Eflist við hverja raun.

Það þarf ansi mikið til að vera valinn maður leiks og fá einkunnina 9 í leik í Úrvalsdeild ensku knattspyrnunnar. 

En þetta afrekaði Gylfi Þór Sigurðsson í leik Everton við Cardiff í gær. 

Hann meiddist á ökkla í síðasta leik í tæklingu sem allir gátu séð að var mjög ruddaleg og því eðlilegt að hann væri ekki að harka meiðslin af sér út leikinn. 

Eins og sannur meistari eflist hann við mótlætið og er maður, sem leggur einstaklega hart að sér í hvívetna fyrir lið sitt. 

"Cryoff-markið" sem hann skoraði um daginn var eitthvað fallegasta snilldarmark sem hægt er að státa af, og það er svo sannarlega hægt að vera stoltur af þessum geðþekka og snjalla fulltrúar þjóðar okkar, sem hann er. 

Þjálfari Everton lofsyngur Gylfa

Athugasemdir

[B.N. (IP-tala skráð) 27.11.2018 kl. 19:12]

Ég fer til Liverpool á hverju ári sl. fimm ár eða svo á leik með þeim rauðu síðast 7. okt sl. á leikinn gegn City sem fram fór sömu helgina þegar Gylfi skoraði eins og Ómar sagði það

,,Cryoff-markið sem var eitthvað fallegasta snilldarmark sem hægt er að státa af, og það er svo sannarlega hægt að vera stoltur af þessum geðþekka og snjalla fulltrúar þjóðar okkar, sem hann er.''

Það er eitt vandamál hjá mér eftir að Gylfi fór til Everton það er þegar ég þarf að læðast inn í Everton búðina við hliðina á Liverpool búðinni til að kaupa búninga fyrir aðdáendur á Íslandi með Sigurdsson nafninu í fyrra keypti ég með númerinu 18 og í síðasta mánuði með númerinu 10 sem Gylfi fékk eftir að Rooney markahæsti leikmaður United frá upphafi og einnig enska landsliðsinsn hætti hjá Everton sl.vor.

Það eitt að hafa tekið við númerinu hans Rooney í haust segir allt sem segja þarf um þennan frábæra fótboltamann sem Gylfi Þór Sigurðsson er

Baldvin Nielsen