Undanteking sem sannar regluna?

Merkilegt má teljast hve margir þeirra, sem telja sig berjast fyrir kristnum gildum og frelsi einstaklingsins, eru manna harðastir þegar kemur að því að lögreglumálum hvers konar og persónunjósnu í anda KGB og STASI. 

Þvert ofan í boðskap Krists um umburðarlyndi, skilning og fyrirgefningu til handa iðrandi syndurum, eru við lýði í landi frelsisins svo hræðilega harðar refsingar að undrun vekur. 

Donald Trump boðaði herta stefnu i þessum málum í framboðsræðum sínum, en hefur nú gert undantekningu og baðað sig í þráðu sviðsljósi. 

Er það vel, en eftir er að sjá hvort þetta verður undantekningin, sem sannar regluna. 

Hvað mun Trump ganga langt?

Athugasemdir

[Þorvaldur S (IP-tala skráð) 8.6.2018 kl. 09:03]

Er ekki algerlega ljóst að undantekningar sanna enga reglu? Væri svo mætti segja: "Jón er reglulega góður við dýr eins og sannast á því að hann sparkaði í hundinn í gær."

Enda er þetta röng þýðing á útlenskunni: exeptio probat regulam de rebus non exeptis = Undantekningin reynir á regluna  eða undantekningin sýnir regluna. 

[Húsari. (IP-tala skráð) 8.6.2018 kl. 10:00]

 Sæll Ómar.

Við skulum vona að pólitískt ofstæki 
komi ekki í veg fyrir að forseti vor
sýni lofsverðan stuðning sinn við
íslenska landsliðið.

[Hjalti Rúnar Ómarsson, 8.6.2018 kl. 11:14]

>"Þvert ofan í boðskap Krists um umburðarlyndi, skilning og fyrirgefningu til handa iðrandi syndurum, eru við lýði í landi frelsisins svo hræðilega harðar refsingar að undrun vekur. "

"Hræðilega harðar refsingar" eru engan veginn í mótsögn við boðskap Jesú. Í  guðspjöllunum talar Jesús um "eilífa refsingu" í "eilífum eldi" þar sem fólk sem honum líkar ekki við mun gráta og verða pínt að eilífu. Það er ekki til "hræðilega harðari refsing" en það.