Neyðarlyf sem forvarnarlyf á degi hverjum?

Malaríulyfið, sem Bandaríkjaforseti tekur daglega inn sem forvarnarlyf gegn kórónaveirunni, er sérkennilega notað og það meira að segja sem fyrirmynd fyrir aðra, því að sérfræðingarnir í stétt lækna skilgreina það á þann veg, að aðeins sé réttlætanlegt að nota það í neyð ef allt annað bregst.  

Ástæðan liggur í ýmsum hliðarverkunum eins og hjartsláttartruflunum.

Til að leita að einhverri hliðstæðu í hugsunm mætti taka að vegna þess að vatn gæti gert gagn til að slökkva eld ef það kviknar eldur timburhúsi þar sem væri bókasafn;  myndi eigandi hússins fá sér slökkvibíl og úða allt húsið að innan með vatni og froðu daglega sem forvörn við því að það kviknaði í. 

Rannsóknir á aukaverkunum skortir og í sögu læknavísindanna eru of mörg dæmi um slæmar afleiðingar af skorti á rannsóknum og reynslu. 

Þannig háttaði til um undralyfið Thalidomid, sem í ljós kom að olli skelfilegum aukaverkunum.  

Virkar malaríulyfið gegn veirunni?

Athugasemdir

[Richard Þorlákur Úlfarsson, 20.5.2020 kl. 04:59]

Óttalegt bull er þetta í þér Ómar.

Leiðinlegt að sjá hvernig hatur ykkar vinstrimanna á Trump, Davíð Oddssyni og Sigmundi Davíð fær ykkur til að delera þegar þessir men opna munninn.

Maður gæti haldið að þið væruð að skrifa fullir.

Þetta lyf hefur verið í notað með góðum árangri í nærri 70 ár og hefur ekkert með brunaliðið að gera.

[Halldór Jónsson, 20.5.2020 kl. 12:24]

Ég þekki lækni sem hefur tekið þetta lyf árum saman við gigt og gefist vel. Helmingaunartími þess er langur í líkamanum þessvegna trúum við Trump því að það hafi forvarnargildi sem vigti út aukaverkanir ef fram koma en eru bara sjaldgæfar en ekki algengar eins og Ómar reynir að telja okkur trú um samtímis sem hann reynir að drulla yfir Trump eins og hans er von og vísa.

[Ómar Ragnarsson, 20.5.2020 kl. 13:03]

Ég bendi á að í lok fyrirsagnar þessa pistils er spurningarmerkið ?

Spurningarmerkið þýðir, að þegar efi eða vafi er á ferðum er vinsamlegast farið fram á að vangaveltur séu samt leyfilegar. 

[Hörður Þormar (IP-tala skráð) 20.5.2020 kl. 13:11]

Trúin getur átt stóran þátt í batahorfum sjúklinga, þetta hafa tilraunir með lyfleysur sýnt fram á.

Til munu þeir sem trúa því að snákaolía sé allra meina bót. Ekki er ólíklegt að reynt hafi verið að nota hana til þess að lækna COVID-19. Fróðlegt væri að vita hvort rannsóknir hefði verið gerðar á gagnsemi hennar þar.