Það þarf ekki snjó til.

Það þarf ekki snjó til að það blasi við hve akstur og umferðarmenning eru skammt á veg komin hjá okkur hér á klakanum, - líka þegar það er enginn klaki. 

Í sumum tilfellum er jafnvel skárra að vissir ökukmenn láti einkabílinn eiga sig ákveðna daga, svo rugluð er umferðin oft á tíðum. 

Meira að segja æpir þetta oft á mann þegar bílar eru kyrrstæðir í bílastæðum. 

Ætla að skutla inn nokkrum myndum frá því í dag og í gær. 

A efri myndinni er litli bíllinn til hægri inni á sínu stæði, án þess að fara út fyrir. 

A neðri myndinni virðist bílstjórinn leggja vísvitandi nógu langt frá ytri mörkum stæðisins til hægri til þess að eyðileggja möguleika á því að stæðin í röðinni nýtist til fulls.

Nema að hann sé algerlega sofandi fyrir neinum öðrum í umferðinni nema sjálfum sér, sem er lítið skárra.                                                                                                                                              

                                                              Ö. S. Þegar neðri myndin var tekin var snjóföl á jörðu og því sást það ekki að allt auða rýmið frá dökka bílnum til vinstri að gangstéttarbrún til hægri er blátt undir snjólaginu og ætlað hreyfihömluðum.  

Það breytir ekki meginatriðinu, að ef ljósgrái bíllinn var með leyfi til að leggja í svona stæði, kom hann í veg fyrir að annar hreyfihamlaður bílstjóri gæti nýtt sér rýmið. 

Ráðherra skýtur á aksturshæfileika borgarbúa

Athugasemdir

[Pétur D. (IP-tala skráð) 6.2.2018 kl. 17:50]

neðri myndin er tekin fyrir framan Bónus í Spönginni og bílnum er lagt í tvö stæði samtímis ætluð fötluðum.

[Þorsteinn Briem, 6.2.2018 kl. 17:54]

Harla ólíklegt að meira snjói á Akranesi en á höfuðborgarsvæðinu, þannig að Akurnesingar séu vanari og betri í að aka í miklum snjó en þeir sem búa á höfuðborgarsvæðinu.

Við sunnanverðan Faxaflóa, frá Akranesi að Garði, býr mikill meirihluti landsmanna vegna þess að þar er mikil veðursæld og bestu fiskimiðin við landið.

Á öðrum landsvæðum býr hins vegar Framsóknarflokkurinn.

[Kristján Jón Sveinbjörnsson (IP-tala skráð) 6.2.2018 kl. 19:56]

Þetta er nú full kjánalegt hjá ráðherranum að vera með þetta óverðskulduga skot á aksturshæfni borgarbúa, það eru ekki sömu aðstæður í borginni eða í litlu krummaskuðunum úti á landi, í Reykjavík má ekkert út af bera til að verði allsherjar krísa og slys, meðal annars þarf fólk að fara sér hægt og varlega, mér finnst umferðin hafa gengið furðu vel fyrir sig að undanförnu og flestir sýna tillitsemi og gefa sénsa svo látum það eiga sig að vera gera jafnvel illt verra með barnalegum athugasemdum sér í lagi fólk sem á eða vera til fyrirmyndar.