Stór myndaskilti við íslensku skriðjöklana?

Fyrst Nýfundnalendingar geta grætt á bráðnun borgarísjaka og frætt ferðamenn í leiðinni um áhrif loftslagsbreytinga er svipað mögulegt hér á landi; stór myndaskilti við íslenska skriðjökla, sem sýna hve gríðarlega þeir hafa skroppið saman á ótrúlega fáum árum.  

Sem dæmi má nefna Gígjökul á Þórsmerkurleið, Sólheimajökul, Skaftafellsjökul, og Breiðamerkurjökul. 

Allir þessir staðir er þegar vinsælir ferðamannastaðir og verða enn áhugaverðari ef þessi stórbrotna eyðingarsaga þeirra er dregin fram á staðnum.  

Fylgjast með dauðateygjum borgaríssins

Athugasemdir

[Vagn (IP-tala skráð) 5.8.2019 kl. 01:32]

Það mætti þá einnig tæpa á lífshlaupi jöklanna. Og benda á þær stórbrotnu veðurfarsbreytingar sem urðu á fjórtándu öld sem skópu jökla og stækkuðu aðra gríðarlega.

Eftir 700 ára kuldaskeið hættu jöklar að stækka og fóru að skreppa saman. Sumir þeir yngstu munu hverfa áður en þeir ná því að verða 1000 ára.

Það er ábyggilega forvitnilegt fyrir ferðamennina að kynnast því hvernig veðurfar hér er stöðugt að færast í sama horf og var fyrir veðurfarsbreytingarnar á fjórtándu öld.

[Ómar Ragnarsson, 5.8.2019 kl. 10:09]

Því miður eru ekki til myndir af jöklunum fyrir 1890, en ýmislegt annað kemur til greina til að hafa á skiltunum.