Tímamót í Kashoggimálinu.

Það eru tímamót í hinu alvarlega máli Sádi-Arabíska krónprinsins að ríkissjónvarp landsins skuli hafa játað, að Jamal Kashoggi hafi látist eftir átök á skrifstofu ræðismanns Sádi-Arabíu í Istanbul. 

Þótt orðalagið viðurkenni að vísu ekki nema örlítið brot af öllum sannleikanum, liggur samt fyrir að hópur sérþjálfaðra leyniþjónustumanna hafi í raun setið fyrir miðaldra blaðamanni í ræðismannsskrifstofunni og ráðist á hann, þvi varla hefur Kashoggi farið aleinn inn í húsið til þess að ráðast á þá, sem þar voru, þeirra á meðal harðsvíraða sérsveit.

Nú ríður á að krónprinsinn, sem hefur verið úlfur í sauðargæru varðandi það að láta líta svo út sem hann væri umbótasinnaður leiðtogi en í raun rekið afar harðneskjulega stjórnarstefnu bæði utan lands og inna, verði sviptur völdum og látinn sæta ábyrgð fyrir gjörðir sínar. 

Svo gríðarlegir hagsmunir eru í húfi bæði í Bandaríkjunum og Sádi-Arabíu og í heimsmálunum þar með, að héðan af verður þetta mál ekki leyst nema að það þyki slá á hið ófriðsamlega ástand, sem komið hefur upp í Miðausturlöndum. 

 

Khashoggi sagður hafa látist eftir átök

Athugasemdir

[Haukur Kristinsson (IP-tala skráð) 20.10.2018 kl. 13:08]

If you fail to avoid high inequality, you will need more prisons and more police. You will have to deal with higher rates of mental illness, drug abuse and every other kind of problems. If keeping taxes and benefits down leads to wider income differences, the need to deal with the ensuing social ills may force you to raise public expenditure to cope. From The Spirit Level. Why Equality is Better for Everyone, by Richard Wilkinson and Kate Pickett.

[Haukur Kristinsson (IP-tala skráð) 20.10.2018 kl. 13:11]

Biðst afsökunar. Átti að fara með næstu færslu Ómars.

[Halldór Egill Guðnason, 20.10.2018 kl. 18:43]

 Saudiklanið virðist geta komist upp með nánast hvað sem er, undir verndarvæng BNA og stuðningi. Þegar síðan Erdogan Tyrklandseinvaldur flækist í þessa atburðarrás, er tæpast von á því að nokkur vitræn skýring fáist á dauða blaðamannsins. Hvaða skýring sem gefin verður, munu forsvarsmenn Tyrklands og BNA kyngja kinnroðalaust, enda rasssleikjur Saudiklansins númer eitt og tvö, á heimsvísu, hvor sem raðast hærra. 

 "Money makes the world go round, the world go round". 

 Ömurlegt að fylgjast með þessari ósvinnu.

 Góðar stundir, með kveðju að sunnan.