Hægt að tæma svarta listann með einu landi á viku?

Á sínum tíma ráðlagði Donald Trump þeim, sem vildu ná langt í viðskiptalífinu, að skrifa hjá sér nöfn og ávirðingar þeirra, sem þeir teldu hafa staðið í vegi fyrir þeim á viðskiptaferli þeirra og refsa þeim síðar ef mögulegt væri. 

Hann gaf í skyn fyrir áramót að nú yrðu þær þjóðir settar á svartan lista, sem ekki greiddu atkvæði eins og Bandaríkin hjá Sameinuðu þjóðunum, og að þessum þjóðum yrði refsað við fyrsta tækifæri. Þetta er obbinn af aðildarþjóðunum 192. 

Hann refsaði Kanadamönnum með viðskiptabanni á farþegaþotur fyrir áramót og í dag eru það Pakistanar.

Það er næsta gömul ávirðing, sem tekin er fram, og kom fyrst til skjalanna fyrir næstum fjórum áratugum, þegar Rússar gerðu innrás í Pakistan. 

Bandaríkin stóðu þá fyrir alþjóðlegri fordæmingu á hernaði Rússa, beittu hvers kyns þvingunum og refsingum, eyðilögðu Ólympíuleikana í Moskvu 1980 og þar með líka í Los Angeles 1984, og studdu, ásamt Pakistönum, fyrirrennara Talibana í Afganistan, sem þá hétu Mujaheddin, leynt og ljóst í að gera innrásarliði Rússa lífið leitt og hrekja það loks úr landi sex árum síðar. 

En afleiðingin varð sú að skepnan reis gegn skapara sínum og réðist á New York og Washington árið 2001. 

Þá varð það allt í einu réttlætanlegt að gera það sama og Rússar höfðu verið fordæmdir fyrir 1979 og ráðast inn í Afganistan. 

Síðan þá hefur sú herför ekki skilað tilætluðum árangri og nú þykir ástæða til að kenna Pakistönum um það og refsa þeim fyrir það sem þeim var umbunað fyrir 1979-1985. 

Ef Trump heldur þessum hraða í beitingu refsivandarins, getur hann tæmt óvinaþjóðalistann á kjörtímabili sínu með því að veifa vendinum yfir einni þjóð í hverri viku.

Auðvelt verður að finna sakarefni, allt frá erlendum framförum í flugvélasmíði til sviksemi í samskiptum. 

Á íslensku er svona hegðun lýst með orðunum "að troða illsakir við" einhvern og finna ætíð ærna ástæðu til. 

Sérkennilegt hugarfar þegar valdamesti maður heims beitir því "til að endurvekja mátt og dýrð Ameríku."   

Fyrsta tíst Trumps 2018

Athugasemdir

[Halldór Jónsson, 2.1.2018 kl. 08:37]

Var það ekki Napoleon mikli sem sagði að sá sem ekki er með mér er á móti mér?

[Borgþór Jónsson, 2.1.2018 kl. 11:58]

Halldór,það er nú eiginlega frægara þegar Bush Bandaríkjaforseti sagði þetta í aðdraganda ólöglegs árásarstríðs síns gegn Írak.Þetta hefur verið hornsteinn Bandarískrar utanríkisstefnu um langann tíma.

Ég held að þetta innflutningsbann á Bombardier tengist í sjálfu sér ekki þessari atkvæðagreiðslu. Þetta er deila sem hefur staðið lengi ,og hlaut að enda með þessu.

Boeing og Airbus standa nú frammi fyrir vaxandi samkeppni frá framleiðendum í Japan ,Rússlandi og Kína og fyrstu viðbrögð eru að reyna að vernda þessi fyrirtæki.

Það eru einkum tvær þotur í sjónmáli sem eiga eftir að verða skeinuhættar ,en það eru Irkut MC 21 ,Rússneska þotan sem er í sama klassa og Boeing 737-800, og ónefnd Kínversk-Rúsnesk breiðþota.

MC 21 þotan er einum milljarði ódýrari en Boeing ,eyðir og mengar minna og er léttari í viðhaldi. Þetta skýrist aðallega af því að hún er í meira mæli byggð úr koltrrefjum en keppinautarnir. Mest munar um að vængirnir eru úr koltrefjum sem gerir kleyft að hafa þá mun þynnri.

Tilvonandi Kínversk Rússnesk breiðþota verður einnig með slíka vængi.

Að sögn þurfa slíkir vængir ekkert viðhald út líftíma vélarinnar.

Varðani aðstoðina.

Aðstoð Bandaríkjanna við önnur ríki var skorin gífurlega niður árið 2017. Þetta helgast væntanlega af því að að er að harðna verulega á dalnum í Bandaríkjunum og þeir hafa einfaldlega ekki efni á því að kaupa sér velvild lengur í sama mæli og þeir hafa gert. 

Kannski er þetta ekki eins mikið áfall fyrir þessi ríki eins og lítur út í fyrstu,af því að 35 til 100% af þessari aðstoð er hernaðaraðstoð og innifelur oftar en ekki skuldbindingar um að kaupa Bandarísk vopn.

Þetta er því merki um hnignun Bandaríska heimsveldisins ,sem í mínum huga er jákvætt. Þessir heimsveldisórar hafa valdið óhemju hörmungum um allan heim ,einkum frá falli Sovétríkjanna.

Gallinn er að heimsveldi em eru að líða undir lok geta verið mjög hættuleg. Það er ekki víst að við verðum aftur eins heppin og þegar Sovétríkin gáfu upp öndina.

[Jónas Gunnlaugsson, 2.1.2018 kl. 12:05]

Rússland, Pútin, lokaði strax á viðskipti við löndin sem, skapraunuðu Rússlandi, það er settu viðskiptabann á Rússland.

Það er oft að menn svara fyrir sig.

Ef þú villt ekki vinna með mér, þá er það þitt mál.

Nú, á ég að fara að snúast í kring um þann aðila sem vill ekki vinna með mér? ...

...

Allar þjóðirnar og Bandaríkin líka, eru húsdýr á bás hjá þessari einkareknu peninga elítu, bókhalds færslu elítu,  sem aðeins skrifar töluna, og segist svo hafa lánað peningabókfærsluna.

Kunnum við ekki að skammast okkar, fyrir að vera hugsunarlaus húsdýr á bás hjá fjármálaöflunum?

Og svo þykjumst við hugsa, svei attann !!!!!

lesa:

Er fólkið í Bandaríkjunum, orðið þreytt á því, að láta segja sér að nú þurfi að herja á hinum ýmsu stöðum, vegna, og það er ekki sagt, baráttu peningaaflana, nú 80% undir stjórn Sádi-Arabíu.

Egilsstaðir, 02.01.2018  Jónas Gunnlaugsson

[Jónas Gunnlaugsson, 2.1.2018 kl. 13:05]

Gleðilegar hátíðir, bæði fram og aftur, við vitum að fortíðin, nútiminn og framtíðin er allt til.

Nú breytum við öllu til góðs á 10 árum, meira en við höfum gert á síðustu 100 árum.

Forsenda þess að við getum lagað aðstæðurnar, er að einhverjir geti hugsað þessar aðstæður upp, eða eins og Nikola Tesla sagði, náð í lausnirnar frá KJARNANUM.

Við notun orðin, frá Heilögum Anda og frá Guði.

Nóg er til, en ef þú, nærð ekki í það, hugsar það ekki upp, það er hlustar ekki á náttúruna, Kjarnan, Heilagan Anda, það er Guð, þá verður, þú, við öll föst í fortíðinni.

Þerra hvert tár, og á fullu inn í ljósið og litina og lærum af kennurunum, Jesú og Nikola Tesla.

000

Viðtal við Nikola Tesla frá árinu, 1899:

Nikola Tesla var einn af þeim, sem fluttu þjóðunum blessun og leystu fólkið úr ánauð þekkingarleysisins? Þekkingin skapar allsnæktir. Nústaðreyndatrúin stóð á móti Jesú og Nikola Tesla. Við skulum færa Jesú og Tesla aftur inn í skólanna.

000

Það virðist sem Albert Einstein segi eins og Nikola Tesla að allt komi frá kjarnanum, the Core, eins og Nikola Tesla sagði. Við erum vanir að nota orðin, frá heilögum anda, og frá Guði.

Egilsstaðir, 02.01.2017 Jónas Gunnlaugsson