin upp og bætt úr þeim ágöllum og mistökum sem gerð voru. 

Á erfitt með að trúa frásögninni til fulls

Athugasemdir

[Steindór Sigurðsson (IP-tala skráð) 9.8.2016 kl. 19:15]

Mér finnst mjög ótrúlegt að viðkomandi hafi ekki getað játað að sig manndráp af gáleysi. Því að manndráp af gáleysi er ekki svo alvarlegur glæpur. Allavega hefði ég hiklaust gert það, þó ég voni að til þess komi aldrei.

En að láta þetta unga fólk sem dæmt var, þurfa að ganga í gegnum allt það sem það þurfti að ganga í gegnum alveg að ástæðulausu, það bara skil ég ekki.

Og enn síður skil ég dóm hæstaréttar, sem einn og sér er stóri glæpurinn í þessu öllu saman. Að dæma fólk með engin sönnunargögn, engan vettvang, enga ástæðu og ekkert morðvopn. Bara það er stórskandall. Og gerir það að verkum að Hæstiréttur er í besta falli "skrípó" og verður það um ókomna tíð. Og að leiðrétta ekkert á öllum þessum tíma er mér bara óskiljanlegt. Hæstiréttur er til háborinnar skammarog ekkert sem getur breytt því héðan af.

[Helgi Armannsson (IP-tala skráð) 9.8.2016 kl. 22:35]

 Sammala Steindór Sigurðsson enn ekki gleyma glæpa hyskinu i lögreglunni sem knúði fram játanir með pyntingum og alskins óþverra,þeir sem að því stóðu eru með a samviskunni að hafa visvitandi eyðilagt lif fjögurra ungmenna og valdið omældum þjáningum aðstandanda þeirra

[kristinn (IP-tala skráð) 9.8.2016 kl. 23:12]

ég er ekki að trúa þessarri frásögn
fyrsta lagi.
þá hefði Ómar ekki "týnt" eða "gleymt" þessu eins mikill fréttamaður og hann er
Í öðrulagi hefðu 3 menn aldrei þagað þetta lengi og látið fólk fara saklaust í fangelsi

[Johann Bogason (IP-tala skráð) 10.8.2016 kl. 01:11]

Hvað hleypur í þig, Ómar? 

Að einhver gaur hafi stoppað, og síðan bakkað yfir hausinn á Geirfinni(sem var með tveimur mönnum),losað sig seinna við líkið, sem hafði skrölt á hálshjörunum, án þess að félagar Geirfinns hafi minnst á þetta slysalega óhapp!?

[Bjarni (IP-tala skráð) 10.8.2016 kl. 01:15]

Í frásögninni segir að enginn hafi keyrt framhjá slysstaðnum en svo segist viðmælandi Ómars hafa farið frammúr bíl á leiðinni til Hafnarfjarðar.   Gengur ekki upp eða er ég að misskilja eitthvað?

[Steindór Sigurðsson (IP-tala skráð) 10.8.2016 kl. 01:52]

Já Helgi þetta er hárrétt hjá þér, það sem ég nefni er varla toppurinn á ísjakanum. Það má auðveldlega tína til miklu fleiri atriði en ég geri.

[Einar Jónsson (IP-tala skráð) 10.8.2016 kl. 21:52]

Blessaður Ómar, ég er svo lítið að hugsa um stað hætti uppi við Kaldársel. Mig minnir að ég hafi séð það einhvers staðar að þú hafir verið í sumarbúðunum, en ég var þar og undi mér vel. En það sem ég er að hugsa um, að líki sé varpað í gjótu sem ber það svo í Kaldá og undir hraunið til Straumsvíkur. Ég man í gamla daga að það voru svelgir sem andarungar drukknuðu í og komust ekki uppú. Ertu búinn að skoða einhverja staði fyrir neðan Kaldársel þar sem 85-90kg lík kæmist undir hraunið. Í gegnum tíðina hefur verið mjög mismunandi rennsli í Kaldá, í seinni árum vara náð Kaldárseli en ég man eftir í kringum 1970 rann á töluvert niður eftir frá bryggjunni við Kaldársel þar sem mjólkinn var geymd, kær kveðja Einar 893-9169

[Ómar Ragnarsson, 10.8.2016 kl. 21:59]

Það verður að lesa allan kaflann "Það var ég sem drap hann" og raunar aðdragandann allan til þess að skilja atburðarásina. 

Samkvæmt frásögn viðmælandans ók hann fram úr bíl á leiðinni frá slysstaðnum til Hafnarfjarðar, en þá stuttu stund sem hann staldraði við á slysstaðnum fór enginn bíll þar framhjá. Það á ekki að vera hægt að misskilja þetta. 

[Bjarni (IP-tala skráð) 11.8.2016 kl. 01:44]

 Bíllinn sem hann fór frammúr hefði hugsanlega getað komið inn á Reykjanesbrautina frá Straumsvík eða þar sem kvartmílubrautin er núna, sem eru í raun einu mögulekarnir.

Það er útilokað að hann hefði náð að fara framúr bil sem hafði farið framhjá slysstaðnum áður en slysið átti sér stað.