Hver er reynslan erlendis?

Nýtilkominn vandi vegna umferðar á rafhlaupahjólum er ekki aðeins íslenskt fyrirbrigði, heldur hefur þetta "æði" breiðst út um alla Evrópu og notkun þeirra er í mikilli gerjun. 

Ef rétt er munað, fjallaði þýska þingið nýlega um málið og komst að þeirri niðurstöðu, að helst ætti að nota þær á akbrautum en síður á gangstéttum. 

Ef fleiri gögnum er flett upp um stöðu mála þar í landi, virðist málið þó enn vera á dagskrá þar, og í öðrum löndum vera á svipuðu æskustigi og myndin hér við hliðina gefur til kynna. 

Skilgreindur mumur á rafhlaupahjólum og rafreiðhjólum felst í því, að staðið er á hlaupahjólunum en setið á reiðhjolunum. 

Eðli málsins samkvæmt hefði mátt halda, að úr því að rafhlaupahjólin taka næstminnsta rýmið í umferðinni, og aðeins gangandi maður taki minna rými, ætti forgangsröðin að vera, þar sem þessi umferð blandast saman, svipuð og var upphaflega í fluginu, að svifflugur og loftför, sem ekki eru vélknúin, hefðu forgang fram yfir öll önnur loftför.

Notkun hlaupahjólanna er enn á frumstigi þróunar í flestum löndum, en gagnlegt gæti verið að hér á Fróni yrði hugað að því sem er að gerast erlendis í þessum efnum, með svipuðu hugarfari og hefur verið kjörorð í flugnámi: "Lærðu af mistökum annarra, því að annars muntu aldrei lifa það af að gera þau öll sjálfur." 

Rafskúturnar minna á villta vestrið

Athugasemdir

[Vagn (IP-tala skráð) 8.7.2020 kl. 10:22]

Og svo eru þeir, sennilega meirihlutinn, sem telja að þeir sem borga sérstaklega við notkun á vegum landsins eigi að hafa forgang. Allir aðrir skuli víkja og ekki vera fyrir.

[Árni Davíðsson, 8.7.2020 kl. 12:42]

Það er flóknara en ætla má. Það þarf þá að gera greinarmun á götum sem sveitarfélögin standa undir og þjóðvegum á forræði ríkisins. Götur sveitarfélaga eru ekki greiddar af sköttum á ökumönnum heldur sköttum á íbúum öllum með einum eða öðrum hætti. Fyrir þjóðvegi borga orðið bara eigendur bensín og dísel bíla með eldsneeytisgjöldum og kílómetragjöldum. Á þá að reka eigendur rafbíla af þjóðvegunum? 

Ég efast um að eigendur rafskúta séu mikið á þjóðvegum og reyndar er bannað að aka þeim á akbraut.

[Kolbrún Hilmars, 8.7.2020 kl. 16:04]

Meirihluti þeirra sem rúlla um á skútunum hafa ekki bílpróf.  Auðvitað eiga þeir ekkert erindi á umferðargötur.  Spurning með gangstéttir, sérstaklega þar sem hrekklaust göngufólk gerir ekki ráð fyrir hljóðlausum og hraðfara  farartækjum. 
Eins og skúturnar eru nú í rauninni sniðugur ferðamáti þá eiga þær í rauninni hvergi heima í umferðinni, hvorki meðal akandi né gangandi.