Svik við NATO sáttmálann ef árás á eitt ríki skoðast ekki sem árás á þau öll.

Grundvallaratriði NATO sáttmálans er að árás utan frá á eitt ríki bandalagsins skoðist sem árás á þau öll. 

Þetta var höfuðatriðið í málflutningi þeirra, sem gerðu varnarsamninginn við Bandaríkin 1951. 

Bjarni Benediktsson utanríkisráðherra sagði: "Ef ráðist er á einhver ríki bandalagsins er ástæða til þess að óttast, að sú árás verði ekki gerð á garðinn þar sem hann er hæstur, heldur þar sem hann er lægstur."

Bjarni sagði að þess vegna yrði að tryggja að Íslands bíði ekki slíkt hlutskipti að vera án varnarviðbúnaðar á landi.

Það er af þessum sökum sem lönd eins og Pólland og Eystrasaltslöndin þrýstu á að komast undir verndarvæng NATO í trausti þess að árás á þau verði skilgreind sem árás á öll NATO-ríkin, þar með talin Bandaríkin. 

Þegar Donald Trump gefur yfirlýsingu um að vafasamt geti orðið að Bandaríkin uppfylli höfuðatriði NATO-sáttmálans eru það stórtíðindi.

Sem betur fer tekur Trump ekki við völdum fyrr en eftir tæpar sex vikur.

Fram að þeim tíma er Barack Obama forseti BNA en ekki Trump.

Það er því tími til stefnu fyrir Trump að hætta við slíkt gönuhlaup sem það er að standa við þessa yfirlýsingu hans um að Bandaríkin áskilji sér rétt til að hlaupa frá skuldbindingum sínum.

Annað mál er að NATO-ríkin setjist á rökstóla og komist að samkomulagi um breytta fjárhagslega þátttöku í vörnunum og hugsanlega nauðsynlega endurskipulagningu heraflans, sem Trump getur sætt sig við. 

Furðulegt er að sjá hvernig grunnmúruð óbeit á ESB kveikir í bloggheimum skrif um að það, sem er að gerast í þessum málum, megi skrifa allt á stórveldisdrauma ESB en fría Bandaríkjamenn og jafnvel NATO. 

Frá upphafi 1949 hefur yfirmaður herafla bandalagsins verið Bandaríkjamaður, flest annað undir stjórn Bandaríkjamanna og þeir lang áhrifamestir og valdamestir innan NATO. 

Trump myndi gera gott í því að nota þann tíma, sem hann hefur fyrir valdatökuna, til þess að beita sér fyrir slökun spennunar sem er orðin í samskiptum Bandaríkjamanna og Rússa en er bráðnauðsynlegt að minnka. 

Það getur tekið einhvern tíma að ná þessum tveimur markmiðum en í raun ætti ekki að vera annað í boði.

 

  

Trump snúi ekki baki við Evrópu

Athugasemdir

[Þorsteinn Briem, 13.11.2016 kl. 18:10]

"Kjarni Atlantshafsbandalagsins (NATO) er 5. grein stofnsáttmálans, þar sem því er lýst yfir að árás á eitt bandalagsríki í Evrópu eða Norður-Ameríku jafngildi árás á þau öll.

En 5. greinin hefur aðeins verið notuð einu sinni, 12. september 2001, eftir hryðjuverkaárás á Bandaríkin."

[gunnar (IP-tala skráð) 13.11.2016 kl. 18:33]

Veistu Ómar, mér skilst að Bjarni Ben sé reyndar fjármálaráðherra

[Ómar Ragnarsson, 13.11.2016 kl. 18:49]

Það er ekki rétt. Bjarni Benediktsson, sem var utanríkisráðherra frá 1947 til 1953, var fæddur árið 1908 og væri 109 ára gamall núna, ef hann hefði getað lifað svo lengi. 

[Hilmar (IP-tala skráð) 13.11.2016 kl. 20:24]

Líkt of aðrir sósíalistar, þá violtu náttúrulega ekki horfa á alla myndina Ómar, heldur halda þig við hatur á öllu því sem til hægri er við þig.

Efvópumenn, og þá sérstaklega Frakkar, vilja ekki borga evrusent meira í sameiginlegum vörnum Nató. Því lendir stærsti hlutinn á Bandaríkjamönnum fyrir varnir Evrópu. Þó svo að það sé í stofnsáttmála Nató, að árás á eitt land sé árás á þau öll, þá er afar, afar ólíklegt að Evrópuþjóðiur þurfi nokkurn tíma að koma Bandaríkjamönnum til varnar, enda eru þeir fullfærir um það sjálfir. Með öðrum orðum, í paraxis þýðir þetta ákvæði að Bandaríkjamenn koma Evrópubúum til varnar, ef á þau er ráðist.

[Hilmar (IP-tala skráð) 13.11.2016 kl. 20:39]

Var of fljótur að senda fyrra svar, enda fjarri því búinn að afgreiða ruglið.

Frakkar eru og hafa verið lítt hrifnir af Nató, enda telja þeir að vera í bandalaginu hefti þá um of í sinni utanríkispólitík. Fyrir það fyrsta, þá hafa þeir enga stjórn á bandalaginu, og þeir geta lent vitlausu megin ef Nató fer í stríð gegn þjóð sem hefur geopólitíska þýðingu fyrir Frakka. Þannig virkjuðu Frakkar ekki fyrrgreint ákvæði Nató vegna fjöldamorðanna í Frakklandi, heldur einungis ákvæði sambærilegt ákvæði í ESB samningnum. Með þessu halda þeir Bandaríkjamönnum frá ákvaðanatöku og umsagnarrétti, og voru í raun að segja, við getum þetta alveg hérna í Evrópu, án þáttöku Bandaríkjanna. ESB hafði enga fyrirvara á þessu fyrirkomulagi.

Trump er bara að segja, ef þið getið þetta upp á ykkar eigin spýtur, þá er það bara ágætt, en ef þið viljið að Bandaríkjamenn verndi ykkur, án þess að fá nokkuð í staðinn, þá skulu þið bara borga fyrir þjónustuna.

[Þorsteinn Briem, 13.11.2016 kl. 21:15]

"En 5. greinin hefur aðeins verið notuð einu sinni, 12. september 2001, eftir hryðjuverkaárás á Bandaríkin."

Og hvers vegna ætli það hafi nú verið.

[Þorsteinn Briem, 13.11.2016 kl. 21:18]

"Báðir turnar World Trade Center hrundu til grunna og miklar skemmdir urðu bæði á nærliggjandi byggingum og á Pentagon.

Auk hryðjuverkamannanna 19 létu 2973 lífið í árásunum.

Árásirnar höfðu mikil áhrif á alþjóðasamfélagið.

Eftir þær hófu Bandaríkjamenn stríðið gegn hryðjuverkum, réðust inn í Afganistan og steyptu þar talíbanastjórninni úr stóli og tveimur árum seinna í Írak."

[Þorsteinn Briem, 13.11.2016 kl. 21:21]

"... þurfi nokkurn tíma að koma Bandaríkjamönnum til varnar, enda eru þeir fullfærir um það sjálfir."

Hvernig er staðan núna í Afganistan og Írak?!

[Þorsteinn Briem, 13.11.2016 kl. 21:23]

Ég hélt að kommúnistaríkið Kúba hefði lengi verið við bæjardyr Bandaríkjanna.

[Þorsteinn Briem, 13.11.2016 kl. 21:25]

Ég hélt að Bandaríkin hefðu tapað stríðinu í Víetnam.

[Þorsteinn Briem, 13.11.2016 kl. 21:28]

Ég hélt að Bandaríkin hefðu verið í stríði á Kóreuskaganum og kommúnistaríkið Norður-Kórea hefði lengi verið til.

[Þorsteinn Briem, 13.11.2016 kl. 21:29]

En þetta er kannski allt saman einn stór misskilningur.

[Þorsteinn Briem, 13.11.2016 kl. 21:39]

"Líkt of aðrir sósíalistar, þá violtu náttúrulega ekki horfa á alla myndina Ómar, heldur halda þig við hatur á öllu því sem til hægri er við þig."

"The European People's Party er langstærsti hópurinn á Evrópuþinginu en hann er bandalag hægri- og miðflokka."

[Þorsteinn Briem, 13.11.2016 kl. 21:40]

Ég vissi ekki að öllum Norðurlöndunum væri stjórnað af vinstri flokkum.

[Þorsteinn Briem, 13.11.2016 kl. 21:41]

Öðrum Evrópuríkjum er einnig langflestum stjórnað af mið- og hægriflokkum.

[Þorsteinn Briem, 13.11.2016 kl. 21:43]

Í Seinni heimsstyrjöldinni lifðu Íslendingar fyrst á breska hernum en þvínæst á þeim bandaríska fram á þessa öld.

Þáverandi utanríkisráðherra, nú á jötu sægreifanna og kominn út í móa, grátbað bandaríska herinn um að vera hér áfram en allt kom fyrir ekki og sá undir iljarnar á hernum þegar hann fór héðan út um allar heimsins koppagrundir sumarið 2006 til að verja mann og annan.

Þá var hins vegar svo mikið "góðæri" í landinu að ráða varð tugi Pólverja, búsetta í Reykjavík, og greiða þeim 700 þúsund krónur á mánuði fyrir að pakka niður búslóðum bandaríska hersins á Miðnesheiði eins fljótt og auðið væri.

Lítils voru þá virði mörg og fögur íslensk tár sem féllu í Hvíta húsinu.

[Þorsteinn Briem, 13.11.2016 kl. 21:44]

George W. Bush og Davíð Oddsson í Hvíta húsinu
í júlí 2004. Davíð var utanríkisráðherra frá 15.
september 2004 þar til Halldór Ásgrímsson
skipaði hann seðlabankastjóra ári síðar.

[Þorsteinn Briem, 13.11.2016 kl. 21:47]

17.12.1979:

"Í þessum umræðum kom í ljós að herinn lét ekkert af mörkum til almannavarna hér á landi, sem þó hafði verið samið um í upphafi.

Eina húsið í bænum, sem nokkurn veginn væri öruggt skjól í, væri kjallari Morgunblaðshússins, en þar er vart skjól fyrir fleiri en þingflokk Sjálfstæðisflokksins og ritstjóra Morgunblaðsins."

Aronska og ættjarðarást

[Þorsteinn Briem, 13.11.2016 kl. 21:52]

Margir Íslendingar vildu að bandaríski herinn legði meira af mörkum til íslensks samfélags, ekki síst vegna þess að herinn væri hér til að verja Bandaríkin.

Bandaríski herinn er úti um allar heimsins koppagrundir til að verja eigin hagsmuni en ekki til dæmis íslenska.

Rétt eins og breski herinn kom hingað til Íslands í Seinni heimsstyrjöldinni til að gæta breskra hagsmuna en ekki íslenskra.

Enda sást undir iljarnar á bandaríska hernum þegar hann hafði sjálfur ekki hag af því að vera hér lengur árið 2006.

Þrátt fyrir að Davíð Oddsson grátbæði bandarísk stjórnvöld um það.

Íslenskir vinstrimenn vildu hins vegar margir hverjir að bandaríski herinn færi sem fyrst héðan frá Íslandi en ekki að hann færi að leggja hér meira af mörkum.

Herflugvélar frá nokkrum ríkjum, sem aðild eiga að Atlantshafsbandalaginu (NATO), þar á meðal Bandaríkjunum, hafa hins vegar komið hingað til Íslands undanfarin ár til æfinga í nokkrar vikur á ári, að beiðni íslenskra stjórnvalda, enda er Ísland í NATO.

Þessi ríki hafa sjálf hag af þessum æfingum og að þekkja þokkalega vel til aðstæðna hér á Íslandi.

En þetta er sjálfsagt allt mjög "vinstri sinnað".

[Bjarne Örn Hansen (IP-tala skráð) 13.11.2016 kl. 22:49]

Eruð þið virkilega svona illa gefnir, að þið haldið að EF Rússland sprengi upp Evrópu .. að allir Bandaríkjamenn muni fremja sjálfsmorð, til að sína samstöðu sína?

Þá eigið þið bágt, og reglulega mikið af því.