Dæmi um gildi framtaks öflugra og virtra einstaklinga.

Störf Vigdísar Finnbogadóttur og Ólafs Ragnars Grímssonar eftir að þau létu af embætti sem forsetar Íslands eru dæmi um það hverju áhrifamiklir og hæfileikaríkir einstaklingar geta áorkað með atorku sinni og áhrifum, bæði á alþjóðavettvangi og hér heima til heilla fyrir land og þjóð og heimsbyggðina. 

Glæsileg framganga þeirra og hugsjónarík störf eru til mikils sóma og þótt aðeins sé litið til gjaldeyrisskapandi umsvifa í kringum árangur þeirra, eins og hin árlega ráðstefna Arctic Circle er dæmi um, skilar framtak þeirra margföldum ágóða miðað við fjárhagslegan stuðning, sem til þarf.  

Ólafur Ragnar fái 7 milljónir

Athugasemdir

[Jón Garðar (IP-tala skráð) 29.12.2017 kl. 11:52]

Já gott að Vigdís fann fjölina sina enda leist mörgum ekki á blikuna þegar hún gaf út að hún ætlaði að snúa sér að margmiðlun eftir að hún lét af störfum sem forseti lýðveldisins.

[Anna Sigríður Guðmundsdóttir (IP-tala skráð) 29.12.2017 kl. 14:18]

Ómar. Ég skil ekki þessa heimspólitík.

Vigdís Finnbogadóttir og Ólafur Ragnar Grímsson eru persónur sem eiga allt gott skilið. Það eiga líka allir aðrir þegnar samfélagsins allt gott skilið, þótt þeir hafi ekki setið upp með þær þungu klyfjar sem forsetaembættið á víst að rísa undir.

Mér finnst nú Kristján Eldjárn hafa verið sá flottasti í því forsetaembætti.

Eitt sinn heyrði ég sögu af því að Þórarinn Eldjárn, sonur Kristjáns forseta og hans konu, hefði lent einhverstaðar út af laganna varðaða sporinu. Lögreglu-talsmenn voru látnir spyrja forsetann Kritján að því hvað þeir ættu að gera við strákinn. Það var semsagt verið að gefa forsetanum Kristjáni Eldjárn tækifæri til að veita syni hans sérmeðferð, í laga og "réttar" ríkinu?

Kristján Eldjárn spurði þá "laganna" verði hvað þeir væru vanir að gera við svona menn? Svarið var nokkurn veginn þetta: við refsum þeim samkvæmt lögum og reglum.

Kristján Eldjárn á þá að hafa sagt: Ja, þá gerið þið það sama við Þórarinn Eldjárn.

Veit ekki hvort þessi saga er sönn, en boðskapur sögunnar er í mínum augum sannur og réttur.

Það á enginn rétt á sérmeðferð í laga og réttarlegum meðferðum.

Líklega á siðferðislega verjandi stjórnsýslukerfið margt ólært, bæði á Íslandi, og víðar í "réttar" stýrðu veröldinni?

M.b.kv.

[Pétur D. (IP-tala skráð) 29.12.2017 kl. 16:01]

Með fullri virðingu fyrir Ólafi Ragnari, sem sparaði skattgreiðendum hundruð milljarða með því að synja staðfestingu laganna varðandi ríkisábyrgð á Icesave, þá veður hann villu eins og aðrir íslenzkir stjórnmálamenn með því að styðja hnattræna hlýnunarsvindlið. Þannig að stórum hluta af þessum 7 milljónum verður einfaldlega kastað á glæ.

[Anna Sigríður Guðmundsdóttir (IP-tala skráð) 29.12.2017 kl. 17:12]

Pétur D. Alvitra almættið góða gefi að 7 miljónirnar opni blinda þriðja auga Ólafs Ragnars Grímssonar, og margra fleiri jarðarflakkara-skólakrakkanna blekktu.

M.b.kv.

[Pétur d. (IP-tala skráð) 30.12.2017 kl. 00:02]

Trú þín og bjartsýni er mikil, Anna Sigríður. Því miður hefur hvorki ÓRG né aðrir stjórnmálamenn þriðja augað. Og þekking þeirra á vísindahyggju og rökhugsun er  því miður mun minni en áhugi þeirra á skjótfengnum gróða.