Nú er erfitt að trúa.

Ef rétt er munað hefur eina yfirlýsingin, sem verið hefur stanslaust í gangi hjá Benedikt Jóhannessyni frá því skömmu fyrir kosningar, verið sú að hann ætlaði sér ekki að verða "þriðja hjólið" undir núverandi ríkisstjórn. 

Með Bjarta framtíð límda við sig í fyrstu stjórnarmyndunarviðræðunum var Benedikt að láta reyna á stjórnarmynstur, þar sem aðeins Sjálfstæðisflokkurinn væri með, en Framsóknarflokkurinn ekki. 

Þótt viðhorfin kunni að breytast smátt og smátt eftir því sem stjórnarmyndun dregst á langinn, er það einkennilegt ef Bjarni Benediktsson hefur boðið Benedikt sæti í núverandi ríkisstjórn eins og það er orðað í nýrri frétt á mbl.is

Enda fylgir það fréttinni að Benedikt hafi hafnað tilboðinu. Og skyldi engan undra. En síðan er það annað mál hvort trúlegt sé að svona tilboð hafi virkilega verið gert í hádeginu í gær. 

Benedikt afþakkaði boð Bjarna

Athugasemdir

[B.N. (IP-tala skráð) 29.11.2016 kl. 22:05]

Hlutlaust þá tel ég að xD, xB og Viðreisn sé eini raunhæfi kosturinn sem kom út úr þessum kosningum. Ég tel að það sé stutt í næstu kosningar ef þetta gegnur ekki eftir og þá mun Viðreisn hverfa af þingi

Baldvin Nielsen 

[Þorsteinn Briem, 29.11.2016 kl. 23:15]

Sjálfstæðisflokkurinn hefur allt frá árinu 1929 fyrst og fremst verið kosningabandalag frjálslyndra og íhaldsmanna.

Fólk sem kýs Sjálfstæðisflokkinn aðhyllist einstaklingshyggju, frjálslyndi, frjálshyggju eða íhaldsstefnu.

Meira kraðak er nú varla til í einum stjórnmálaflokki og samstaðan oft lítil, enda hefur Sjálfstæðisflokkurinn margsinnis klofnað og brot úr flokknum myndað ríkisstjórn með öðrum stjórnmálaflokkum.

Steini Briem, 7.4.2014

[Þorsteinn Briem, 29.11.2016 kl. 23:17]

29.4.2013:

"Hanna Birna Kristjánsdóttir, varaformaður Sjálfstæðisflokksins, sagði í framboðsræðu til formanns á landsfundi flokksins árið 2011 Sjálfstæðisflokkinn pikkfastan í 36% fylgi og það væri eitthvað sem hún gæti ekki sætt sig við.

Þessi ummæli Hönnu Birnu hafa verið rifjuð upp í ljósi þess að Sjálfstæðisflokkurinn fékk 26,7% í kosningunum á laugardaginn, sem er næstminnsta fylgi flokksins í sögunni."

Hanna Birna sagði árið 2011 Sjálfstæðisflokkinn pikkfastan í 36% fylgi - Vildi setja markið miklu hærra

[Þorsteinn Briem, 29.11.2016 kl. 23:30]

Viðreisn er frjálslyndur hægri flokkur sem vill aðild Íslands að Evrópusambandinu.

Kjósendur Viðreisnar í kosningunum í síðastliðnum mánuði kusu flestir ekki Sjálfstæðisflokkinn í þingkosningunum árið 2013 þegar flokkurinn fékk 26,7% fylgi og ekkert sem bendir til að þeir kjósi hann aftur.

[Þjóðólfur í Forsæti (IP-tala skráð) 29.11.2016 kl. 23:31]

Viðreisnin skriplaði á skötu,

skipinu sló alveg flötu,

Bensi  því telur,

og það ekkert felur,

að þreifingar valdi á Kötu...

http://www.mbl.is/frettir/innlent/2016/11/29/telur_bjarna_vera_ad_raeda_vid_katrinu/

 

[Þorsteinn Briem, 29.11.2016 kl. 23:39]

"Benedikt Jóhannesson formaður Viðreisnar segir líta út fyrir að flokkurinn sé í lykilstöðu fyrir stjórnarmyndun.

Áður en hann hélt inn á fund forseta sagðist hann aðspurður ekki útiloka neitt stjórnarsamstarf nema eitt og átti þá við að ganga inn í meirihlutasamstarf með fráfarandi ríkisstjórnarflokkum."

Steini Briem, 31.10.2016