"Solarcars on the run!"

"Sólbílar á ferðinni!" sem eitt af atriðunum í komandi óhjákvæmilegum orkuskiptum mannkyns er ein af setningunum sem sungnar eru í hvatningar tónlistarmyndbandinu "Let it be done!"

Þegar textinn og myndbandið voru sett saman mátti deila um, hvort væri þessi sýn væri raunhæf. 

En nú er meira að segja farið að framleiða létta eins manns sólbíla, sem byggjast á svipaðri samvinnu fóta og sólarhorku og rafreiðhjól. 

Þak er yfir ökumanni, þakið sólarsellum. 

Úr því að hvatningarsetningin um sólbílana fékk að fljóta með í myndbandinu, stefnir í að það sé að verða úrelt og að það þurfi að leita að myndskeiði sem sýni slíkan bíl. 

Ég hef séð slíkt myndskeið á netinu og nú er að leita það uppi. 

Stefnt er að því að setja tónlistarmyndbandið "Let it be done!" í núverandi mynd inn á facebook síðu mína seinna í dag og breyta því myndbandi síðan við fyrsta tækifæri. 

Suðurpólför á sólarknúnum plastbíl

Athugasemdir

[Þorsteinn Briem, 24.3.2018 kl. 13:50]

Þetta er nú ljóti leirburðurinn í þér, Ómar Ragnarsson.

En hver flýgur eins og hann er fiðraður.

[Vagn (IP-tala skráð) 24.3.2018 kl. 15:08]

https://organictransit.com/

Kemst um 4 km á 25 km hraða á klukkutíma hleðslu. Tekur 8 tíma í björtu sólskini að hlaða rafhlöðu sem gefur þá um 30 km drægi.

[Vagn (IP-tala skráð) 24.3.2018 kl. 17:09]

...Kemst um 4 km á 25 km hraða á klukkutíma hleðslu....semsagt ekki góður flóttabíll. En "on the run" þýðir "á flótta".

"On The Run" eru einnig smásöluverslanir reknar á bensínstöðvum af ExxonMobile.

[Ómar Ragnarsson, 24.3.2018 kl. 17:29]

Takk, Vagn. Ég bar textann undir löggiltan skjalaþýðanda varðandi það hvort hægt væri að snúa út úr textanum.

Hann staðfesti að vel mætti nota orðin "on the run" um eitthvað sem væri á ferli, á fleygiferð, án þess að um flótta væri að ræða.  

En það er nú orðið nokkurn veginn öruggt, að Steini veit allt svo miklu betur heldur en ég  og er svo mikið í mun um að stimpla sem flest sem ég skrifa, sem "meira bullið" og "meira leirburðinn", að honum munar ekki um að höggva mann og annan í viðbót við mig í leiðinni í hverjum bloggpistlinum af fætur öðrum. 

[Ómar Ragnarsson, 24.3.2018 kl. 17:53]

Þess má geta að ég kynntist verslanakeðjunni On the Run vel á árunum 1998 til 2006 þegar ég ók tugþúsundir kílómetra í Norður-Ameríku og Evrópu, enda munu vera 1789 verslanir með þessu nafni í 40 löndum. 

Þær hafa fengið viðurkenningar fyrir framúrskarandi þjónustu þrátt fyrir þann "ljóta leirburð" sem Steini segir að felist í nafni þeirra. 

Í öll þau ótal skipti sem ég verslaði í On the Run  verslununum óraði mig aldrei fyrir að milljónir viðskiptavina væru flóttamenn. 

[Valdimar Samúelsson, 24.3.2018 kl. 19:49]

Skemmtileg hugmynd og meir svona háskóla stútenda leikur. Hvað ef Thorium verður sleppt lausu. Verðum við samt að þjáðst með of litla bíla og halda áfram að setja út á jarðefna orkunotkun. Banna Afríku og öðrum löndum sem mega ekki framleiða rafmagn með kolum sem eru í þeirra heimalöndum og að elda sinn mat og hita með trjágreinum.?  

[Valdimar Samúelsson, 24.3.2018 kl. 20:00]

Ómar veist þú annars um þessa Thorium. Summir telja þetta vitleysu en aðrir segja þetta vera staðreyndir en auðvita vitum við að svona löguðu yrði haldi leyndu eins og t.d Lear á sínum tíma og að vatn er orka.settu einn dropa inn á dísel vél.  

[Ómar Ragnarsson, 24.3.2018 kl. 20:11]

Ég kíkti svolítið á þetta fyrir nokkrum árum. Þóríum hefur marga kosti fram yfir úraníum. Úraníum er takmarkað en þóríum er til í margfalt meira magni, og geislamengun miklu meiri í kringum úraníum. 

"Gallinn" við Þóríum er að ekki er hægt að nota það í kjarnorkuvopn og því hafa kjarnorkuveldin víst takmarkaðan áhuga að fara út í dýrar rannsóknir og þróun. 

En fyrir nokkrum árum var talað um Kínverjar ætluðu að fara í auknar rannsóknir á þóríum, - veit ekki hvort nokkuð hefur gerst í því máli. 

[Vagn (IP-tala skráð) 24.3.2018 kl. 20:24]

Það er ekki að ástæðulausu sem löggiltir skjalaþýðendur eru ekki kallaðir til þegar þýða þarf bókmenntir.

Það var ég en ekki Steini sem benti á verslanirnar og hvorugur okkar sagði nafnið á verslununum leirburð, nóg er samt skotið á hann og nóg annað hefur hann á samviskunni.

[Valdimar Samúelsson, 24.3.2018 kl. 20:57]

Takk Ómar. Maður hefir séð greinar um thorium bíla sem myndu hafa orku í 100 ár.Þegar þú talar um Kína en þegar ég var þar síðast c. 2014 þá var ég í rútu sem stóð á experimental ég vissi að þetta var ekki rafmagns en það var einhvað skrítið hljóð svo mig grunaði að þetta væri thorium.

Þarf að kanna þetta en grunar að þeir séu að gera einhvað sniðugt.

[Ómar Ragnarsson, 24.3.2018 kl. 21:04]

Ég var einmitt að þakka þér fyrir athugasemdina, Vagn, en Steini benti ekki á verslanirnar heldur gaf sér það eitt, að það eina sem ég birti í pistlinum, "solar cars on the run" og heiti lagsins, "Let it be done!" væri ljótur leirburður. 

Ég gerði textann haustið 2015 og bar hann þá undir fornvin minn, Eið Guðnason fyrrum ráðherra og víðlesinn mann, mikinn málamann eftir margra áratuga störf víða um lönd, fyrst sem fréttamaður en síðar sem alþingismaður, ráðherra og  sendiherra í að minnsta kosti tveimur löndum, - og upphaflega með réttindi sem löggiltur skjalaþýðandi í ensku. 

[Ómar Ragnarsson, 24.3.2018 kl. 23:16]

Þú ert ekki einn um það, Már, að líða fyrir þessa linnulausu árás stóryrða og illyrða í yfirgengilegu magni af stríðsletri á bloggsíðu mína.

Menn hafa hringt í mig og kvartað sáran, sumir hrokknir frá, - hafa ekki sætt sig við þessa óvenjulega stóru, langvarandi og rætnu innrás og utanaðkomandi algerri umbyltingu á innihaldi og útliti síðunnar. 

Þótt leitað sé um bloggsíður veit ég ekki um neina hliðstæðu þess hvernig maðurinn lætur. Ég sé engan annan síðuhafa sem þarf að búa við svona. 

Ég skil vel óánægju þeirra, sem hafa haft samband við mig, þvi að ekkert dagblað myndi líða það að einhver einstaklingur úti í bæ færi að kaffæra efni blaðsins með því að moka inn margföldu efni í blaðið með stóryrðum og fúkyrðum og ræna ritstjóra og blaðamenn valdi yfir útliti, innihaldi, efnisvali og niðurröðun . 

Ég hef séð tvisvar athugasemd undir hans nafni á öðrum síðum en þessari, en þá af eðlilegri lengd og með eðlilegru letri en ekki með fúkyrðum og persónulegu skítkasti í ofurmagni eins hann hefur stundað á minni síðu árum saman. 

Hvergi hef ég séð hann annars staðar ráðast persónulega beint á síðuhafa eins og hann gerir á minni síðu, nú daglega og jafnvel oft á dag. 

Ég gerði tilraun til þess í fyrrasumar þegar um þverbak keyrði hjá honum, að útiloka hann frá síðu minni, enda ætti hann, ef hann er jafn stórkostlegur og hann telur sig sjálfan vera, að eiga auðvelt með að stofna eigin bloggsíðu eða umgangast mína síðu á sama hátt og hann umgengst aðrar. 

Þá tók hann bara nafn manns, sem hann sagði vera son sinn, traustataki með nýrri IP-tölu, eignaði honum skítkast sitt með þeim orðum að fyrir ofbeldi mitt skyldi skepnuskapur minn verða uppi meðan land byggðist!

Sem sagt: Hótanir um að draga ættingja sína inn í þetta og að færa óhróðurskraftinn upp á verra stig. 

Í nokkrar vikur hvarf hann alveg nú um áramótin, en er nú aftur kominn og hefur versnað með hverjum degi. 

Hann svífst einskis og ég á því um þrennt að velja, þar af tvennt, sem myndi verða til þess að ég eyddi því sem eftir væri ævinnar, jafnvel dag og nótt, í að reyna að þurrka út athugasemdir hans. 

1. Að beita því ritstjórnarvaldi sem bloggsíðuhafar hafa, til að þurrka út ómálefnalegar og grófyrtar athugasemdir hans. Þetta hef ég reynt ítrekað í gegnum árin en hann virðist hafa nógan tíma til að endurtaka athugasemdirnar og troða þeim inn á ný, enda notar hann copy paste ótæpilega og hefur endurtekið sumt af því svo tugum og hundruðum skiptir, jafnvel orðnar áratugs gamlar. 

2. Að taka næsta skref og loka alveg fyrir hann hjá mér. Þetta reyndi ég í fyrrasumar eins og áður sagði, og það gerði hann bara enn verri. 

3. Að setja frest (delay) á birtingu athugasemda. Þetta gera margir síðuhafar og kannski verður það þrautaráðið þótt það valdi því að drepa niður það flæði, sem eftirsóknarvert er. 

4. Að leggja síðuna bara niður og sjá, hvað þá gerist.

Ég ætla að íhuga málið og gera eitthvað í því.   

[Ómar Ragnarsson, 24.3.2018 kl. 23:35]

Ég klúðraði tæknilegu atriði áðan, sem varð til þess að athyglisverð athugasemd Más Elíssonar, sem var áður á undan þeirri, sem er hér næst fyrir ofan, datt alveg út. 

En í athugasemd minni hér að ofan birti ég andsvar við athugasemd Más.

Már hvatti mig til aðgerða gegn þeim ruddaskap sem alltof lengi hefur tröllriðið bloggsíðu minni af hendi manns, sem margir viðmælendur mínir og kunningjar hafa verið mjög óhressir með að hafi gert síðuna hvað eftir annað svo árum skipti að afmynduðum risahaug ómálefnalegrar og gífuryrtrar umræðu, sem sé svo mikið lýti á síðunni,að hún beri skaða af.

Már bendir réttilega á að eitthvað verði að gera til þess að koma til móts við þá, sem telji þetta ekki viðunandi.