Íslands þúsund ár

12.7.2019 | 08:25

Comet missti forskotið og aðrir brunuðu fram úr.

1952 var svo að sjá, að Bretar myndu ná margra ára forskoti á Bandaríkjamenn í smíði farþegaþotna.

Comet var fyrsta farþegaþotan Í áætlunarflugi á sama tíma sem Boeing 707 var enn á teikniborðinu.

Þá dundu yfir nokkur alvarleg slys á Comet, sem leiddu af sér tímamótaviðbrögð varðandi rannsóknir á flugslysum.

En þotuöldin frestaðist á meðan.

Hún gekk síðan í garð hjá Bandaríkjamönnum og Bretum 1958 og ári síðar hjá Frökkum með smíði Caravelle-þotnanna.

En nú hafði samkeppnin snúist við, Bandaríkjamenn tekið forystu, sem þeir héldu næstu áratugina.

Comet flaug að vísu aftur og fólk flaug með henni, en aðgerðir til að gera hana örugga gerðu það að verkum, að ekki var hægt að koma nógu snemma með alveg nýja þotu, sem væri bæði stærri og hagkvæmari eins og Boeing 707 var þegar hún byrjaði að fljúga.

Hvað gerist nú varðandi samkeppni Boeing 737 Max og Airbus 320neo er enn ekki ljóst.

En í fyrsta skipti í sögu Boeing heyr verksmiðjan harða varnarbaráttu.

	Yfirmaður 737 MAX hættir
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Myndir þú fara með B737Max ef annað væri í boði?

Halldór Jónsson, 12.7.2019 kl. 12:01

Ég fór með B737MAX sem fór í síðustu ferð sína, það er, frá Keflavík-Brussel, en var kyrrsett eftir það flug án þess að það væri þó vitað fyrirfram.

En atburðir daganna á undan höfðu að mínu mati bent til að vélin hlyti að verða kyrrsett.

Daginn fyrir flugið kynnti ég mér á eftir föngum með viðtali við flugstjóra hjá Icelandair, vin minn, hvaða áhætta væri tekin með þessu flugi, og hann lýsti því vel hve vandlega flugstjórar Icelandair hefðu æft sig í því að nota sjálfstýrikerfi Max vélanna.

Niðurstaðan varð "calculated risk", að þetta áætlunarflug fæli kannski í sér tíu sinnum meiri áhættu en með annarri flugvélategund, en vegna hinnar óhemju lágu áhættu af nútíma áætlunaraflugi, væri áhættan af þessu tiltekna flugi hugsanlega um tíu sinnum minni en ef ég tæki Cessna Skyhawk og flygi henni.

Það var ekki um það að ræða nota annan möguleika til að komast til Brussel í tæka tíð.

Ómar Ragnarsson, 12.7.2019 kl. 13:13

Hefur ekkert með "calculated risk" að gera. MCAS kerfið var gallað, það hefur Beoing viðurkennt, sem þýðir "no go." Og það fyrir allar áhafnir, einnig íslenskar.

Haukur Kristinsson (IP-tala skráð) 12.7.2019 kl. 15:45

Ég myndi ekki fljúga með B737Max vél ef annað væri í boði.Er jafnvel ekki viss um að ég myndi fljúga með þeim yfirhöfuð ef þær fara aftur í umferð..

Mér þykir líka ótrausvekjandi hversu Icelandair brást seint við að kyrrsetja sínar vélar.Vildu sjá til..Icelandair hafði þar að auki ekki séð ástæðu til þess að kaupa öryggisbúnaðinn.

Japanir aftur á móti kyrrsettu sínar strax daginn eftir slysið.

Ruth (IP-tala skráð) 12.7.2019 kl. 18:40