Sífellt fleiri staðreyndir varðandi loftslagsbreytingar.

Það er fróðlegt að lesa viðtengda frétt á mbl.is nú rétt í þessu, sem er enn ein viðbótin við samfelldar fréttir af svipuðu tagi í sumar, en allar sýna glögglega á hvaða róli loftslag og veðurfar á jörðinni er með æ hlýjari árum á heimsvísu og öfgarnar í veðrinu æ meiri. 

Langmestu skógareldar sögunnar í Svíþjóð í fyrra, en í Síberíu í ár. 

Til að andmæla þessu sjást ýmsar kúnstugar tilraunir hér á blogginu, svo sem með því að leita uppi eina staðinn í Evrópu í hitabylgjunni, sem var með minna en 30 stiga hita, en það var á ysta útnára meginlandsins, Bretagneskaganum. 

Var sú hitatala, 25 stig, tekin sem sönnun um hinn raunverulega hita í álfunni, þar sem hitametin féllu í hrönnum um allar jarðir og það oftar en einu sinni á mörgum stöðum, allt upp í 43ja stiga hita. 

Í dag reynir annar bloggsíðuhafi að drepa málinu á dreif með birtingu ófullkomins línurit um sólbletti á síðasta árþúsundi, en á línuritið vantar síðustu tíu ár. 

Synt um götur Óslóar

Athugasemdir

[Vagn (IP-tala skráð) 4.8.2019 kl. 20:24]

Það er ýmislegt reynt. Sumir telja sig jafnvel geta tengt breytingar á veðri við hegðun manna og prump kúa. Og finna samskonar sannanir og sá sem fann kólnun á Bretagenskaganum.

Hvar væru bloggheimar ef veðrið tæki ekki stöðugum breytingum?

Með sama áframhaldi gæti orðið eins heitt og við landnám eða jafnvel eins og þegar suðrænn trjágróður óx á Hornströndum. En það er víst ekki óþekkt að það kólni nokkrar aldir þó á undan hafi farið nokkrir hlýir áratugir. Verður landið vaxið sýpris og pálmum eða ísi lagt um næstu aldamót?