Gabríel og loforðin.

Rétt er að taka strax fram, að neðangreindar hugleiðingar, sem hér eru tengdar við nýjustu skoðanakönnunina, eiga ekki sérstaklega við Flokk fólksins, heldur almennt við framboðin öll.

Við upphaf kosningabaráttunnar núna voru talsmenn flokkanna nokkuð sammála um það að of mikill loforðaflaumur þeirra hefðu orðið til trafala við síðustu stjórnarmyndun. 

Flokkarnir hefðu verið búnir að lofa að gera hitt og þetta og að vera ekki í stjórn með hinum og þessum og að nú myndu þeir læra af þessu og haga sér öðruvísi. 

En kosningabaráttan var varla byrjuð þegar þetta loforð, um að gefa ekki of mikil loforð, varð það fyrsta sem ekki reyndist hægt að standa við. 

Svo virðist, að þegar fjöldi og stærð loforða allra framboðanna séu lögð saman, kemur út meira magn en í fyrra!

Tilhneigingin til að gefa loforð hlýtur að vera byggð á því að stjórnmálamennirnir haldi, að það laði til sín kjósendur. 

En þá verða líka að vera líkindi til þess að flokkurinn geti komið sínum málum í gegn ef hann kemst í stjórn eftir kosningar. 

Nú þegar hafa verið talsverðar sveiflur á fylginu í skoðanakönnunum og þá vaknar spurningin um það hvort þær stafa af misjöfnu áliti kjósenda á loforðunum og hvort líklegt sé að þau verði efnd. 

Þetta getur leitt hugann til þess almennt, hvort hin og þessi loforð og heitstrengingar séu merki þess að mannkyninu hafi lítt þokað í andlegum og siðferðilegum efnum síðan Gabríel erkiengill var sendur að því er ritningin segir, niður á jörðina fyrir 2000 árum til þess að rétta syndakúrsins af með hjálp heilagrar Maríu. 

Hvort nú sé svo komið að full þörf sé á að hann komi aftur í sams konar leiðangri. Ef hann kæmi núna til Íslands, hver yrðu svör okkar nú?

Á facebooksíðu minni  túlkar lagið Gabríel og loforðin þessa spurningu. Lagið var eftir "syngjandi nunnuna" Jeanine Deckers og varð eina belgíska lagið til að komat á topp vinsældalista un allan heim, líka í Ameríku.  

Þetta undur gerðist árið 1963.  En íslenski textinn er svona; 

 

Fyrir rúmum 2000 árum var Gabríel erkiengill sendur til jarðarinnar til þess að rétta kúrsinn af hjá syndugum jarðarbúum með hjálp heilagrar Maríu. En það er spurning, hvort það sé kominn tími á að hann verði að gera þetta aftur, þetta versni bara, - komi þá til Íslands og fái þetta svar: 

 

Íslendingar:  Svona vertu ekki reiður, elsku vinur, Gabríel, 

              breytt viðhorf gætu nægt. 

              Að rétta kúrsinn af á ný 

              við að klóra bakkann í

              eftir því sem það er hægt. 

 

Gabríel:      Lífsins höfuðsyndir villt og galið hérna drýgja menn. 

              Ein sú helsta´er taumlaus græðgin svo í hrun hér stefndir enn. 

 

Íslendingar:  Svona vertu ekki reiður, elsku vinur, Gabríel. 

              Hér verður gerð tiltekt. 

              Munu vinna´af þrótti´að því 

              þing og ríkisstjórn hér ný

              ef að það er mögulegt. 

 

Gabríel:      Ein sú þjóðaríþrótt dafnar eftir því sem sagt er mér

              að menn þjófnað með því stundi´að svíkja undan skatti hér. 

 

Íslendingar:  Svona vertu ekki reiður, elsku vinur, Gabríel.

              Hér verður gerð tiltekt. 

              Ef að einhver illt hér vann

              ætlum við að góma hann

              ef að það er mögulegt. 

 

Gabríel:      Alltof algengt er að lygi, tál og losta stundið þið

              og þið láta verði strax af þessum skaðvænlega sið. 

 

Íslendingar:  Svona, vertu ekki reiður elsku vinur Gabríel. 

              Við viljum bragarbót, - 

              reyna´að klóra bakkann í

              þótt við koksum oft á því 

              við að krafla upp í mót. 

 

Gabríel:      Ein af dauðasyndum viðurkenndum hvers kyns hroki er

              og af honum meira´en nóg víst eiga Íslendingar hér. 

 

Íslendingar:  Svona, vertu ekki svartsýnn elsku vinur Gabríel. 

              Við vinnum fyrir rest,

              því að þjóðin afbragð er, - 

              allir sjálfvitarnir hér, 

              sem að þekkja þetta best. 

 

              Er göfug þjóðin gengur nú

              til glæstra sigra´í von og trú

              verður það með víkingaklappi

              í villtum takti, klapp! Klapp!  Húh!!

 

 

 

 

 

 

 

 

 

Mikið fylgistap Flokks fólksins

Athugasemdir

[Haukur Kristinsson (IP-tala skráð) 17.10.2017 kl. 15:25]

Magnús Þór Haf­steins­son, Karl Gauti Hjaltason og Ólaf­ur Ísleifs­son eru lukkuriddarar sem kjósendur kunna ekki að meta. Vilja komast í lítt krefjandi og vel borgað starf, í þægilega innivinnu. Flokkurinn eða stefna flokksins skiptir þá engu máli, núll. Reiknuðu sér út góða möguleika hjá FF, flokk rasista. Ergo; banal lukkuriddarar.

[Jón Ólafur (IP-tala skráð) 17.10.2017 kl. 16:52]

Nú er ég handviss um að Gabriel erkiengill er mér sammála,  við þurfum þroskað og lífsreynt fólk á Alþingi Íslendinga, ef ekki á illa að fara fyrir Íslenskri þjóð. En ekki eihverja hasshausa sem hafa lítið annað gert um dagana, en að lepja latte kaffi í 101.                                                         Nú vilja Píratar láta viðurkenna"þriðja" kynið, greinilegt að einhverjir hafa orðið fyrir skaða.                                                                Það er lítilsvirðing við kjósendur þessa lands, og ófært með öllu, að menn sem ekki hafa getað stjórnað sínu eigin lífi(fjármálum og fíkn) fari að stjórna fjármálum þjóðarinnar, en VG elítan virðist vera á öru máli, eins og oft áður.  Síðan þurfum að taka til í þjóðfélaginu, og afnema 110 ára regluna á leyniskjöunum, sem VG og Samfylkingin tróðu í gegnum Alþingi.       

[Þorsteinn Briem, 17.10.2017 kl. 20:22]

Mér sýnist á allri þvælunni í þér og fleirum á þessu bloggi um 101 Reykjavík að þið séuð sjálfir mestu rugludallarnir, "Jón Ólafur".

Í engu öðru póstnúmeri á landinu er aflað meiri erlends gjaldeyris en 101 Reykjavík.

Undirritaður bjó í nokkra áratugi í póstnúmerinu 101 Reykjavík en aldrei drakk ég meira kaffi en þegar ég bjó í áratug í norðlenskum afdal, þar sem íbúarnir lifðu að mestu leyti á skattgreiðslum frá höfuðborgarsvæðinu, þar sem langflestir skattgreiðendur og neytendur búa.

[Þorsteinn Briem, 17.10.2017 kl. 20:24]

Erlendir ferðamenn fara nær allir í miðbæ Reykjavíkur og langflestir þeirra gista á hótelum og gistiheimilum vestan Kringlumýrarbrautar í Reykjavík.

En sumir halda að Kópavogur sé þungamiðja höfuðborgarsvæðisins, enda þótt einungis um þriðjungur íbúa svæðisins búi sunnan Reykjavíkur og hlutfallslega meira sé byggt í Mosfellsbæ en Kópavogi.

Vestan Kringlumýrarbrautar í Reykjavík eru þrír háskólar með meira 20 þúsund nemendur og kennara.

Hversu margir háskólar eru í Kópavogi?!

Gamla höfnin í Reykjavík er langstærsta fiskihöfn Íslands og þar er HB Grandi, stærsta sjávarútvegsfyrirtæki landsins, ásamt fjölmörgum öðrum sjávarútvegsfyrirtækjum.

Hversu miklum fiski er landað í Kópavogi og er Sundahöfn, langstærsta inn- og útflutningshöfn Íslands, þar sem langflest erlend skemmtiferðaskip leggjast að bryggju, í Kópavogi?!

Og er Landspítalinn, stærsti vinnustaður Íslands með um fimm þúsund starfsmenn, í Kópavogi?!

Er Hallgrímskirkja, fjölsóttasti ferðamannastaður landsins, í Kópavogi?!

Störf í ferðaþjónustu og tengdum greinum eins og veitingarekstri eru yfir 22% allra starfa á Íslandi, um 70% þeirra eru á höfuðborgarsvæðinu og þar eru langflest hótel, gistiheimili og veitingastaðir vestan Kringlumýrarbrautar í Reykjavík.

Og þar verður að sjálfsögðu haldið áfram að fjölga hótelum, gistiheimilum og veitingastöðum vegna þess að erlendir ferðamenn hafa mun meiri áhuga á að gista þar en til að mynda í Kópavogi.

Laugavegurinn, Hverfisgata, Skólavörðustígurinn, Lækjargata, Austurvöllur, Alþingi og stjórnarráðsbyggingar eru í Reykjavík en ekki Kópavogi og miðbærinn í Reykjavík er við Gömlu höfnina en ekki til að mynda í Kringlunni.

Við Laugaveginn einan starfa fleiri en í Kringlunni og Smáralind í Kópavogi samanlagt.

[Þorsteinn Briem, 17.10.2017 kl. 20:25]

Er stærsta fiskihöfnin á Íslandi, og jafnvel í öllum heiminum, í Kópavogi?!

Horft yfir Reykja­vík­ur­höfn. Mbl.is/RAX

[Þorsteinn Briem, 17.10.2017 kl. 20:29]

"Hagkerfi margra vestrænna landa byggist nú á þjónustu og samkvæmt Alþjóðagjaldeyrissjóðnum veittu Bandaríkin mesta þjónustu árið 2005.

Næstmesta veittu Japan og Þýskaland en þjónusta myndaði þá 78,5% hagkerfis Bandaríkjanna."

En það skilja Sjálfstæðisflokkurinn og Framsóknarflokkurinn engan veginn.

Þjónusta - Vörur

[Þorsteinn Briem, 17.10.2017 kl. 21:25]

Dagur B. Eggertsson borgarstjóri síðastliðinn föstudag:

"Við erum stödd í stærsta uppbyggingarskeiði í Reykjavík frá upphafi.

Mikil þörf er á íbúðabyggingum til að mæta aukinni þörf fyrir húsnæði í höfuðborginni en lykilatriði í þeirri uppbyggingu sem nú stendur yfir er samvinna við traust leigu- og búseturéttarfélög sem rekin eru án hagnaðarsjónarmiða.

Þessi félög hafa fjárhagslega burði til að fara í uppbyggingu, enda stefnum við á að 2.500-3.000 leigu- og búseturéttaríbúðir fari af stað á árunum 2014-2019."

Nú þegar liggja fyrir staðfest áform um 4.145 íbúðir með þessum félögum:

1.000 íbúðir í samstarfi við verkalýðshreyfinguna, 1.340 námsmannaíbúðir, 470 búseturéttaríbúðir, um 450 íbúðir fyrir eldri borgara, 135 hjúkrunarrými, 110 sértæk búsetuúrræði og um 640 félagslegar íbúðir.

Allt um þetta hér.