Skynsamlegur áfangi.

Í ljósmæðradeilunni hefur verið tekist á við það álitamál, hvort og þá hve mikið hefur verið aukið við menntun ljósmæðranna miðað við sambærilegar stéttir, að það eitt réttlæti kjarabót umfram þessar viðmiðunarstéttir. 

Nú hefur verið samþykkt eins konar millibilsástand á meðan þetta viðfangsefni er krufið þannig til mergjar að ekki verði deilt um niðurstöðuna þegar þar að kemur. 

Eftir situr í kjaramálum launþega, að launahæstu stéttirnar, (að undanteknum forseta Íslands sem sjálfviljugur afsalaði sér hluta launanna, sem kjaradómur úthlutaði honum,) fari að fordæmi forsetans og afsali sér þeirri launahækkun, sem stefnir í að sprengja allt launakerfi í landinu.  

Þessi þjóðfélagshópur hafði á sínum tíma vald til að skipa málum þannig, að það setti allt launakerfið á hliðina, og hefur að sama skapi vald til að koma þessu í það horf, að sátt náist um laun í landinu. 

Þetta fólk hefur líka vald til að láta linna þeirri aðför sem stunduð er gegn lífeyrisþegum, að áfram verði minnst 40 prósent þeirra undir fátæktarmörkum 300 þúsund króna á mánuði. 

Það er miskunnarlaust gert með því að reyna að koma í veg fyrir að þessi hópur minnki með öllu tiltækum ráðum. 

Því að það að taka til baka "oftekinn" lífeyri er reynt að koma sem flestum í þessa fátæktrargildru. 

Á sama tíma og mokað er erlendu vinnuafli inn í landið eru í raun tekin allt að 83 prósent af þeim launum, sem gamla fólkið reyndir að bæta við lúsarlaun sín. 

Ljósmæðraverkfalli aflýst

Athugasemdir

[Húsari. (IP-tala skráð) 22.7.2018 kl. 09:48]

Sæll Ómar.

Þetta er eins og að snúa Faðirvorinu uppá andskotann.
Því í veröldinni ættu launamenn að afsala sér því 
sem höfðingjarnir hafast að og leyfa sér?

[Hörður Þormar (IP-tala skráð) 22.7.2018 kl. 10:35]

Hvað hafa eftirlaunaþegar, komnir á áttræðis aldur og eldri, að gera við milljónir á mánuði?

Eru þeir enn að borga fyrir börnin sín?