Skúmurinn er enn harðsnúnari.

Þegar dýr eða fuglar venda afkvæmi sín eða ból, greni eða hreiður, geta þau sýnd harðfylgni og grimmd sem er langt fram yfir það sem þau sýna að öðrum kosti. 

Skúmurinn er frægur fyrir hörku í þessum efnum og er fylginn sér á veiðum. 

Eitt sinn þegar ég var að fljúga lágt til myndatöku rétt upp af sandströndinni fyrir vestan Jökulsárlón gerðist það tvisvar að skúmar flugu upp og réðust á flygildið, sem er aðeins 120 kíló. 

Ég ætlaði ekki að trúa mínum eigin augum. Annar þeirra gerði tvívegis árásir á mig og mér varð ekki um sel, því að í þessu flygildi situr maður alveg óvarinn og berskjaldaður líkt og á trjátrumbi. 

Ég geri ráð fyrir að þeir hafi verið að verja hreiður sín frekar en veiðilönd, þótt svona létt flygildi sé ekki mikið þyngra en stærstu fuglar. 

Ég var því fljótur til að víkja út yfir fjöruna og hækka flugið svo að fleiri skúmar yrðu ekki truflaðir. 

Svanur ræðst á kind (myndskeið)

Athugasemdir

[Örlygur Kvaran (IP-tala skráð) 7.7.2017 kl. 04:13]

Þetta er eins mikið bull eins og strútur stýngi höfuð ofan í sand. Ef þessi maður er lærður fuglafræðingur á hann að vita að Svanur eða álft getur ekki drepið svo mikið sem mús. 

[Örlygur Kvaran (IP-tala skráð) 7.7.2017 kl. 04:35]

Málið er að fólk er heimskt og trúir að mús elski ost þegar mús elskar korn betur, eða þegar fólk heldur að strútur stíngi höfðinu í sandin en ekki að þeir leggi höfuð við hlustir . Og að ástæðan fyrir hræðslu fýla á mús er að mýs fara inn í ranan á fýlum.

[DG (IP-tala skráð) 7.7.2017 kl. 15:59]

Það er nauðsynlegt að gera sér grein fyrir því þegar horft er á þetta myndbrot að hér er ekki endilega um að ræða alveg náttúrulegt atferli milli álfta og sauðfés á Íslenskum afréttum. það er ekki eins og við séum að horfa á villta náttúru í gegnum ósýnilegt auga. Þvert á móti það er ekki hægt að gleyma árifum örþyrlunnar á atburðarásina hér. Svo virðist í fyrstu sem að álftin hafi gefið ánni viðeigandi ámynnigu um að halda sig fjarri en þegar örþyrlan kemur nær verður álftin mjög óróleg aftur. Ekki skrýtið nú er ráðist á hana úr tveim áttum. Álft mun auðvitað sjá og varast varg úr lofti.