Íslands þúsund ár

9.10.2018 | 21:09

Notar hann líka "óyggjandi línurit"?

Undanfarin ár hafa ýmsar "sannanir" í formi "nýrra, réttra og óyggjandi gagna" varðandi loftslagsmál komið fram og verið sýnd til að hrekja það sem loftslagsnefnd Sameinuðu þjóðanna og aðrar alþjóðastofnanir hafa haldið fram.

Mörgum af þessum nýju gögnum hefur verið dreift á milli hóps manna, sem kalla má kuldatrúarmenn, þar eð þau eiga að sýna vaxandi jökla og ís og kólnandi veðurfar.

En einnig hafa verið á sveimi gögn sem afhjúpa eigi niðurstöður loftslagsnefndar Sþ um að koltvísýringur fari hratt vaxandi, - og þessi "betri" gögn sýni hið þveröfuga, að hann fari minnkandi.

Sem þýðir, að loftslagsnefnd Sþ og "fjörtíu þúsund fífl í París" og íslenska ríkisstjórnin haldi fram hreinum lygum í þeim efnum líka.

Nú hefur frambjóðandi í Brasilíu, sem segist vera brasilískur Trump, mest fylgi forsetaframbjóðenda og búist er við spennandi lokaumferð, þar sem hann hafi mikla möguleika á sigri.

Hann hefur opnað á að ryðja Amazónskógana, sem hafa verið kallaðir "lungu heimsins" og gera þetta langstærsta skógasvæði heims að landbúnaðarsvæði, væntanlega vegna þess að "rétt" gögn um loftslagsmálin hafi birst sem til dæmis sýni, að "í 600 milljón ár hafi aldrei verið minni koltvísýringur í andrúmsloftinu en er nú", svo vitnað sé í úrlestur úr einu af hinum "réttu" skjölum um málið, sem eru á sveimi.

Halldór Jónsson hefur nú verið svo vinsamlegur að segja frá því í athugasemd á þessari bloggsíðu hvenær hinn stórmerkilegi stórisannleikur birtist á hans síðu, hinn 21. maí í vor. Og það er fróðlegt að skoða það tímamótaskjal sem hefur að geyma svo stórfellda frétt, að með ólíkindum er að það skuli hafa farið fram hjá flestum ráðamönnum þjóðríkja heimsins og öllum þekktustu fjölmiðlum heimsins.

Því að það eitt, að svona gríðarlega stórt mál hafi verið þaggað niður er auðvitað eitthvert svívirðilegasta samsæri sögunnar. Á línuritinu er rauð lína, sem sýnir magn koltvísýrings í andrúmsloftinu síðustu 600 milljón ár, og á línuritinu er að sjá að minnsta magnið sé einmitt núna. Eða þannig lítur það út.

Hins vegar sýna línurit loftslagsnefndarinnar aðeins síðustu aldir eða árþúsundir.

Hvers vegna?

Vegna þess að það er sá tími sem skiptir núlifandi fólk og næstu kynslóðir máli. Hækkunin, Sþ sýnir, byrjar fyrir aðeins 200 árum og hröðunin í hækkuninni er mest síðustu áratugi. Af hverju sést þetta ekki á línuritinu, sem er biblía kuldatrúarmanna?

Svarið er einfalt þegar línuritið er skoðað nánar. Það er ekki hægt að sýna þetta á svona grófu línuriti sem felur inni í sér milljónir ára. Tíminn inni á kortinu er svo óhemju langur, að til dæmis hundrað þúsund ár taka aðeins yfir brot úr millimetra á kortinu Halldórs. Hver millimetri á því táknar aðeins 40 þúsund ár, og hver 0,1 millimetri,sem er raunar varla greinanlegur með mannsauga, táknar samt 4 þúsund ár.

0,024 millimetrar tákna þau 2000 ár sem liðin eru frá fæðingu Krists.

Tímabil aukningar koltvísýringsins síðustu tvær aldir, hvað þá síðustu áratuga, geta ekki því ekki sést á svona korti.

Á kortinu komast þessi 200 ár fyrir í 0,0024 millimetrum!

Með öðrum orðum: Það, sem á að sanna, er svo vendilega falið á þessu línuriti, að það sannar ekki nokkurn skapaðan hlut.

Fróðlegt væri að vita hvort hinn brasilíski Trump hefur séð þetta "gríðarlega mikilvæga sönnunargagn" og noti það þá væntanlega óspart, svo byltingarkennt sem það er.

	Náði ekki meirihluta atkvæða
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 22:32 | Facebook

Athugasemdir

Satt að segja þá finnst mér að Bolsonaro forsetaefni Brasilíu og eyðing frumskóganna þar vera meira áhyggjuefni heldur en skoðanir Halldórs Jónssonar á loftslagsmálum.

Hörður Þormar, 9.10.2018 kl. 23:17

Sæll Ómar.

Ég hef rekið mig á það fyrir margt löngu
að umræður um trúmál eru hreinasta tímasóun.

En takmörk eru fyrir öllu og þegar það er sett fram
í alvöru að sýnist að 4.5 miljarðar eigi að fara í loftslagsmál
á fjárlögum, - þá sé ég það fyrir mér sem hvert annað
loft af peningum sem hljóti að vera búið til vegna
annarra verkefna sem taki til sín slíkt óheyrilegt fjármagn
að eini kosturinn sé að afgreiða það með þessum hætti.

Forladelse!

Húsari. (IP-tala skráð) 9.10.2018 kl. 23:59

Jæja Ómar minn, ertu sem sagt að segja að ef þú myndir þysja inn á línuritinu þa myndi ferillinn taka stökk upp á við?

Viltu bara ekki teikna það inn með gögrnum ?

Halldór Jónsson, 10.10.2018 kl. 00:51

nú hlít ég að vera blindur. en sé hvergi hvernig menn mæla koltvísilhríng í margar aldir aftur í tíman menn geta mælt borkjarna séð þannig svæðisbundin hlýindi en ekki hnattræn. hvort hægt sé að sjá koltvídísilhring veit ég ekki menn verða aðskilja að jörðin er á stöðugri hreifíngu flekar hreifast til því er að bera saman tíðarfar nú og fyrir 6000 milljónum ára. maðurinn hefur lifað eitt stöðugasta tímabil jarðarinnar. fynst ekki samgjarnt að miða ástandið í dag við tíma óstöðuleikatímabil jarðarinnar án hjálpar manna nema ef stóru mennornir afi verið þá uppi og tungl nær jörðu 1000. ára sveipla er ekki mikkil í jarðsögunni

kristinn geir steindórsson briem (IP-tala skráð) 10.10.2018 kl. 09:40

Línurit í svona skala gefur ekki rými fyrir hreyfingu, sem er svo lítil á tímaskalanum, að mannsaugað greinir hana ekki. Vöxturinn hefur verið langmestur síðustu 20 ár, en 20 ár eru aðeins 0,00024 millimetrar á lárétta ásnum.

Ég get ekki þysjað neinu þar inn sem er svo smátt að mannsaugað greinir það ekk.

Ómar Ragnarsson, 10.10.2018 kl. 09:49

no.5. 20.ár er varla góður mælikvarði gæði rannsókna en gott og vel það væri kannski ráð að byggja aftur upp skóga Evrópu. um lungu heimsins þá er stærsta lungað sjórinn.sem er með um 50%. af kolefnisbindingu heimsins því er súrnun sjávar meira vandamál en hitnun jarðar um þessar mundir vonandi finna menn upp tækni sem breytir því, ef þessir ríku náttúvendarsinnar myndu gera út skip til að hreinsa úthöfin myndu það mögulega minka súrnun. eða er ríkt fólk bara náttúrverndarinnar á sunnudögum. en menga á virkum dögum líkt og sá enski. fyrir austan verksmiðjur hans eru ekki til fyrirmyndar í mengunarmálum

kristinn geir steindórsson briem (IP-tala skráð) 10.10.2018 kl. 11:40

Kristinn! Það er þröngt í búi hjá auðmönnum núna.
Við verðum að hafa skilning á því! Mætti athuga
með söfnun ef loftslagsdæmið klikkar!!

Húsari. (IP-tala skráð) 10.10.2018 kl. 14:27

no,7. erum stöðugt með safnanir til fátækra auðmanna létum þá hafa nokkur þúsund milljarða í hruninu. svo það væri reynadi að láta þá borga fyrir náttúrverndina í staðin. en við vitum að þeinm mum meira sem fátæka 1%. fær það fær aldrei nóg verri en nokkur blóðsuga

kristinn geir steindórsson briem (IP-tala skráð) 10.10.2018 kl. 15:51

Ég ætla ekki að dæma um hvort alþjóðastofnanir séu að stunda samsæri eða ekki. En mér skilst á málflutningi þeirra sem gerðu þetta línurit að málið sé að meint vensl koltvísýrings og hitastigs séu ekki fyrir hendi þegar litið er til langs tíma. Þannig er gefið í skyn að kenningin um loftslagsbreytingar vegna koltvísýrings séu í raun gervivísindi, enda séu venslin síðustu 200 árin tilviljun, sem merkir ekkert um framtíðina.

Þó vil ég taka undir það að það er sorglegt og skammarlegt hjá tilvonandi forseta Brasiíu að vernda ekki regnskóginn. Illu heilli er það sama á ferðini í Póllandi, þar sem síðasti frumskógur Evrópu hopar vegna skógarhöggs.

Egill Vondi, 10.10.2018 kl. 20:24