Frekar að miða við fullveldistímann en lýðveldistímann.

Að sönnu var það mikill áfangi í sjálfstæðisbaráttunni, ekki síst út á við, þegar Ísland varð lýðveldi 1944, en í raun hafði óskoruðu fullveldi verið náð með skipun ríkisstjóra þremur árum fyrr og landið verið frjálst og fullvalda ríki 1918 með ákvæði, sem tryggði rétt þjóðarinnar til þess að verða lýðveldi 25 árum siðar. 

Því er hollt þegar minnst hefur verið aldar afmæli fullveldisins að miða frekar við sögu þess áfanga, sem var í raun sá stærsti, en við lýðveldistímann. 

Á sínum tíma komu þeir Hermann Jónasson og Eysteinn Jónsson eins og ferskir, hvítir stormsveipir inn í íslensk stjórnmál til að verða meirihluti ráðherranna í "stjórn hinna vinnandi stétta" 1934 og Áslaug Arna Sigurbjörnsdóttir er enn einn glæsilegur fulltrúi íslenskra kvenna, sem nú sest í framvarðasveit íslenskra stjórnmála. 


mbl.is Næstyngsti ráðherra sögunnar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Sæll Ómar - sem og aðrir gestir, þínir !

Ómar !

Hvað: er glæsilegt í fari Áslaugar Örnu Sigurbjörnsdóttur ?

Er skammtímaminni þitt ekki beysnara - en svo, síðuhafi góður ?

Þann 2. September s.l., sveik Áslaug Arna:: ásamt 45 samþingmönnum sínum þau okkar, sem nú erum á dögum - sem og alla afkomendur okkar og aðra samlanda og grundvallar hagsmuni okkar, í hendur purrkunnarlaus rumpulýðs fjáglæfra aflanna, innan alþingis / sem og utan þess:: innanlands sem og utan, með samþykkt Orkupakka III (einnar nýjustu afurðar Fjórða ríkisins EFTA/ESB/EES og ACER samsteypunnar) Ómar, með ófyrirsjánlegum afleiðingum fyrir land og mið, sem fólk og fénað.

Þessa: þarf að hefna grimmilega Ómar Ragnarsson, í stað þess að skjalla þennan óværu mannskap:: og er þá Guðni Th. Jóhannesson ekki undanskilinn, aukinheldur !!!

Með - fremur þungum kveðjum af Suðurlandi, að þessu sinni / 

Óskar Helgi Helgason (IP-tala skráð) 7.9.2019 kl. 14:48

2 Smámynd: Ómar Ragnarsson

Það að einhver sé "glæsilegur" stjórnmálamaður þarf ekki að segja neitt um það, hvort skoðanir hans og verk hans eða hennar sem stjórnmálamanns eða áhrifamanns séu slæm eða góð. 

Hermt var að Sókrates hefði vart verið meira en skinn og bein, svo að líkamlegum glæsileik var ekki fyrir að fara hjá því stórmenni. 

Hins vegar var ómennið Heydrich, sem Hitler fól upphaflega um að drepa tíu milljón Gyðinga, goðum líkur að líkamsburðum. 

Ómar Ragnarsson, 7.9.2019 kl. 22:00

3 identicon

Sæll á ný: Ómar !

Satt er það - það er svo sem sitthvað, gæfa eða gjörvileiki, fjölfræðingur góður.

Og rétt er það: þeir höfðust ólíkt að, Sókrates heitinn - og þeir Heydrich.

En ég - hreinskilinn Eyrbekkingurinn, get ekki með nokkru móti á mér setið:: ekki hvað sízt í ljósi misbrúkunar valdanna, af hálfu meirihluta alþingis svo og forsetans svo nefnda, sem all- ríflegur meirhluti landsmanna hefur staðið í trú á, að gætti hagsmuna Íslendinga þegar á kynni að reyna, en ekki fámennrar klíku æfintýra ruzlara lýðs á snærum og undir handarjaðri Enegeyjar ættarinnar:: sbr. Heiðar Má Guðjónsson (tengdason Björns Bjarnasonar) / Ásgeirs Margeirssonar Hvalár fóstra sjálfskipaðs (Vestur verks leiðarans) og Friðjóns Friðjónssonar, svo kallaðs almannatengils, svo bent sé á fáeina Ómar.

Landsmenn verða: að rísa upp gagnvart þessu liði / hvort: sem fólki líkar betur eða verr, eigi ekki sameiginlegar orkuauðlindir okkar og afkomenda okkar að verða að leiksoppi gróða fíklanna - í bráð og lengd.

Persónulega - er ég að undirbúa ákæru á hendur þeim þingmönnum Suður kjördæmis sem greiddu atkvæði sín með samþykkt OPIII Ómar, svo ekki verði ég vændur um á ókominni tíð, að hafa ekkert gert, til þess að sporna við uppivöðzlu Orkupakka III brjálseminnar, þó fremur séu lóð mín eins og sér lítil, á vogarskálar réttlætis og sanngirni.

En: reyna má.

Með - ögn skaplegri kveðjum, þetta sinnið, a.m.k. /  

Óskar Helgi Helgason (IP-tala skráð) 7.9.2019 kl. 22:38

4 identicon

Held að "glæsileikinn" hafi óvenju mikið vægi hjá Íslendingum þegar um pólitíkusa er að ræða. Minnist þess að þegar Þorgerður Katrín var í "zenith" frægðar sem stjórnmálamaður og ég fór að spyrja ættingja mína um hæfileika hennar, var svarið nær alltaf; hún er svo glæsileg. Ég var auðvitað engu nær.

Haukur Kristinsson (IP-tala skráð) 7.9.2019 kl. 22:44

5 identicon

Minn ágæti Óskar Helgi. Þú hefðir mátt nefna Benedikt Einarsson, en hann og Bjarni Ben eru bræðrasynir. Benedikt þessi ásamt Heiðari Má er með fókusinn á virkjunarréttindum í hvaða sprænu sem til sjávar rennur.

Haukur Kristinsson (IP-tala skráð) 7.9.2019 kl. 23:19

6 identicon

....

Haukur !

Jú: reyndar vissi ég, um hlutdeild hins lymskulega Benedikts Einarssonar, í margvíslegum brellum og sviksemi Engeyinganna / þó svo ég nefndi hann ekki, að þessu sinni.

Áfram getum við talið - hlutdeild Tryggva Þórs Herbertssonar og Ásmundar Einars Daðasonar, í svokölluðum vindmyllugörðum, ekki hvað sízt.

Ráðabruggin leynazt víða Haukur: og spyrja mætti líka, hvað sýnilegir og ósýnilegi braskarar hafi keypt þorra alþingismanna:: svo og Guðna Th. Jóhannesson dýrt, í öllum þessum aðdraganda aðfararinnar, að högum almennings ?

ÓHH 

Óskar Helgi Helgason (IP-tala skráð) 8.9.2019 kl. 00:28

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband