Enginn aðili málsins virðist vera með hreinan skjöld.

Það er erfitt að vera áhorfandi að heimsmálunum á þessum síðustu tímum falskra frétta. 

Enginn aðili eiturefnamála síðustu daga er með hreinan skjöld frá fortíðinni. 

Sumir segja sem svo að Assad og Rússar hafi enga ástæðu til þess að vera að klúðra málstað sínum í unninni stöðu með því að láta efnavopnaárás viðgangast. 

Á móti kemur, að bæði Assad og Saddam Hussein á sínum tíma gerðu efnavopnaárásir á eigin þegna. 

Þegar Saddam Hussein sallaði Kúrda niður komst hann upp með það, því að þá var hann í náðinni hjá Bandaríkjamönnum, sem studdu hann með ráðum og dáð í gersamlega tilgangslausu stríði við Írani.

Þegar Saddam féll síðan í ónáð hjá Kananum með innrásinni í Kúveit, spann sami maður og nú eggjar Donald Trump til "dáða", það upp að Saddam Hússein byggi yfir "gereyðingarvopnum." 

Það reyndist tómt bull og Trump hefur ásakað George W. Bush og síðar Hillary Clinton og Barack Obama fyrir að bera ábyrgð á öllum hörmungunum í Írak og Sýrlandi. 

Samt ætlar hann hugsanlega fara að svipuðum ráðum hjá Bolt og voru hið mesta óráð 2003 og 2011. 

Og nú spyrja sumir: EF ásakanirnar um efnavopnaeign voru rangar 2003, af hverju skyldu þær vera réttar nú? 

Bretar tóku undir þær 2003, og skyldu Bretar vera á svipuðu róli nú varðandi árásina á Douma og árásina á Skripal?

Rússar hafa stutt harðstjórann Assad alla tíð og bera sífellt af honum blak. Hví skyldi þeim vera treystandi?  

Og í þessu andrúmslofti algers vantrausts á þjóðarleiðtogunum, sem standa fyrir hervirkjunum í Sýrlandi, þurfa þjóðir heims kannski að verða viðbúnar þvílíkum hernaði í Miðausturlöndum, að fyrra rugl, manndráp og eyðilegging, verði að hreinum smámunum í samanburðinum. 

Íhuga hernaðaraðgerðir í Sýrlandi

Athugasemdir

[Borgþór Jónsson, 10.4.2018 kl. 09:58]

Það er nú orðið augljóst hvernig þessum Skriptal farsa í Bretlandi muni ljúka.

Þess er vandlega gætt aðenginn sjái þetta fólk og enginn geti talað við þau.Ekki ættingjarnir,ekki fréttamenn og ekki Rússneska sendiráðið.

Næsta sem gerist er að þau verða svift persónueinkennum sínum og sett í "vitnavernd" í Bandaríkjunum. Þar munu þau "gefa út yfirlýsingar" í einhvern tíma í gegnum þriðja aðila.

Þau eru mikilvæg vitni. Þegar þau hafa ekki lengur neitt notagildi verður þeim svo lógað í kyrrþey. Enginn mun vita af því,af því að persónueinkenni þeirra verða ekki lengur til. Það verður að búa þannig um hnútana að þau getir aldrei upplýst um hvað gerðist.

Þetta fólk nýtur ekki verndar,það er í gísligu.